نادوا العود في ماقفه ////

[ماجد العصيمي]

العود فالميدان نادوه فالحال=ودي معه ننقض حبال القضيه
الزركشه والزبرقه سعرها غال=من كثر تلميع الهنوف الصبيه

[سعود العصيمي]

الزركشه والزبرقه سعرها غال
من كثر تلميع الهنوف الصبيـه



الله الله

صح لسااااااانك يالشبل



وصح لساااااان العوود مقدمآ

[ماجد العصيمي]

صح بدنك يامشرف


وبانتظار العود

[علي الثبيتي]

مالك ومال العود ياطيب الفال=ماعاد اله فالشعر ياشبل نيه!!

بالعكس ماتسوى لها عندي اريال=يشهد على ماقول رب البريه!!

[علي الثبيتي]

ساعه وجبة عشاء ياشبل

[ماجد العصيمي]

العام بنت الناس تطمع بسلسال=واليوم معها الحاشيه فوق ميه
والهندي اللي رافعن شانها عال=بالسحر يلعب بالعقول الغبيه

[علي الثبيتي]

ههههههههه


الناس فالميدان رجلي وخيال= والفرق واضح بين هاذي وذيه

ان كان مالك قمة المجد منزال = ضاعت علومك بين صبح وعشيه

[علي الثبيتي]

ابو طايل صح بدنك يالغالي

[ماجد العصيمي]

ما للمجنن غار تصفيد الاغلال=حنا نعرف الصايبه والخطيه
الله يطول عمرك لشهر شوال=ولا الضحيه يمكن انت الضحيه

[حمد بن جوباح]

,

,,







الله الله


صحت ألسنتكم يا الغالين :)





متاااااابع

[ابو فايح]

!!!!!!!!!!????????

[علي الثبيتي]

الاتصال فيه مشكله ياشبل


يامطيبك ياشبل في ضرب الامثال=وربعك من ارجال الوفا والحميه

القول قول ولا يقارن بالافعال= والله يجنبنا العلوم الرديه

[ماجد العصيمي]

يالعود انا هرجي معك من وسع بال=ماني بجاهل في رباع وثنيه
ياليتني لاحقك في عصر الاجيال=امنول عزومك قويه قويه

[ماجد العصيمي]

تصبح على خير يالعود


شكرا لتلبية الدعوة

[اصمعي عتيبه]

مشالله عليكم صح السانك يالعود
وصح لسانك ياشبل مرجحين الموازين
كفو شعار جزلين ووافين
متعتونا وشكرا علي ادائكم الرائع