الليله الليله نويت العب واسريكم سوى

[ابراهيم الجـــــذع]

السلام عليكم ورحمة الله وبركاته








الليله الليله نويت العب واسريكم سوى=واللي نبا ننوي له ابنيه لابده ينزوي


والضلع من خلقته ثابت ما يحركه الهوى=والذيب لا منه بدا فوق الجبل قام يعوي

[النقد البناء]

صح لسانك..متابعين

[ابراهيم الجـــــذع]

صح بدنك أخوي النقد

يشرفنا متابعتك يا الغالي

[شايب كم]

الليله الليله نبا نارد على عد الروى =وانا حبالي راهيه واليا ورت إله ارتوي
اتقول واقولك يامال الشحم مالك لوى=الي على الجرف الهيال انذعذع الغربي هوى

[ابراهيم الجـــــذع]

يا الشايب اللي جيت تال الليل ذابحك الطوى=أنت علامك تتبع البدوان لو منت ابدوي


حنا ليا منا لقينا الجرح حضرنا الدوى=مير أنت من فوق الجبل والا فالأرض المستوي

[رعد الروقي]

الله الله



بداية توحي بقاف معتبر





ابراهيـــــــم // شــــــــايب




صحت السنتكم

[ابراهيم الجـــــذع]

صح بدنك أخوي العمدة

ولا تبعد ترا دورك وصل

[شايب كم]

مايشبع الجايع على ماقيل لو شم الشوى = وانا اعترض قدمي جذع شبيت ناري واشتوي
هون على نفسك شويه وانتبه لي يالحوى=انا مكاني معتلي وانت اعتدل لاتلتوي

[شايب كم]

ياهلا ومرحبا بالجميع

صحت ابدانكم

[ابراهيم الجـــــذع]

اقطع واكل ما تشتهيه من العصب حتى الشوى=واليا اعترض لك ذيب ما جاتك على ما تهتوي


يا الشايب اللي معتلي قدره ومدهون الثوى=احذر تراعد بك عظامك ثم ترج تنثوي

[شايب كم]

ترى الجذع معذور لو يسرح ويبطي ماضوى =معذور والشرهه على اللي سرحه ماله خوي
ماجيت ادور للتمر عندك يامصاص النوى=لكن ليلي طال قلت اقضيه انا وانت اسروي

[ابراهيم الجـــــذع]

الشايب اللي عقب ما قفا بعلباه انكوى=لكن ما يدري عن الموضوع واللي يحتوي



اثرك مثل الحصني اللي كل ردد صوى=شايب وعايب مير انا بعطيك درسٍ تربوي

[ابراهيم الجـــــذع]

الشايب الظاهر إنك راقد

[شايب كم]

بعد اطلاعي يالجذع على الملف ومااحتوى=قلت اخذ بقول الرسول ان اخر الطب الكوي
تراك مانت بهم للحريف في لعب القوى =تكفيك لكمة خاطمه تمتد والا تنطوي

[ابراهيم الجـــــذع]

مدام عينك يا هذا الشايب مثل عين الجوى=الله يقويكم على ما قلت لو منته قوي



منته بلاعب شايبٍ قوسه وقته ولتوى=محطمك هذا الزمن ومحطمينك معنوي

[ابراهيم الجـــــذع]

الشايب اللي عقب ما قفا بعلباه انكوى=لكن ما يدري عن الموضوع واللي يحتوي



اثرك مثل الحصني اللي كل ردد صوى=شايب وعايب مير انا بعطيك درسٍ تربوي





اثرك مثل الحصني اللي كل ما ردد صوى



هذا تعديل بعد الخطأ المطبعي

[طلال ناشي]

اثـرك مثـل الحصنـي اللـي كـل ماردد صـوى
شايب وعايب مير انا بعطيك درسٍ تربوي


بعد اطلاعي يالجذع على الملف ومااحتوى
قلت اخذ بقول الرسول ان اخر الطب الكوي


الله الله الله


إبراهيم صح ألسااااااااااانك ومن هنا وجبت متابعتك

ههههههه


شايب كم دت كم هواريو هههههههه


صح ألسااااااااااانك


طاروق ناري راق لــــــــــي


تقبلا مروري

[برررق الحيا]

طارق رائع ومولع

راق لي فتوقفت للإمضاء

صح السان الجذع والسان الشليب ولاهنتو على هالطاروق الممتع