اقرب شاعر يتقدم !!

[بدر العضياني]

السلام عليكم ورحمة الله وبركاته


سلام الله سلامن فيه من زين العلوم علوم=علومن ماتبين الا على ترديد الالحاني
انا الليه على الشعارشايلي عتاب ولوم=هوامير البلد جاهم من الترفيع طغياني

[ورقان]

عليكم السلام ورحمة الله وبركاته




هلا يامرحبا ترحيبةٍ تطرد لذيذ النوم=على نور القمر تسري مسار الذيب سرحاني
ليا شفت لك رجالٍ على النادر يهد البوم=فلا تبكي على الاول ولا تضحك من الثاني

[محمد صالح العطاوي]

هلا يامرحبا ترحيب وافي والطيور تحوم=وهات العلم كله والسنين عجاف وسماني
ليا شلت الهموم بصدرك اليومه تعاف النوم=تريح ياوسيع العرف خل فلان وفلاني

[ابن صبحي الشاطري]

الله صرحه فتل ونقض جميل

صحة السنتكم

[بدر العضياني]

حياك الله يا ورقان
وحياك الله يامحمد
واعتذر منك يامحمد والجايات اكثر
سبقك بها عكاشه

[بدر العضياني]

تحزم يا عميلي واحترص فالماقف المعلوم=تراني محتسي للقوم والعدوان من داني
ترا بعض الطيور اليا تعلت ما تجيد الحوم=ليا هبت هبوبي شالها لحدود عمّاني

[ورقان]

بعد توبتهم يوم التلاقي توبة العيسوم=تريح لاتعزوا بالقنا والسيف شاماني
قرانيس الحرار افراد واسراب القطا حثلوم=غدت في عجةٍ من فوقها براق الامزاني

[ورقان]

ابو صالح هلابك هلا

[ورقان]

ابن صبحي ماعليك زود

وهلابك

[جمال العضياني]

الله الله

صح لسانك ياالبواردي وياورقان
محاورة نقض وفتل.........

وااصلووووووووا



متااااااااااااااااابع

[ورقان]

ماعليك زود ياجمال وهلابك

وليا لقيت مشرف والا عضو على دربك قله يجي ينسق محاورتنا ويرد علينا

ويعطينا رقم الحساب :)

[بدر العضياني]

انا سليت سيفي للعدا وابا اخذ المقسوم=وانا حالف لنتّف روسهم من فوق الامتاني
ليا منا تعاونّا غرزنا فالنحور سهوم=وتركناهم سوات الميته في كل ميداني

[بدر العضياني]

يامرحبا ومسهلا ياجمال

صح بدنك

ومتابعتك شرف

[ورقان]

وانا ابا ابلغ الدوله عن اللي صار في الفيوم=مدام الامن سايد في البلد والخط مجاني
هذا عامٍ على الظالم نهاره يفرح المظلوم=لذكر الله تجمعنا ويخسى كل شيطاني

[بدر العضياني]

لا بالله بلغوا ياصحابنا وش صار وسط الروم=واخذ مني شهادة حق في نكبة حزيراني
ترا ما عندنا ضحكه وتغميزه وحب خشوم=كلامن يجرحه يا صاحبي راضي وزعلاني

[سـعـد الـعـصـيـمـي]

البواردي ، ورقان
هناك ابيات ذهبية في هذا الطاروق لله دركم

[بدر العضياني]

سعد العصيمي

هنا شهاده نفتخر بها

[برررق الحيا]

صح السنتكم ياشعار هالمتصفح

ولا هنتوا على النقض والفتل

[ورقان]

بعد جبنا الدلايل والقراين يصدر المرسوم=بحكم الله تعالى ثم حكم طوال الايماني
يحاول يهدم الاقصى من اجل الهيكل المزعوم=يقول المسجد الاقصى على هيكل سليماني:)

[ورقان]

سعد العصيمي

هلا ومسهلا والحمد لله ان فيه بيوت ذهبيه وانا احسبها برونزيه:)

لكن معك امانه ليا شفت لك مشرف قل يكتب تحت اسمي انا والبواردي (شواعر)

صدقه في نحر هالشهر الفضيل لوالداه :)

[ورقان]

ماعليك زود يابرق الحيا

وحياك الله

[ورقان]

البواردي

صح لسانك وسلمت يمينك

كفيت ووفيت وابدعت واجزلت

وكان لي شرف لقاءك

تقديري

[بدر العضياني]

البواردي

صح لسانك وسلمت يمينك

كفيت ووفيت وابدعت واجزلت

وكان لي شرف لقاءك

تقديري



ورقان

صح بدنك . وصح لسانك

والشرف لي

استمتعت باللعب معك والجايات اكثر انشـــاء الله

[خالد الثبيتي]

صح لسانك يا بواردي
و صح لسانك يا ورقان

و الله لا يهينكم ان شاء الله

يالبواردي
وش هالحقد كله ههههههه
خل صدرك وسيع و تعوذ من الشيطان
و ما كثر الله غير الدول
ما عليك من الفيوم و الروم ههههههههه



ما قصرتوا

[بدر العضياني]

ههههه

حياك الله يبن منور

لا لا ما عني وعن الفيوم ولا الروم

اما انهيها ولا تنهيني ههههه

صح بدنك ولا هنت

[خالد الثبيتي]

هلا يالبواردي

اجل خلك لين تتعب و انت ما نفعتك الفيوم و الروم
هههههههه

ما أقول الا الله يوفقك ويوفق جميع الشعراء اهل الفيوم هههه