سلطان الجذع .. تفضل..!

[حمد بن جوباح]

,

,,






حياك الله يابو عبدالله :)






مرحبا ترحيبة فيها علامه والعلامه = فالطعام وفالشراب وفالطريق وفي طروقه
الجذع شايل عصاه ويحتري يوم القيامه = فالبعير اللي يقوده والبعير اللي يسوقه

[سلطان الجـذع]

/
/

ارحب ارحب

لا سرى ليلنا يالله سترك :)


البقا من هاجسٍ يجلى عن النفس الملامه = أخذ منه الحق وافي بعد ماتكمل حقوقه!!
العمى لو يرزق بحدة بصر زرقاء اليمامه = مايشوف بنجد غير اهل الوفاء برقا وروقه!!

[ابن صبحي الشاطري]

صحة السنتكم

ولا هنتو

[سـعـد الـعـصـيـمـي]

الله الله الله
هذا الطاروق اللي يطير النوم
صحت السنتكم وقلوبكم

[سلطان الجـذع]

..

الشاطري صح بدنك ولاهنت

[سلطان الجـذع]

..

ارحب ارحب يابو مطر .. صح بدنك ولاهنت على تشريفكـ ...

[حمد بن جوباح]

,,




الحقوق مكمله مير البعير اللي خطامه = يسحبه فالدرب ويدينه على دربه تعوقه
من يبيع ويشتري فالسوق وش داعي صيامه ؟!! = اقطع اليمنى الغموس ونقطع اليمنى السروقه

[حمد بن جوباح]

,

,,









صح بدنك يا الشاطري




ولا هنت على تشريفك وانا اخوك :)

[حمد بن جوباح]

,

,,





صح بدنك يابو مطر ,,


وجودك ينومس لا عدمناك..:)

[حاكم الغنامي]

طيب طيب



صحت الالسن



متابع

[حمد بن جوباح]

,

,,






طاب حالك وفالك يابو عيد..:)



صح بدنك



ولا هنت على تشريفك يا الغالي ,,

[سلطان الجـذع]

,,,

طيب طيب


انت فالواجب كريم ودفنة الميّت كرامة = لاتعرضنا لنوٍٍ تجهر الساري بروقة!!
الوجوب انك تتوب وتطلب الله فالسلامة = النخل بصمة يدينك حصلوها في عذوقة!!

[سلطان الجـذع]

,,

ارحب يابو عيد ارحب وصح بدنك ولاهنت ...

[حمد بن جوباح]

البدو تسري ركايبها على برق الغمامه = والجذع لا عاش فوق الآرض والا الأرض فوقه !!
يا الجذع لا تاقف برجلك على ريع الندامه = النخل من يزرعه نخرف له التمر ويذوقه :)

[سلطان الجـذع]

.,
,

الله الله


فوق غصن التين والزيتون غني ياحمامة = ليت للقناص رجلٍ رجاء صيدك سبوقة!!
انت متهم والقضية تلبسك لبس العمامة = مشلح الهيضل ستير وعينك تدّور فتوقه!!

[حمد بن جوباح]

.
..



صح لسانك طال عمرك


الليل سرى والمعذرة منك ,,




شايف امام الحرم وسط الحرم لابس حرامه = مير وش فتواه فـ الأمواس والروس محلوقه..؟!!
مشلح الهيضل لو نقيسه على 200 خامه = يستر الجذعان يا ستار والنيه صدوقه

[رعد الروقي]

الجذع شايل عصاه ويحتري يوم القيامـه
فالبعير اللي يقوده والبعير اللي يسوقـه




العمى لو يرزق بحدة بصر زرقاء اليمامـه
مايشوف بنجد غير اهل الوفاء برقا وروقه!!



الله الله


طرق يفرض احترامه على المتصفح



حمد جوباح// سلطان الجذع




صحت افكاركم




متابع