ورقـــان مطلوب للجهات الامنيه

[سراب اللال]

الاخ ورقـــان اذا وقتك يسمح نبا نلعب معك او متى ما قريتها رد


يآ مرحبا ترحيبت(ن) جبت الذهب من جوفها

ورقان شاعر من كبار القوم .والساري سرى


ليت العرب يا صاحبي لو جــودت ملقوفـــها

يا صاحبي ورقان زاد اللوم.والساري سرى

[ورقان]

تفضل

دام البقاء لاهل النقاء اللي ماقدرت اشوفها=ماغير انا وابويه المرحوم والساري سرى
حط النقط فوق السطور اليا كتبت حروفها=لاتجمع الظالم مع المظلوم والساري سرى

[اصمعي عتيبه]

حبيت اسلم علي الشعار واقولهم صح الله السنتكم
ياشعار وافين
ورقان انتبه من سراب تراه يدفن واجد ههههههههه

[ورقان]

حبيت اسلم علي الشعار واقولهم صح الله السنتكم
ياشعار وافين
ورقان انتبه من سراب تراه يدفن واجد ههههههههه


صدز والله

ها عاني مقرط في ثوبي ومجهز للمنيرههه

[بدر العضياني]

ياسلام ياسلام

صح لسانك يا سراب اللال

وصح لسانك ياورقان


حط النقط فوق السطور اليـا كتبـت حروفهـا
لاتجمـع الظالـم مـع المظلـوم والسـاري سـرى

*********

حط النقط فوق السطور اليـا كتبـت حروفهـا
لاتجمـع الظالـم مـع المظلـوم والسـاري سـرى

الله الله

متابع

[اصمعي عتيبه]

الله الله المبدا كايف
تابعو معاكم

[ورقان]

البواردي

صح بدنك ومرحبا الف

[ورقان]

ارحب مليون يا اصمعي عتيبه

[سراب اللال]

الله الله توي انتبه لردك يا ورقان العذر من الله ثم منك

وين بتنير انا جاي ابا اتعلم منك

ورقان شاعر و الخصوم تهز له بكتوفها

مير البلا لو جيتني فالنوم .والساري سرى





الظروف اللي معك لا تفك ظروفها

ورقان يا ورقان جوك القوم .والساري سرى

[سراب اللال]

صــح لسان البورادي حضورك يشرفنا

الاصمــعي ما توقعتها منك يا العميل الله يكفينا شرك هههههه


شرفني تواجدكم

[ورقان]

مايوص الطار من خار علمني فيك الاصمعي بس لايكثر :)


الليل تفتل صوفها والصبح تنقض صوفها=وخيوطها في المغزل المبروم والساري سرى
الكعبه اللي كل مسلم في البلاد يطوفها=جيش ابرهه من دونها مهزوم والساري سرى

[سراب اللال]

ههههههههههههههه الله يكفيني شرك

الله الله

ترى الرجال الطيبه تتعب على مصروفها

يالله ربــي تعطــي المقســـوم .والساري سرى


رفعت راسك ياولد يم السما و تشوفها

شفت الطيور اللي عليك تحوم .والساري سرى

[ورقان]

عزي لناس ما تكمل في حقوق ضيوفها=يا خالقي ياحي ياقيوم والساري سرى
ورقان وكرٍ للحرار الوافيات وصوفها=ما رف من فوقه جناح البوم والساري سرى

[سراب اللال]

يا شين ضعف النفس لا عود علاه ضعـــوفها

لا خير في علم(ن) بدون سلوم.والساري سرى


ترى العرب في وجهكم دايم تسل سيوفها

وانته تبيع وتشـتري وتســوم ..والساري سـرى

[سراب اللال]

العــذر والله يا ورقان مشكلتي انسى احدث الصفحة مير ابشر هالمره ماني مغير عن الموقع

اعذرني والله

[ورقان]

بعض الرجال الله لايشكر لها معروفها=ماتعرف الغازي من المعزوم والساري سرى
نفرك خشوم القوم حتى ينكسر غضروفها=قبل النفوس تغادر الحلقوم والساري سرى

[ورقان]

سراب اللال

صح لسانك وبيض الله وجهك

اعتقد ان الطاروق اخذ حقه

من الاخذ والعطاء

[سراب اللال]

يا وجه الله ههههههههههههه

شفت الحسينه يا ولد تفخر بزين ردوفها

الله يعرضها سموم سهوم .والساري سـرى




الفرك يا ورقان يعرف مانبا مكشـوفها

يا كم هنا دقيت روس قروم.والساري سرى

[سراب اللال]

بيض الله وجهك يا ورقان ولنا لقاءات ان شاء الله

[اصمعي عتيبه]

كفو الله ياشعار عزالله انك شعار وانا استانست واستمتعت وانا اقرا
كفو وبيض الله وجيهكم