جبل ورقان اقلط جاااي

[راع البيرق]

سلام عليك ياجبل ورقان نبي نستفيد منك لاهنت:d



شفنا جبل ورقان ضلعٍ منيف=مثل الهدا فى الحجم والمستوى
لكن ضلع الطور ماله وصيف=معروف فى الواد المقدس طوى

[ابن صبحي الشاطري]

صح السانك على البدعه الطيبه ننتظر قبيلك وصح السانه مقدما

[راع البيرق]

صح بدنك يالشاطري لاهنت

[ورقان]

عليكم السلام والفايده للجميع

شوفك سليم ولانظرك بضعيف=فيما يرى قدمه ماضل وغوى
مع قدرة الله كل ضلعٍ خفيف=اليا عرفت الله شديد القوى

[ورقان]

هلا يالشاطري هلا

[راع البيرق]

تسلم تسلم




اي بالله ان الشوف ماهو كفيف=اعرف لون الذيب لو ماعوى
وانته وانا متقاسمين الرغيف=من يوم قررنا نسافر سوى

[ورقان]

ومن قال سالم


يالوسمي اللي جيت في فصل صيف=ريحك عرفته مع نسيم الهوى
عوّد ترى مامن تمر في عفيف=اغنى ولد فيهم يمص النوى:)

[سلطان الجـذع]

..

الله الله صحت السنتكم ..

[ورقان]

صح بدنك ياسلطان وهلابك

[راع البيرق]

ههههه



قبل امس يوم البرق جاله رفيف=ابا الحصين انحاش ثم إنزوى
ماجيت ادور غير راع القطيف=ابنحر الاربد واذكي الحوى

[راع البيرق]

صح بدنك ياسلطان

[ورقان]

:)



ما احدٍ يلومه في النهار المخيف=اليا ضبح والا بجحره صوى
اجرح وداو ولا نقول لك كيف=اهم شي الكي قبل الدوا

[حاكم الغنامي]

ول


لاهنتوا على هالاجرااااااام يالمجرمين
:)

صحت الالسن متابع

[ورقان]

حنا نفصلها ياحاكم

واللي يلقاها مقاسه يخش فيها:)

[راع البيرق]

صح السانك ياجبل ورقان استفدنا منك لاهنت

والختام لك

تصبح على خير




خله يولي يوم ماهو نظيف=الجندي اول مايهم اللوا
لن حك عود بعود كفي ذريف=اولع النيران فوق الشوا

[ورقان]

صح بدنك ياراعي البيرق

والفائده بلا شك للجميع



اليا ضميت الماء بدلة حنيف=ابرد من القربه وعدالروى
فقه الفرايض ماغواه الحصيف=ولكل مسلم وإمرءِِ مانوى


تصبح على خير انت وكل من شاهد وتابع