واليا لقينا حاكم الغنامي

[ابراهيم الجـــــذع]

السلام عليكم ورحمة الله وبركاته





مساكم الله بالخير جميعاً





المنتدى كان احضروا شعاره أنا نويت ابكل شاعر نيه=واليا لقينا حاكم الغنامي واحد من الأثنين يطلع برا

عندي علاج العالم المكاره واعلاجنا فالوقت مابه زيه=كيه على الغارب بميسم حامي واحد من الأثنين يطلع برا

[علاي الحافي]

الله صح السانك

متابع

وصح السان قبيلك مقدماً

[ابراهيم الجـــــذع]

هلا وغلا بالحافي

صح بدنك يا الغالي

يشرفنا متابعتك

[معجب العتيبي]

الله الله


الله يستر علانا وعلى المسلمين



ايه حاكم يستاهل عليك ابه



ههههههههههههههه انحشت عنك ياحاكم



براهيم قادم بقوه



صح لسانك يابراهين ولسان حاكم

[حاكم الغنامي]

عليكم السلااام والرحمة



قدام لايشعم صحيبي ناره يحسب حساب الطلقه الناريه =ان كان شفته فالبلد قدامي واحد من الاثنين يطلع برا
ليت الطبيب عيادته في داره كان العرب من بعضها محميه =واليا لقينا بالخشوم عرامي واحد من الاثنين يطلع برا

[المقدام]

الله الله


صح لسانك يابراهيم وناوي لك نيه شانه ..


بس ماينخاف على حـآكم ..

حاكم ياحاكم .. مع جنونك كلها الليله ..


متآآآبـعـ بشده ..

[ابراهيم الجـــــذع]

هلا وغلا أخوي معجب

صح بدنك يا الغالي

اوهله عندي ههههههههه

يشرفنا متابعتك

[حاكم الغنامي]

معجب

ههههههههه

طيب طيب صح بدنك ولاهنت على المرور وتشريفك اهم شيء

[حاكم الغنامي]

المقدام


ارررحب ارررحب


منورنا

ومروركـــ دعم

[ابراهيم الجـــــذع]

الذيب ما يرما ولا هو شاره يا اللي تبا ترميه وأنت اضحيه=رميك على راسك يا هذا الرامي واحد من الأثنين يطلع برا


ترا الوزير اليا دخل بوزاره كنه وزير اوزارة الماليه=ومن الذهب يعطيك ربع اجرامي واحد من الأثنين يطلع برا

[ابراهيم الجـــــذع]

هلا وغلا أخوي المقدام


يشرفنا متابعتك يا الغالي

[حاكم الغنامي]

الذيب قامت عجته وغباره ماقدمه الا ديرة الشاويه =والله يابن عساف ماينلامي واحد من الاثنين يطلع برا
من البحر وش تجذب السناره وانته خذيت سلوكها عاريه=ان ماقدرت تعوم يالعوامي واحد من الاثنين يطلع برا

[ابراهيم الجـــــذع]

تبا يمين الدار والا يساره ما فيه لا رحمه ولا ماويه=لا بد ما تشتالك الألغامي واحد من الأثنين يطلع برا


حاكم بعد ما جاه منا غاره لقيت في جنب الولد جنبيه=يقول هذي كان صار ازحامي واحد من الأثنين يطلع برا

[ناصر الجلاه]

..

ابراهيم الجذع .. حاكم الغنامي

..

صحت ألسنتكم على المحراف الطيب بمعانيه وشعره

سجلوني متابع

دمتم


..

[حاكم الغنامي]

ابا اخذ علوم الجذع واخباره واهم شيء احواله الجويه =انا على شرواه جايع ضامي واحد من الاثنين يطلع برا
فاخر زمان الجار يذي جاره شدت طميه واتركت ماريه =وان كمل ابراهيم معنا عامي واحد من الاثنين يطلع برا

[سلمان الحافي]

حاكم صح لسانك ابداع

[حاكم الغنامي]

ارررررحب يابو محمد


سلامة الاسفار وحياك الله


وصح بدنكـــ

[حاكم الغنامي]

ارررحب اررحب


ياسلمان الحافي


والابداع حضوركــ يالذيب

[ابراهيم الجـــــذع]

هلا وغلا أخوي ناصر

صح بدنك

ويشرفنا متابعتك يا الغالي

[سلمان الحافي]

الجذع صح لسانك ابداع يشهد الله من الطرفين

[المقدام]

الله الله ..

