اقرب شاعر مرحبا بالجميع

[اصمعي عتيبه]

مساء الخير علي الجميع

سلامي تسلم سالمه عديتها لاهل السلوم=والشاعر إمضفر ولو إنه عضو توه جديد
ودي نحاور شاعرن قرم ن من عيال القروم=يبني معي معني ومبني ساسها جزل ن فريد

[اصمعي عتيبه]

انا في انتظار ابداع شعراء المنتدي

[الساطور]

لا مرحبا لا مسهلا يا اللي تلفون العلوم=واليا زعلت الشاشه وجبهتك عنها لا تحيد
في كل درب ن تحتدي وش فيك ذبيت الرجوم=واخذ النصيحة حزم العفش وتولم للمديد

[اصمعي عتيبه]

وش فيك ياساطور انا حاضر علي دق الخشوم=بديت عذروبك وانا ما احب رجال ن بليد
جيب العلوم الطيبه ما نستمع هرجت رخوم=حنا ترانا فاللوازم نكسر الصلب العنيد

[الساطور]

سلك الحرير يقودها من عصرها يم الصلوم=وانا على درب السنع وامشي على علم وكيد
لا والله الا تبورت عيت بحملتها تقوم=ريمه تبا جمال ما ياوي معه مطرق جريد

[اصمعي عتيبه]

الساطور عندك اول شطر بالبيت الاول مكسور يمكن كاتبه غلط صلحه الله لايهينك

[الساطور]

اصمعي

تشرفت باللعب معك

وصح لسانك



وبالنسبة للخطأ الكتابي تم تعديله في لحظته قبل ردك


الى طاروق اخر ان شاء الله

[اصمعي عتيبه]

مشكور اخوي الساطور ويعجبني الشاعر اللي مثلك وسيع بطان
واتشرف بمحاورتك مره اخري
وانشالله نرتقي معا بمستوي المحاوره