لا تتابـــع كـــل طــــاروقٍ يغـــنا / العـــــــــمده

[طلال ناشي]

صباح الخير ,,,



مرحبا بالعمده اللي غاب عنا = عقب ماطول غيابه مرحبابه

لا تتابع كل طاروقٍ يغنا = دام أنا وياك في حلة عتابه

[عزيّز العبدلي]

الله الله

صح السانك يابن ناشي

وصح السان العمدة مقدما

متابع

[عيد بن مرضي]

طيب طيب


صح لسانك ولسان العمده

[طلال ناشي]

العبدلي


عيد ابن مرضي هلابكم


صحت ألسنتكم ولا هنتوا على التشريف

[رعد الروقي]

عز الله ما دريت عن طلبك يابن ناشي



سريت وهذا عهدي



جايك الرد

[طلال ناشي]

الله يحيك يارعد

[رعد الروقي]

صباح الفلّ




البقا ياللي ترحب في وطنا =لو تراحيب العـــرب فيها غرابه
ان عطينا وان رمينا وان طعنا=ما لفتنا العين في قوس الربابه

[طلال ناشي]

ماغريب ألا الردى والله يامنا = كان حتى مرحبا فيها طلابه

صح مير الوقت عيا يرجهنا = والسوالف كثرها مافيه ثابه

[رعد الروقي]

الله الله



بعض خلق الله بكفينه معنا=يلطم خدوده ويفتق في ثيابه
في دواوين الكرم هيلً وبنا=والسبع ما يقطع ذراعه بنابه

[طلال ناشي]

يارعد لا تحسبن ربعك مجنا = أنت زيزوم القرايه والكتابه

كل ماجيناك منا جيت منا = فك باب الهرج ولا صك بابه

[رعد الروقي]

الله الله



يا مهنا جــــــاك كل اللي تمنا=عيش وسط القصر والا فالخرابه
البعير اللي مع الحره يحنا=ويش عنده لو نفتش في زهابه

[طلال ناشي]

إيه شيل العفش كله فوق دنا = ولا تحطه لين تحسبلي حسابه

الله اكبر يالليال اللي مضنا = يوم كلن له قدر وله مهابه

[رعد الروقي]

الله الله



حضن من فقد الرياحي والمعنا=يبكي لخنذف ويشكي من شبابه
علم ونيــــــــــــــان قل له لا تونا=لا تقص ايده مقصات الرقابه

[طلال ناشي]

صح السااااااااااانك يالعمده


لاهنت


والصلاة واجبه

[ماجد السميري]

الناشي @ العمده


لله دركم على الابداع


صحت السنكم ولاهنتم

[طلال ناشي]

صح بدنك يابن عاقل

لاهنت على مرورك الكريم

[سـعـد الـعـصـيـمـي]

الله الله الله
ابداع وتناسق وسلاسة وكل علمٍ طيب :)
لله درررررررررررركم

[طلال ناشي]

الابدااااع مرورك الكريم


لاهنت ياسعد ولك كل التقدير