تسجيل الدخول

مشاهدة النسخة كاملة : مساكم الله بالخير جميعاً


ابراهيم الجـــــذع
21-Jul-2010, 06:35 PM
السلام عليكم ورحمة الله وبركاته







مساكم الله بالخير جميعاً






ودي العب واغني كل قاف محبوك=لو صاب اكثر الشعار منه ارتباك


الرصيد متوفر في كبار البنوك=قد عطينا هذاك وقد عطينا هذاك

ابراهيم الجـــــذع
21-Jul-2010, 07:28 PM
اتمنى الرد من كبار شعراء المنتدى

اصمعي عتيبه
21-Jul-2010, 07:38 PM
مساك الله بالخير توني اشوف ردك استلم

مرحبا ياعميل الخير توصل تبوك=من ديار الكويتي توصل اليا هناك
كان عندك رصيدك عندنا وانا اخوك=لا تمن العطا والله تعالي عطاك

عبد الرحمن الفرهود
21-Jul-2010, 07:42 PM
وعليكم السلام ورحمة الله



الله يمسيك بالخير


هات عملتك يابراهيم وابشر بدوك = لي ثلاثة شهور ماتمنى سواك

الظهر قيل من حد الكتف للور وك = مار فوقه سنامٍ معتلي ماخفاك

سويلم الشيباني
21-Jul-2010, 07:45 PM
الله يمسيك بالنور والرضى


افتل البيت وانقض من لحونك ودوك=يابراهيم جيتك واول الخير جاك
المسافة طويلة بين بيش وتبوك=وانت دوبك وليل القيض بنّاء علاك

سويلم الشيباني
21-Jul-2010, 07:45 PM
هههههههههههههههههههه

لاحول ثلاثة ناوينك في وقت واحد يابراهيم

ابراهيم الجـــــذع
21-Jul-2010, 07:50 PM
ههههههههههههههههه الله يستر منكم

الاصمعي لعبت معاه اليوم

لكن برد على باروود

والشيباني بقاف ثاني بعدها

بعد إذنكم

اصمعي عتيبه
21-Jul-2010, 07:53 PM
خذ راحتك ولاحقين خير لنا موعد انشالله تقبلو مروري شكرا

عبد الرحمن الفرهود
21-Jul-2010, 07:58 PM
مساك الله بالخير توني اشوف ردك استلم

مرحبا ياعميل الخير توصل تبوك=من ديار الكويتي توصل اليا هناك
كان عندك رصيدك عندنا وانا اخوك=لا تمن العطا والله تعالي عطاك

انا آسف اخوي اصمعي اعتيبه والله ماشفت ردك بس الله يعينّي على الجذع

ابراهيم الجـــــذع
21-Jul-2010, 08:13 PM
أنت رجلٍ مدرب جاك من دربوك=لك ثلاثة شهوراً هاوين عود راك


اصبر اصبر شويه والزمك بالحنوك=لين تذعن وفوق الارض تبسط يداك

اصمعي عتيبه
21-Jul-2010, 08:23 PM
اشكرك يابارود علي تواضعك اللي يدل علي اخلاقك الحميده ومقبول اسفك كلنا اخوان وراح انتقابل انشالله

عبد الرحمن الفرهود
21-Jul-2010, 08:37 PM
طيّب............طيّب


ماهقيتك تغيّر سيرتك والسلوك = ناهي النفس لكن حظك اللي رماك

حسبي الله عليهم يالجذع دهوروك = مار مالك ترى من خف هرشي فكاك

ناصر الشلاحي
21-Jul-2010, 08:42 PM
صحت اللسنتكم على هذا الطاروق المميز

ابراهيم الجـــــذع
21-Jul-2010, 08:43 PM
أنت وزنك خفيف يقال يوم وزنوك=والبحر قدم وجهك والجبل من وراك


حسبي الله عليهم يومهم ورطوك=خف هرشك وراك وسبب الله عماك

عبد الرحمن الفرهود
21-Jul-2010, 09:08 PM
مسقي الشبرمه ماقد جنا غير شوك = والمقادير ماهي في هواي وهواك


عاتب النفس يوم اليدين اقضبوك = لا تدوّر رضاي ولا تحرّى رضاك

ابراهيم الجـــــذع
21-Jul-2010, 09:17 PM
أذن الديك حتى صحصحن الديوك=وأنت صحصحت لكن نبرت الصوت كاك


أنت رايد قضا نرسلك فوق المكوك=مير منته مخير بين هذا وذاك

عبد الرحمن الفرهود
21-Jul-2010, 09:41 PM
لاتصدّق كثير الناس لاومّروك = فيه بعض العلوم اللّي تعدّا ذكاك




ياجبل ماتحسّب للعرب لارقوك = طوّل الله بقاي وقصّر الله بقاك

ابراهيم الجـــــذع
21-Jul-2010, 09:49 PM
بشروك الآوادم عقب ما باشروك=ما عطيناك غير اللي على مستواك


أنت وين أنت ساري يا الحجاج الضحوك=فالجذع ويش رايك عقب قام اولاك

فهد الزهراني
21-Jul-2010, 09:53 PM
الله يعطيكم العافية

محاورة جميلة ووممتعه

وقافية خفيفه ومحببه للنفس

تحياتي لكم

عبد الرحمن الفرهود
21-Jul-2010, 09:58 PM
الله يعطيكم العافية

محاورة جميلة ووممتعه

وقافية خفيفه ومحببه للنفس

تحياتي لكم

حيّاك الله يافهد وشكراّ على المرور

علي الشهراني
21-Jul-2010, 10:05 PM
بيض الله وجيهكم


و صحت السنتكم

ابراهيم الجـــــذع
21-Jul-2010, 10:07 PM
صحت ابدان الجميع

اشكركم على الإطراء

يشرفنا متابعتك

عبد الرحمن الفرهود
21-Jul-2010, 10:11 PM
زلّ وقت الهياج وخل زملك بروك = خِير تلّك ولي اتكف ماك ابلزاك



يابس الرّيق مابلله كثر العلوك = وهّقك ضنّك اللّي وصّلك منتهاك

عبد الرحمن الفرهود
21-Jul-2010, 10:13 PM
بيض الله وجيهكم


و صحت السنتكم

ياهلابك يشرفني مرورك

ابراهيم الجـــــذع
21-Jul-2010, 10:25 PM
وأبك أنا من رجالٍ فالمواقف ملوك=مع دهات العرب ما اظن ينفع دهاك


لا تحدا رجالٍ ما لكين الصكوك=ادري إن الكلام الصدق يبحث خفاك

عبد الرحمن الفرهود
21-Jul-2010, 10:45 PM
المهبّل على درب الوعر دفدفوك = ولّ ياموترٍ دايم يبا الاشتراك



حزّك القيد وادمتك العصي والشبوك = يابعيرٍ توال الليل طنّب رغاك

عبد الرحمن الفرهود
21-Jul-2010, 10:53 PM
اخي ابراهيم المتعه والفايده معرفتك تقبّل تحياتي وتقديري وتصبح على خير

ابراهيم الجـــــذع
21-Jul-2010, 10:58 PM
أنت خلقه مولع لو ما ولعوك=نك نيمك رمابك في طريق الهلاك


حايلاً للجنوب ولشمال اشملوك=نكبتك فالمعارك يوم تدرج رحاك

ابراهيم الجـــــذع
21-Jul-2010, 11:00 PM
وأنت من أهل الخير أخوي باروود

تشرفت باللعب معاك يا الغالي