مقادير حظي

[عساف بن محيا]

ابيات متواضعه ترتجي القبول

"
"
"



مقادير حظّي كيف ابا ارمي بلا نيشان
انشّن بحظّي مير يرمـي هـدف ثانـي
وصواديف بالدنيا وهمٍ يزيـد احـزان
تراكم على قلبي من العام مـا اخطانـي
مثل ما جرا للقدس من حومة العـدوان
سعو بالفسـاد وعـم بالشـر لبنانـي
سببها طمع واثر الطمع شين للشفقـان
يحده على الحاجه ولو كـان شبعانـي
وانا حاجتي يبو محمـد مـع القصمـان
صغيـرٍ تغنـج وأودع الفكـر بجنانـي
عيونه بها سهم الخطر من مفرق الحجان
وله شامةٍ بالخد يـا اخـوك لا بانـي
ابو مبسمٍ يروي عطش من مشربه ضميان
لو يبتسم لطويق ثار اطويـق بركانـي
تفجر من النضره وشب الحجـر نيـران
ولا ينطفي يا كود مـع مـر الازمانـي
وانا بنتخي وانخاك حيثك مـن العتبـان
شجعان ما تلقـا بهـم نـوع جابانـي
لهم في حلول الضيق وقفه مـع الولهـان
معاطيـب باليمنـا صناديـد عتبانـي
ليا صاح صياحٍ وجاء بالسمـا دخـان
سعو له على الفزعه ولو كان ما كانـي

"
"
"
"
"
وسلامة نواظركم