اقرب شاعر

[ابن قويعان]

[ياسلامي على الي يسبحون البحر * في غياباتها مدري تجي دونها
ياعتيبه سمعنا بالمجالس خبر * ياعتيبه سمعناكم تطرونها

[ابوخيال]

صح لسانك يابن قويعان
وبانتضار قبيلك

وصح لسانه مقدما

[اصمعي عتيبه]

مرحبا ياعميلي ياطويل العمر=حاضرن والجزيله نعرف إلحونها
قافكم حاضر بحاضر ليامن حضر=جيبها كامله ياللي تجيبونها

[ابن قويعان]

صح بدنك يبوخيال حياك الله
ونحن بانضار الي بيرد ؟؟؟؟؟

ونتم كلكم فيكم الخير والبركه

[ابن قويعان]

صح السانك يالاصمعي

طيب طيب

[ابن قويعان]

جبتها ياعميلن ماتهاب الخطر
وذيابه علااك تلد بعيونها
انتضر لين اوردها عليك انتضر
كلمتن جاتنا ونتم تعرفونها

[اصمعي عتيبه]

لاتصلي صلات العصر قبل الظهر=والذيابه ذيابه عند مضمونها
مير ورتها وانته تشوف الحذر=لا تردا ليا جيتو تعيدونها

[ابن قويعان]

انت حطيتها من فوف غصن الشجر
خابرين الصلاه الي تصلونها
يالعتيبي ليا جنبت مالك عذر
سالفه يالعتيبي كيف تنسونها

[اصمعي عتيبه]

انت فوق الغصن ياصاحبي مستقر=استقر لين تلقي ناس تنخونها
والله انك مطيري لك صلات ن قصر=يوم جيت الديار اللي تمرونها

[ابن قويعان]

لاركبت الكحيلا بين باس وسطر
والله اني لطوعها من اجنونها
جبتها يالعتيبي بالطريق الغبر
ديرتك ضاهره والناس ياتونها

[اصمعي عتيبه]

انت شيطان مير إنك بصورت بشر=والمشايخ كلام الله يتلونها
مانلومك وجنيك عيونه حمر=وإثر حمر النواظر نار بعيونها

[البشيري]

ياسلام على شعارنا المميزين متابع وفى الصفين

[اصمعي عتيبه]

هلا يالله حي البشيري الساعه المباركه

[اصمعي عتيبه]

ما شفت الطاروق اللي كاتبه لك فالمنتدي كاتبه قبل لا العب مع المطيري

[ابن قويعان]

اركد اركد وعد العشر تطلع عشر
كيف غيرتها وجهت دركسونها
ادري انه تحسف يوم جاه القدر
اهل العرف تعرف لاتلفونها

[ابن قويعان]

حياك الله يالبشيري عزيز وغالي ومروك زادها توهج

[اصمعي عتيبه]

عشرتك ياصحيبي والله انها صفر=وإثر عدادكم خربان طبلونها
ما تحسفت انا ياللي طبوعك غدر=والهقاوي كثيره وانت مرهونها

[ابن قويعان]

جبتها يالعتيبي يوم جاك الحشر
بالمهايط اعتيبه مايخلونها
والفعايل لنا يومن ذيك الدير
يوم رجل العتيبي قاصره دونها

[اصمعي عتيبه]

بنشدك عن خبر بإعلامنا منشهر=بالتلفزون خمسه تملي إبطونها
نقص الخمسه إثنينه وخلك صقر=واحدن منهم منكم تحسبونها

[اصمعي عتيبه]

الله الله
الليل الليل
يابن قويعان

[ابن قويعان]

الخبر ياوسيع العرف كانه ضهر
اربعه وربعه وثنين يبرونها
جنبت يوم جنبها يمال الضفر
وقعت بومتن طارت على هونها

[اصمعي عتيبه]

لا تعيد القوافي عند شطر الصدر=والاجابه اشوف إنكم تخلونها
لا تهرب وجاوبنا وخل الهذر=صاحبك طردته ربعك يشوفونها

[ابن قويعان]

ندحم القوم وزرينا بدولة قطر
والعراقي نخى ربعه يبا شونها
بينك وبينا لابد ترجع هدر
ثابته بالوقايع مار تكنونها

[اصمعي عتيبه]

صاحبي شفت قيفانه بليا ستر=واهل الشعر نقض الفتل يقدونها
والله إنا علي الاكوان بيرق نصر=والعراقي هرب يومن جا كونها

[ابن قويعان]

بيض الله وجهك يلاصمعي وافي

كفيت ووفيت
والمحاوره طولة وانا عندي دوام بكره لا كن الوعد بالمقبلات

[اصمعي عتيبه]

بيض الله وجهك يا ابن قويعان عزالله استمتعنا وياك
ومشكور علي المجاراه في المحاوره
ولا تحرمنا تواصلك
ونبي وعد منك

[ابوخيال]

صح لسانك يا اصمعي عتيبه
صح لسانك يا ابن قــــويعان

محاورة جيدة

[اصمعي عتيبه]

صح بدنك ابو خيال وانت مرورك يزيدنا شرف يالغالي
مشكور

[اصمعي عتيبه]

مساكم الله بالخير جميعا

الحقيقه هاذي كانت محاوره جميله وممتعه

مع الشاعر

ابن قويعان

اتمني انها تحوزر علي رضائكم

وا قول لاخوي الشاعر بن قويعان

شد حزامك الوعد قدامك

واشكره علي سعت صدره

ولازم لنا معك محاوره قاده

ارجو من الشاعر ابن قويعان

يرد لاشاف ردي
ويعلمنتي متي يدخل علشان نلعب محاوره جديده