تسجيل الدخول

مشاهدة النسخة كاملة : مرزوق العتيبى مطلوب للمحاوره........

الحطيم
12-Feb-2005, 11:00 PM
سلام ياشيخ الرجال المناعير=اعداد شعب الصين واكثر شويه
فيه العسل ولا حليب المغاتير=فى حق منهو يستحق التحيه
مرزوق حمدان العتيبي
12-Feb-2005, 11:26 PM
...


يامرحبابك عد ماغرد الطير = واعداد نبت ٍ بالفياض العذيه
ياحبني لهل الوجيه المسافير = اهل الكرم والدلّه الشاذليه
الحطيم
13-Feb-2005, 12:01 AM
خل المجامل جيت اجر الطوابير=سرية ن نلحق وراها سريه
لكن تحرص للسيوف الشواطير=وقدمك جيوشن ماتهاب المنيه
الــوآفــي
13-Feb-2005, 12:09 AM
قدمك جيوشن ما تهاب المنيه

لله درك يا يووسف


مرزووووق

الرجال يهدد :)

ارفقوا في بعض يا عيال العم هههههههه

وحنا متابعين
الحطيم
13-Feb-2005, 12:13 AM
حييت يا ذيبان والله لا يهينك على المرور
مرزوق حمدان العتيبي
13-Feb-2005, 10:23 AM
ياسلالالام عليك يا يوسف..

مانيب قايل غير يالله مساء خير = وان جت خطيه ماقبلت الخطيّه
الهرج واجد بس مابه مخاسير = والواقع الملموس مافيه زيّه
مرزوق حمدان العتيبي
13-Feb-2005, 10:26 AM
...

هههههههه ذيبان
كلامك في محله ويالله انك تخارجنا ..
اي والله يوووسف معلنها حرب ضروس لكن يجعل الخساائر اقل من اللي نتوقع :)
انت بس وش لونك ؟ وارحب
مشتــــاق
13-Feb-2005, 10:31 PM
خل المجامل جيت اجر الطوابير=سرية ن نلحق وراها سريه
لكن تحرص للسيوف الشواطير=وقدمك جيوشن ماتهاب المنيه




ياسلالالام عليك يا يوسف..

مانيب قايل غير يالله مساء خير = وان جت خطيه ماقبلت الخطيّه
الهرج واجد بس مابه مخاسير = والواقع الملموس مافيه زيّه



الله الله

روعة المحاورة


واصلوا الله لا يهينكم
الحطيم
17-Feb-2005, 02:11 PM
الشك زايل فى الرخا والمعاسير= يامكرمين الضيف دون الرعيه
لكن انا لامن نويت المشاوير= محدن يجارينى ويقدر عليه
الحطيم
17-Feb-2005, 02:29 PM
هلا بك مشتاق شرفتنا
بمرورك ولاهنت
مرزوق حمدان العتيبي
17-Feb-2005, 02:42 PM
الله الله ..
استلم ..


انته تقوله والدعاوي تياسير = في حق ربعك لا تجيب الرديّه
وجه ركابك في نحا حرب ومطير = يالفارس اللي مالقيناحليّه
مرزوق حمدان العتيبي
17-Feb-2005, 02:47 PM
..
الاخ الغالي
مشتاق شرفت ونورت اسعدنا حضورك..
الحطيم
17-Feb-2005, 03:01 PM
يامال فرقا العين وش هالتفاكير=راحت علومك بين روحه وجيه
ومن لا يعرف الحر يشويه كالطير=يا جاهل الاحرار تبشر بسيه
مرزوق حمدان العتيبي
17-Feb-2005, 03:16 PM
...

الحر .. يفرق عن قصار المناقير = يامال فرقا العين دنيا دنيّه
مالي ورى بعض السوالف مداوير = اللي يبا العليا تراني خويّه
الحطيم
17-Feb-2005, 04:12 PM
اعذرنى اخوى مرزوق على التاخير
الصلاه فى وقتها وانا اخوك
استلم طال عمرك..
جساس مايشبه ترى سالم الزير=ولا لا تزكى نفسك المجد ليه
نعرف رجال الطيب واهل البرابير=ولا نلتفت لاهل العلوم الرديه
مرزوق حمدان العتيبي
17-Feb-2005, 04:39 PM
..
تقبل الله
والصلاه هي الاهم طال عمرك..
استلم ..

من منطلق بعض الجمل والتعابير = مافيه داعي تجحد الواقعيه
نعذرك لو يظهر على الجهد تقصير = ماكل عيّه بالميادين عيّه
الحطيم
17-Feb-2005, 05:09 PM
الطير يكفخ بالجناحين ويطير=ومعلمه ربى ورب البريه
واقبل تحياتى وانا ناوى اسير=واقبل سلامى والخوى لاخويه
مرزوق حمدان العتيبي
17-Feb-2005, 05:15 PM
....
دربك سمح وصح لسانك..
شكرا لك واعذرنا على القصور ..
((الدلبحي))
18-Feb-2005, 03:06 PM
صح السانك يامرزوق والسان يوسف وسجلوا اعجابي بكم


تحياااااااااااتي
الحطيم
18-Feb-2005, 05:06 PM
صح بدنك يالدلبحى
وشكرا على مرورك
معجب العتيبي
18-Feb-2005, 07:07 PM
السلام عليكم

مجرد تسيجيل اعجاب لكما ولكل ماكتبتما
الحطيم
18-Feb-2005, 10:39 PM
سارح البال اعجابك وصل
ولاهنت يالغالى