مشاهدة النسخة كاملة : ابن عـاقل
سراب اللال
29-Jul-2010, 10:08 PM
ابـن عاقل ودنا نمزح معك والله الهدف الاول والاخير نبا الفايده منك
مرحبا ترحيبت(ن) سـقتها يم الكرام = بالرجال أهل الكرم يوم شبت نارها
ابن عاقل بعد رد التحية باحتـــرام=ليته يجيب العلوم لديار(ن) زارها
ماجد السميري
29-Jul-2010, 10:32 PM
ارحب ارحب
والفائده لي انا بلاشك
البقاء بك يالمرحب على سلم ونظام= عند قومٍ فالمواقف طوال اشبارها
قبل مردود السواليف ياذرب المقام=ويش وسم الناقه اللي تشيل حوارها
سراب اللال
29-Jul-2010, 10:39 PM
الله الله صح لسانك مليار استلم
يا العتيبي وضعنا ما يبا نصب الخيــام =ما خبرت الناس يا شيخ تحذف جارها
ليتك تخلي عباة الكبر وقت الصــيام=جعل دار الكفــر للحرق معها بــارها
منصور الدرين
29-Jul-2010, 10:47 PM
ياسلام ياسلام
صحت الالسن
ممتعين استمروا
سراب اللال
29-Jul-2010, 10:49 PM
منصور شرفنا تواجدك يا الحبيب متابعتك فخر لنا
ويآ ليت تعلموني طريقة تنظيم القصايد ابا اكشخ معكم ههههههه
ماجد السميري
29-Jul-2010, 10:55 PM
صح بدنك ولساااانك ملياار
كان تبغى الحق والحق حلال الخصام=كل لحيه يالسنافي لها مقدارها
ما يدس الراس فالرمل ياكود النعام=عن طويلات السوالف تسد قصارها
سراب اللال
29-Jul-2010, 11:07 PM
ابن عاقل لو يعرف الحلال من الحــرام=كان مايتبع هل الغـي بعــــد افكـارهــا
خوة اهل الخير يا صاحبي خوة ســلام=والطيور اشكال محدن يعرف اسرارها
سراب اللال
29-Jul-2010, 11:33 PM
ابن عاقل الظاهر انك رقدت ههههههههه
المهم انا برقد مير رد ومتى ما لقيتها نكمل ان شاء الله
اللي نسق الابيات بيض الله وجهك
ماجد السميري
30-Jul-2010, 06:51 PM
المعذره ياسراب على التأخير
كان يارجال في خاطرك بعض الكلام=لا تروح ايمينها لا تروح ايسارها
ياسراب اللال واسمك على وصفك تمام=دونك عيون النشاما تضيع انظارها
سراب اللال
30-Jul-2010, 09:37 PM
هلا والله بابن عاقل ارحب مليار استلم استلم
الذلول اللي عليها من المقفي سنام=جعلها يا صاحبي تفركك من زارها
المكارم و الشيم والحشيمه للحشام=والخنا لاهل الخنا زارها في دارها
ماجد السميري
31-Jul-2010, 09:26 PM
الاخ العزيز /سراب اللال
شرفتني بدعوتك الكريمه
صح لسااااانك
واعذرنا على القصور
ابن صبحي الشاطري
31-Jul-2010, 09:32 PM
صحة السنتكم على ماقدمتو
vBulletin® v3.8.2, Copyright ©2000-2025 Arabization iraq chooses life