القصيده في البرميل

[شعيل الزلامي]

السلام عليكم ورحمة الله وبركاته

يقول:


برميلنا


يالله دخيلك من زمان المضره =اللي جعلنا نقضي الدين بالدين
ماعاد نعرف ويش خيره وشره=متلخبطه فيه البشر والقوانين
ولا اظن باقي للمطاليق ذره=صار القفا كالوجه والراس رجلين
من عين الرميل لله دره=عساه دايم فوق حد الثمانين
نسئل عنه لوكان مابه مسره=اليا ارتفع والا انخفض مافرقت شيّن
برميلنا اللي حطنا في مغره =لولاه ماصرنا فقارا مساكين
والخمسه اللي مالها ايات جره=صارت علينا مثل نكبت فلسطين
اغلو علينا الزاد حلوه ومره=واللي بعشره كان خلوه ضعفين
والقرش والله مانفكر نصره=الكيس بميتين والكبش بالفين
حتى هل الاغنام صارو مشره=تقول يطعمها بديزل وبنزين
ضاق الفضاء بالناس بحره وبره=وصرنا حقيقه في هذا الامر نصفين
احد مايشبع في الشهر غير مره =ليا قالو ان اليوم خمسه وعشرين
واحد نبت له صرة فوق صره=دايم ولحيانه سوات الطواحين
واحد يشوف التيس ولا يمره=واحد طعامه من فقار البعارين
وياكثر مافي هالبلد من مبره=لكن الاسماء وين وافعالنا وين
لو انت صاحب حق كنك تطره=تقول من غزه في لبنان لاجين
تكفى يابو متعب عليك نتشره =فتش وزاراتك وتلاقى ملاعين
ومن تاجده منهم على الوجه جره=لاتخذك فيهم رحمه ولا لين

[ابن صنهوت]

الله يا شعيل نص في غاية الابداع والجمال وملامس لجروح المجتمع قلت فابدعت صح لسانك حتى ترضى يالزلامي مافيكم حيله

[محمد مذكر المغيبي]

الشاعر المبدع الدائم

شعيل الزلامي صح لسانكمليون

هذا القصيد اللي عقب الخطوط الحمر كلها

وجزاله وحبك وسبك وجراءة لها طابعها الخاص

لااقول الاالله لايهينك ويبيض وجهك ولايضرك

تقبل تحياتي

[أبو مرحبا]

شعيل الزلامي

ماشاء الله قصيده رائعه بما تعنيه الكلمه

صح السانك مدد بلا عدد

تقبل مروري

[الجوراسي]

حـتــى هـــل الاغـنــام صــــارو مــشــره=تــقـــول يـطـعـمـهـا بــديـــزل وبــنــزيــن

صح لسانك يالزلامي شاعر مافيك حيلة

بس انا اشوف ان سعر الشعير والاعلاف تجاوز سعر البنزين والديزل بمراحل

[فهد علي العازمي]

مــن عـيـن الرمـيـل لله دره

تعديل فقط من عيّن البرميل لله درة زحلطت سهوا



صح لسانك ملايين يالغالي وبيض الله وجهك والله يكفينا الشر

[عبدالله الفهد الاسعدي]

الاخ شعيل

صح لسانك حتى عنان السماء

ابيات تلامس الواقع المرير

بيض الله وجهك

[ابو ضيف الله]

مــن عـيـن البرمـيـل لله دره =عساه دايـم فـوق حـد الثمانيـن
نسئل عنه لوكـان مابـه مسـره =اليا ارتفع والا انخفض مافرقت شيّن
برميلنا اللـي حطنـا فـي مغـره = لـولاه ماصرنـا فقـارا مساكيـن



صح لسانك يا شعيل واضحك الله سنك و البرميل ما نقدر ننشد عنه مار اهل الغنم هم العبره
والظاهر ان الجوارسي من كبار المضاربين في سوق الغنم وقام يدافع عن زملائه

[بدر العضياني]

صح لساانك

وبيض الله وجهك

[شعيل الزلامي]

الله يا شعيل نص في غاية الابداع والجمال وملامس لجروح المجتمع قلت فابدعت صح لسانك حتى ترضى يالزلامي مافيكم حيله





الف شكر

يابن صنهوت

[شعيل الزلامي]

محمد مذكر


ياهلا ومرحبا والله


اشكرك يابومذكر


ولاعدمتك

[شعيل الزلامي]

شعيل الزلامي

ماشاء الله قصيده رائعه بما تعنيه الكلمه

صح السانك مدد بلا عدد

تقبل مروري




شكرا جزيلا

يابو مرحبا

[شعيل الزلامي]

حـتــى هـــل الاغـنــام صــــارو مــشــره=تــقـــول يـطـعـمـهـا بــديـــزل وبــنــزيــن

صح لسانك يالزلامي شاعر مافيك حيلة

بس انا اشوف ان سعر الشعير والاعلاف تجاوز سعر البنزين والديزل بمراحل



اخو العزيز الجوارسي

معاك حق بس اللي

اعرفه ان هذا الامر

اذا حدث يجعل الاسعار

رخيصه0

ولكن اللي نراه العكس


اشكرك جزيل الشكر

[شعيل الزلامي]

تعديل فقط من عيّن البرميل لله درة زحلطت سهوا



صح لسانك ملايين يالغالي وبيض الله وجهك والله يكفينا الشر



اخوي فهد الله يعطيك العافيـه

صدقت وياكثـر الامور

الي تزحــلـط سهــوًا



أشـكرك

[شعيل الزلامي]

الاخ شعيل

صح لسانك حتى عنان السماء

ابيات تلامس الواقع المرير

بيض الله وجهك


صح بـدنك

والله يعـطيك العافيــه

[شعيل الزلامي]

مــن عـيـن البرمـيـل لله دره =عساه دايـم فـوق حـد الثمانيـن
نسئل عنه لوكـان مابـه مسـره =اليا ارتفع والا انخفض مافرقت شيّن
برميلنا اللـي حطنـا فـي مغـره = لـولاه ماصرنـا فقـارا مساكيـن



صح لسانك يا شعيل واضحك الله سنك و البرميل ما نقدر ننشد عنه مار اهل الغنم هم العبره
والظاهر ان الجوارسي من كبار المضاربين في سوق الغنم وقام يدافع عن زملائه

شكري واحترامي

أبوضـيــف الله

[شعيل الزلامي]

صح لساانك

وبيض الله وجهك

صح بـدنــك

وجهــك أبـيـض