استمروا .. ومازال للابداع بقيه ..

مــآآآإزلتــ مـتـآآبــ ع ..!!

[ابراهيم الجـــــذع]

اليا حضرت السوق من تجاره وأن شبت النيران ناري حيه=وين أنت عن ما قاله المقدامي واحد من الأثنين يطلع برا



وش قربك للكهرب وتياره ترا طميه صار فيها هيه=وكم واحدٍ منها طلع منظامي واحد من الأثنين يطلع برا

[ابراهيم الجـــــذع]

هلا وغلا أخوي سلمان الحافي

اشكرك على الإطراء والمتابعه يا الغالي

[حاكم الغنامي]

حاضر يابن عساف مير اسعاره تلوي يديك وتندحر جبريه =ماكل سلعه جالها سوامي واحد من الاثنين يطلع برا
البن مايصلح بدون بهاره حتى نزين طبخة البريه = قطف اليمن ماهو قطاف الشامي واحد من الاثنين يطلع برا

[ابراهيم الجـــــذع]

يدك على الكيبورد والا الفاره ما تاصل الخيال والرجليه=تراك منته بندر القسامي واحد من الاثنين يطلع برا


اللي يبا يرمي يحفظ اعياره والا يكب ام الفشق موليه=هذا كلام مفسر الأحلامي واحد من الاثنين يطلع برا

[حاكم الغنامي]

اذكرك لاتابعت باب الحاره هذاه ابو نايف وهذا اوخيه =بندر عطاوي من عيال اعمامي واحد من الاثنين يطلع برا
تراك من تحت البعير وزاره يطحنك طحن من اول القافيه =حسبي عليك اللي جرحت صيامي واحد من الاثنين يطلع برا

[ابراهيم الجـــــذع]

وأنا اذكرك لا مروا المراره ما تعرف إلا الدرب روحه جيه=والخشمه من أخلافه اله اخزامي واحد من الأثنين يطلع برا


ترا عظامك ما لها جباره والدلو طاح بجمة المطويه=احوار وامه ما هي بمريامي واحد من الأثنين يطلع برا

[محمد الكرشمي]

الله الله صحت اللسنتكم

[حاكم الغنامي]

الدرب واحد ماش دربٍ غاره ياصل عبيل الراغ والراغيه =ومع ايمنه نبت البراري زامي واحد من الاثنين يطلع برا
مرحوم عودٍ ماقضيت بثاره ثنتين فالوسطى وفالغربيه=شكرك على ذخيرتي وحزامي واحد من الاثنين يطلع برا

[حاكم الغنامي]

محمد الكرشمي


ارحب ارحب

[ناصر علي]

يا وجه الله يا اثنين

[ابراهيم الجـــــذع]

اللوح ما يثبت بلا مسماره رقيت حاكم وصرخت جنيه=ابراهيم فعله حطم الاصنامي واحد من الأثنين يطلع برا


رد البرا حنا رفعنا شعاره يوم أنت لا هذي ولا هذيه=حنا طوال القوم يا الأقزامي واحد من الأثنين يطلع برا

[حاكم الغنامي]

اللوح صلّح سلعته نجارة حسنه وجاته من وراها سيه =يبيه مفتي مير صار اعلامي واحد من الاثنين يطلع برا
يابن الحلال الله يكثر خاره ترى سواته عندنا عاديه =الكايدة شرب الدلال شمامي واحد من الاثنين يطلع برا

[مشاري الحبردي]

الله الله


متابع

[حاكم الغنامي]

ناصر


مشاري


اررحبو ارحبو

[ابراهيم الجـــــذع]

دنياك وايامك ترا دواره يا اللي تعيش احلامك الورديه=يا طامي اللي جاك سيلاً طامي واحد من الأثنين يطلع برا


ما اقبح من افعاله يا كود اعذاره لكن غط الراس بالطاقيه=تبا تغطي لك فعول اجسامي واحد من الأثنين يطلع برا

[حاكم الغنامي]

النوووم النوم يابراهيم


هههههه


والله ماعاد اشوف الدرب


لكن صح لسااانك مليار



والى لقاء قريب


لاهنت

[ابراهيم الجـــــذع]

صح بدنك أخوي حاكم

ما قصرت يا الغالي

تشرفت باللعب معاك

وتصبح على خير