صبحكم الله بالخير

[صلاح البريكي]

كيف الحال

ما ادري فيه شعار حاليا ولا لا

اذا في شاعر يسجل حضوره

وشكرا

[حسن إبراهيم الدجيماء]

مرحبا ومسهلا
,,
أرسل يالذيب !!

[صلاح البريكي]

بعد ما جيت أل عتيبه وانا العضو الجديد = يا سلام الله سلامٍ اعم ابه البلد
قالوا ان الرجل ودك يفيد ويستفيد = والسوالف بيننا يا الدجيماء تنسرد

[حسن إبراهيم الدجيماء]

بعد ماجيت لعتيبه من لسانٍ مِجِيد = الفصاحه ,, مرحبا عدّ زخات البرَد
كان تبغى الفايده عندنا لك مايفيد = وان بغيت الشر لك عندنا شرّ ونكَد

[صلاح البريكي]

ما حضرت الا وانا طالبيني بالبريد = والحقيقه يا ولد ماحد ايخلي لحد
شد حيلك دام مال الحديد الا الحديد = وعرف ان النار ما بعدها غير الرمد

[حسن إبراهيم الدجيماء]

كل من له علم غانم وله مجدٍ تليد = لالفانا نفتخر ونتشرّف به بعد
اذّن وحنا نبا نلحقك يمّ المسيد = الصلاة الها مواقيت وافطن ياولد

[صلاح البريكي]

العلوم الطيبه ما يحضرها البليد = واشهد اني ما احب الحسد واهل الحسد
بالكويت وصاحبي من ورا نقرة حميد = ولا حصل من بيننا لا حساب ولا عهد

[حسن إبراهيم الدجيماء]

لاتعرّفني بعسفان وانا اعرف قديد = جوّهن واحد ومعروف ياوجه السعد
اجْلِ خلّك في ديارك ولاتطلع بعيد = البعيد امن المناطق تبا صبر وجلد

[صلاح البريكي]

العرب متناقضه والعبيد اهم العبيد = ومن يصدر علم . غيره على علمه ورد
جبتها من فوق راسك على نقض القصيد = بعد ما شفت الذيابه رضت بامر الفهد

[صلاح البريكي]

صح لسانك يا الدجيماء

واتسمتعت باللعب مع

ولنا لقاء اخر ان شاء الله

[حسن إبراهيم الدجيماء]

صح بدنك .. والشرف لي !!



كل عبدٍ فوق وجه البسيطة واله سيد = والسياده ورثٍ النا ومن جدّ وجد
لي مع اللي مثلك خطاب وسلوبٍ فريد = صعبه اقارنك يالخرب بطيور الهدد

[أسير القوافي]

هههههه ،، الله الله ،، : )



صحَت ألسنتكم ملـيـون ،،



أمتعتونا كثيرا ،،


الدجمياء // وين هالغيبـه ؟؟ ،، حييَت مليون ياكبتن ،، وعودهَ حميده ،،



صلاح البريكي // صح لسانك يامميَز ،، وننتظر إبداعك في طواريق أخرى ،،





مروري !!