اللي وده يسولف يقرب جاي

[سراب اللال]

يا سلام الله سلامن يعم اللي قـراه

منتدى الهيلا جمعنا على عز و فخـر



ويش راي عتيبه بشيخً الله كم بلاه

ينقلون رسالته من زمان و ماظهر.!

[اصمعي عتيبه]

مرحبا بك يوم علمك علي راس الحصاه=بالعميل اللي دلاله علي شبت سمر
والله ان الراي عندي ولاكن وش مداه=قرب القيفان ما تسمع اذان العصر

[اصمعي عتيبه]

يالله حي سراب ياخوك بصلي العصر واكمل وياك بعد الصلاه ماشي توه اذن
ضروري اكمل وياك

[سراب اللال]

البقى يا الاصمعي واذبحو لي الف شاه

واعزم اهل المنتدى عقب صليت الظهر..!



فتش الاوراق واعرض ملفي للقضاه.!..

وخل قلبك يالعتيبي مثل صم الصخر..!..

[اصمعي عتيبه]

الله الله
ياسراب كمل ابداعك

[اصمعي عتيبه]

ياسراب ن يخدع العين والضامي يباه=مالقى له حاجتن لاوصلها تنذكر
والله اني كاتبن فالعدل واكتب نباه=وابشر بحاشي مفطح علي عز وقدر

[سراب اللال]

العتيبي ما خبرته يرد اللي نصـــاه.....!

يقضي الماجوب لو كلفه قصف العمر.!



لكن اللي وصل رسالته يمكن عطاه..!

مير يكتب وان كتب علةً وسط الـ نـحر

[اصمعي عتيبه]

العتيبي يارفيقي رفيع ن مستواه=والمشايخ بعضها لا تسر ولاتضر
واجب الرجال فرض ن ولا نبغي زكاه=مير شفتك يابن لادن وشيطانك حضر

[سراب اللال]

ليتك انته تسمع اللي سمعته فالقناه

خلها مستوره ان كانها تبغى الستر..!



العتيبـي ما ندور عــن الــزله وراه...!

كلمتن ما قلتها ..خلها وســط الصدر

[اصمعي عتيبه]

صاحبي شاعر وبالجزل مابين رداه=كم قناة ن بالتلفزون ماهي تنحصر
والخبر شفت الجزيره تغطيه بغطاه=والحقيقه خلها بالصدر لو هي جمر

[سراب اللال]

يا العتيبي لو نخيتك تدور لـي عــلاه....!

بمسك لسانه و اقصه واحطله حجر...!



لو بعت اللي وراك ولقيت اللي شراه

لآ تخلي دربك اللي مشيته من شـهر

[اصمعي عتيبه]

سراب انا اجدد الصفحه الاولي من اليوم ولا نتبهت ان الصفحه الثانيه شغاله ولا شفت ردك الا تو
احسبنك طولت السموحه توني اشوف ردك الخطا مني والحين برد

[اصمعي عتيبه]

والله اني ماسك البندقيه بإنتباه=محتزم في محزمي لاتشوفنا خطر
وانت اضنك بعتها يوم خليت الصلاه=مير انا علم الشكاله معاها من صغر

[سراب اللال]

الصقر لو يعرفه كان يمكن ما شواه....!

مير اثرها منطقه ....دونها غابة شجــر


يا العتيبي طالبك خلها تحت العباه.....!

لا تكشّفها على الناس ثم انت تخسر

[اصمعي عتيبه]

ياسراب اللال شيخك عرفنا مبتغاه=والعباه اللي معك حطها فوق الخصر
شيخكم يمشي وراكم وليله قد سراه=غابتك جازت لشيخك وتصلح له وكر

[سراب اللال]

شكلك انته تفهم اللي بغيته (بالعصاه)

يالله انك لا تـفـك السـجون اللي حدر..




انت ذيبً مير كلً تطمّع في عـشـــاه

مير خلك يا ولد مثل ما انته في قشر

[اصمعي عتيبه]

والله اني فاهمك مير اطبق لي وصاه=فلت إحجاج النشاما نطرناها تمر
ذيبكم يبغى عشى ذيبنا سوا غداه=كلبونا عندنا خير مير اقدع تمر

[سراب اللال]

انت ذيبً مير مخلبك قصوه الرماه..!

طيع شوري يا ولد خلك ببيت الشعر


لو تسمع كلمتي صار لك منصب و جاه

المشاكل ما نباها ......ولكنك عسـر

[اصمعي عتيبه]

ياسراب اللال قرب نبى نلعن ثواه=عقب شيخك ياسراب إرتكي غصن ن خضر
لي مقامن عند الاجواد من دون الخطاه=واحمد الله عزت النفس منتوج الصبر

[اصمعي عتيبه]

سراب انا لازم اطلع الحين ضروري والخاتمه عندك
ومشكور عزالله انبسطنا معك
والله يرحم والديك
وعزالله انك وسيع بطان
ولنا معك موعد باذنالله
تقبل احترامي

[سراب اللال]

محزمي يا الاصمعي يالصحيب اللي عساه

يعطي حقوق العرب من بدو والا حـــضر....!



يـالله انـك لا تـزود لــه الـليلـه شـقــاه......!

والثمان اللي معك كيف صارت لك عشر..!

[معجب العتيبي]

سراب اللال


الاصمعي




صحة الالسن والقلوب



طاروق جزل

[اصمعي عتيبه]

مشكور اخوي معجب العتيبي
لاهنت علي المتابعه والمرور الكريم