يا طول ليلك عقب ما جيت يا سعود

[ابراهيم الجـــــذع]

السلام عليكم ورحمة الله وبركاتة







يا طول ليلك عقب ما جيت يا سعود=مير احتزم يا صاحبي بالسواري


لك مدةٍ يا سعود منته بموجود=واليوم اشوفك فالطريق انتحاري

[رعد الروقي]

صح لسانك يا ابراهيم


وصح لسان سعود سلفا





متابع

[ابراهيم الجـــــذع]

هلا وغلا أخوي العمدة

صح بدنك يا الغالي

[سعود العصيمي]

وعليكم السلام والرحمة

يامرحبا ياابراهيم

لاادري من سعود اللي تقصده هل هو سعود العصيمي ام سعود النفيعي
لكن : استلم وانا اموون على ابو فهد وسد عنه اذا هو المقصود





ان قصر والا طال من زود في زود = اللي يعادينا نرده جباري!!

غايب وحاضر مع هل الطيب معدود = وانته وش اللي معك حتى تماري؟

[سعود العصيمي]

صح بدنك يالعمده

وحياك الله

[ابراهيم الجـــــذع]

أنت المقصود لأنك كنت متواجد لما طلبتك







ما فيكم الا العود يا مطيب العود=وإن كنت شاعر منت كاتب وقاري


في ماقفي حاضر ولا عنك منشود=اما بضرب السيف وإلا الشباري

[سعود العصيمي]

طيب طيب






مابه عصيمي غير شلعة وبارود = واخيركم سلطان لو ماش خاري.

هات البطاقة واعرف البيض والسود = واقرا الحديث اللي قرا ه البخاري!!

[سعود العصيمي]

الشاعر المبدع / البراهيم الجذع



ياليت ان كنت متواجد نكمل الطاروق الان


لاني معزوم الليلة على زواج ولاني متواجد

[ابراهيم الجـــــذع]

اللي تقوله يلحقك منه منقود=يا اللي سريت الليل والليل ساري


بطاقتي يوم البرا صار مردود=يا موتراً دحدر وعلق بواري

[شبل الغدرى]

صحت الالسن والقلوب

[سعود العصيمي]

ماقلت غير الصدق والـدرب ممـدود=جايك وجايـب لـي قـرار ٍ وزاري.
البيـض يارجـال ماتشبـه السـود=وان كان غاوي شف طريق الطواري.

[ابراهيم الجـــــذع]

من يوم جاك من العباريد عبرود=نكبت نفسك وأنت منته بداري


ترا قليب ارماح برماح مارود=وأنته تغني مع هبوب الذواري

[سعود العصيمي]

هههههههههه





العلم خله بيننا حد محدود = بيني وبينك مايصير المطاري.
رماح دار سبيع ياحامي القود = عندك خبر كل شري وخاري

[ابراهيم الجـــــذع]

صح بدنك يا شبل الغدرى

[ابراهيم الجـــــذع]

ما غير رب الكون فالكون معبود=واللي تحدا ما لها خصم غاري


أنت تعرف اللي من العلم مقصود=وترا الجروح الها طبيب استشاري

[سعود العصيمي]

صح لسااانك مليااار


وبيض الله وجهك على اتاحة هذه الفرصة


واستأذنك انا معزوم في حفل الليله

الختام عندك


اليا غزينا مانجي غير بالفود = خل العتب في يوم ذات الصواري.

من دونها لفة وضباط وجنود = والظاهر ان الجرح ماهو بباري.

[ابراهيم الجـــــذع]

صح بدنك


ترا الدعاوي كلها سهود ومهود=اليا طرا لـ الناس بعض الطواري


ترا الخيال اللي به ابروق وارعود=اليا سرا برقه ينير الغداري