فارس العتبان لاهنت

[تـركـي..~]

السلام عليكم ورحمة الله وبركاته

مساك الله بالخار يافارس وان كان ماعندك مانع استلم


:cool:

سلام الله سلامً جاب فارس للقضاء مخفور=بعد هبت معاصيره على ربعه وحيانه
يبا ينشر غسيله مار قدمه لين الباكور=ينسيه الترمص لين يعرف قدر عمانه

[فارس المورقي]

ههههههه هالله هالله


هلا بالقاضي الي واقف ٍ دون العمي والعور = على ماقيل فاتح للعمي والعور بيبانه
لك الله مايليٌن عظمنا القاسي قرون الثور = ولا يفتح فقير المال وسط السوق دكانه

[فارس المورقي]

عليكم السلام والله يمسيك بالخير ياتركي

نتعلم مع شرواك طال عمرك

تحمست للبيت ونسيت ارد السلام

[الفجـ511ـري]

ماشاء الله عليكم
شعااار طحااطيح ووافييين

[تـركـي..~]

المعذره يافارس كنت اتعشى مع الشايب


مناطح لك جبل ياللي تحسب انك تجيب الشور=وانا من واجيب مثلك يطير عنه شيطانه
تراك انت الضحيه في حطبك اللي علاه ادور=نصيحه قبل مايقرا علاك الشيخ قرانه

[تـركـي..~]

يامرحبا يامرحبا الفجري

مشكور على الاطراء الطيب

ونتشرف بحضورك

[فارس المورقي]

بالعافيه وسلم على الشايب عساه بطولة العمر


انا مابغى زكاتك وانت ياوجه السعد مشكور = تحصٌل ناس ياتركي لها بالعيد فرحانه
ليا مني لقيت الي كما جار الله ومستور = ابطفي نارها والجمر ابنفخ فوق دخانه

[فارس المورقي]

الفجري

حيالله لاهنت ولاشنت

[تـركـي..~]

علامك قمت تعبث في مدينة مجودين السور=اجل وشهو بقاء للي شمر عن شر ذرعانه
تبصر قبل لاتبدا على رجم الوذاء مقهور=ترى بعض الضنون اتهد سقف البيت بركانه

[فارس المورقي]

مدام الي سكنها من هل الاحقاد واهل الزور = عساها يالعتيبي وسط قاع البحر غرقانه
نقول الحق ياتركي ولا نمشي في غير النور = لكن المحكمه ماكل واحد تربط لسانه

[تـركـي..~]

على رجلي ومن كفي ابقعد للوطن مسمور=وانشين كل من صوب علانا راس نيشانه
ولاكن كيف اباوقف رجالً من شقاق الدور=يحسب انه على الوجه الصحيح وبهذل اخوانه

[فارس المورقي]

علامك صرت ياكبش الفدا في يدينهم ساطور = تريٌح مانبا نطحن حبوبك وسط طحانه
صليب الراس حرٌ الراي مايتبع ورى الجمهور = ليا شاف الخطا مايتبع الراعي ورعيانه

تركي الي حصل فيه الخير

الوقت عندي ضيٌق من الليلة اروح واجي

عسى الي صار فيه الخير

صح لسانك وبيض الله وجهك تشرفت بمجاراتك والمعذره على القصور

واصبح على خير

[تـركـي..~]

صح بدنك يافارس

والساري يلقاء خير