الشاعر اللي له تجاريب

[ابراهيم الجـــــذع]

السلام عليكم ورحمة الله وبركاته







مساكم الله بالخير جميعاً







يا مرحبا واحلا التراحيب ما دن رعاد=في منتدى الهيلا المهيله ربعي عتابه


الشاعر اللي له تجاريب في كل مرصاد=يقرب وحمله يرتكي له والا سرابه

[عزيّز العبدلي]

دام البقا ياراعي الطيب كان الجهد عاد=عد الخيال وعد سيله هل السحابه
كان النظر فالبير والجيب مافيه وراد=وكان السنه راحت بليله جر الربابه

[ابراهيم الجـــــذع]

السيل مابه شكٍ وريب يا ذخر عباد=واليا درج ما فيه حيله ولا غرابه


تراك منته وايل اكليب للقوم رداد=وايل وقف دون الجليله وقفة ذيابه

[عزيّز العبدلي]

السيل يكشف لك عذاريب ياطيّب اجداد=وان كان سيل ابلا مخيله محدن درابه

مافيه رجل ابلا مكاسيب فالملح والزاد = واللي على كبده غليله يتبع سرابه

[ابراهيم الجـــــذع]

يا مخربين الشعر تخريب لـ الشعر نقاد=وترا المعاني سلسبيله واعذب شرابه


انتم مقاميعٍ مكاذيب لو يضغط ازناد=من لا عرف قوة قبيله لا وا عذابه

[عادل الحربي]

تراك منته وايـل اكليـب للقـوم رداد
وايل وقف دون الجليله وقفة ذيابـه


صح السانك يالجذع والسان العبدلي
وانا في صفك يالجذع

شاعر مبدع

[ابراهيم الجـــــذع]

هلا وغلا أخوي عادل

يسعدني إن أوا مشاركه لك على موضوعي

نورت المنتدى

صح بدنك يا الغالي

اشكرك على الإطراء والمتابعه

[متعب عبدالله]

صح لساااااااااااااااااااااااان الشعار

[عيد العازمي]

ابراهيم الجذع


العبدلي

وافين

وصحت السنتكم

[ابراهيم الجـــــذع]

الحمد لله على السلامه يا العازمي

صح بدنك يا الغالي

اشكرك على لطفك وتواصلك

[محمد النخيش]

الله الله متابعين



صح السنتكم جميعا

[ابراهيم الجـــــذع]

هلا وغلا اخوي محمد

صح بدنك

يشرفنا متابعتك يا الغالي