ابراهيم الجذع لاهنت

[تـركـي..~]

السلام عليكم ورحمة الله وبركاته


مساك الله بالخار


ان كان وقتك يسمح لك



يامرحبا في حلتً فيها طغاء فعل الجميل=ترحيبتً تدبل على مثلك بعشر امثالها
تعال يابراهيم انا وياك والليل الطويل=مع سالفه حلت بروس القوم وابطاء حالها

[جزل المعاني]

ياسلام مبدا كايف

[تـركـي..~]

يامرحبا يامرحبا جزل المعاني


الكايف حضورك يالغالي

[ابراهيم الجـــــذع]

وعليكم السلام ورحمة الله وبركاتة




ابك البقا يا اللي ترحب وش تحط وش تشيل=إن جات ريحٍ عاتيه تشتالك وتشتالها


اليا حظرنا يا ولد مد الجزيله لـالجزيل=والسالفه بين العرب ترجع على من قالها

[فارس المورقي]

الله الله

صح لسانك ياتركي وصح لسانك يالجذع

متابع ,,

[تـركـي..~]

وبك الضيوف ارخت على روس المعازيب الزبيل=واللي ردعه اسم الحياء بالوقت عانه شالها
بعض الوفاء والطيب للخايب على نفسك سبيل=تفتح له ابوابً عجز ياصلك يوم اقفالها

[تـركـي..~]

يامرحبا يامرحبا بفارس


صح بدنك


وشرفنا حضورك

[ابراهيم الجـــــذع]

من عقب ما راحت علومك بين عدل وبين ميل=حافظ على غترتك واحذر لا يميل اعقالها



تراك يا تركي مع أهل المعرفه مطوي صميل=احسب حسابٍ لـالسنه وايامها واليالها

[تـركـي..~]

اكيل لاكالو هل الميدان وامثالك تكيل=مار الذلول امست على الطرقه تفل احبالها
فتح عيونك عن سواد الليل لا مر الدليل=واعرف خطوط العرض من جال الحياه الـ /جالها

[تـركـي..~]

اقيمت الصلاه يابراهيم

عقب الصلاه نكمل باذن الله

[ابراهيم الجـــــذع]

اصبر شويه يا ولد قدام تعلن برحيل=حتى تميز فالعلوم أخفافها واثقالها


منته بحايل لو مع الحوال يا تركي تحيل=ترا بنات الفكر لو تلقح نشوف اعيالها

[تـركـي..~]

خلاص في سدرة لهيب الوقت يكفينا مقيل=بعد الخشوم اللي صغير القوم طفقه طالها
قم ودها ياشاعر الجذعان للشيخ الجليل=قله ترا تركي من الغبنه يقول وقالها

[ابراهيم الجـــــذع]

الظاهر أنه ما نكب عفش المدير الا الوكيل=ما عاد تنفعك القناه اللي قفلت ارسالها


بعض الكلام اليا كثر يا صاحبي ماله حصيل=وأنته ترا عم العلوم اللي تقول وخالها

[تـركـي..~]

انا سير علي رجالً شرواك

والختام عندك اذا حبيت

وصح لسانك مدد بلا عدد






امطرت مار الوادي الممحل رفض منها يسيل=مدري كذا ولا حصره الوقت عن عبالها
مار الوكاد انه يبا بكره على جوه يخيل=وانا بقول الله يعين الروس لا امطر فالها

[ابراهيم الجـــــذع]

شرواك الطيب وما قصرت يا تركي

تشرفت باللعب معاك