الفزعـه يالربـع !

[سعود الخبر]

السلام عليكم ورحمة الله وبركاته ..

سبق وكتبت موضوع وحذف !

تمنيت من المشرف العزيز اللي حذف

الموضوع يعطينا شوي اهتمام او يعطينا

سبب للحذف لو برساله خاصه !

سبق وطلبت بموضوعي السابق معرفة

الأشخاص المسئولين ( العتبان ) بالشركات

الكبيره بالدمام والخبر والظهران فقط او الجبيل

كـ حل آخر ..

او حتى بالدوائر الحكوميه ، ابي اعرف اسماء عتبان

ماسكين مناصب كبيره بشركات كبيره بالشرقيه وبيدهم

بعد الله التوظيف بهذه الشركات !

ياليت ولاعليكم امر تفزعون لي بهالموضوع وانا عندي طريقه

اوصل لهم عن طريق معارف من نفس القبيله اعرفهم !

ياليت الاقي اجابات لإستفساري هذا ..

واللي يقرأ الموضوع من اخواننا الزوار ومو مسجل بالموقع

ويقدر يفيدني ولاعليه امر يرسل لي ايميل على ايميلي :

Saud_aa_11@hotmail.com

بعد اذن المشرف ياليت يترك موضوعي لو يومين فقط وبعدها

يحذفه براحته ، أنا هنا طلبت الفزعه من عيال عمي ومارحت لاحد

غريب !

الله يوفق الجميــع ،،

[فهد الحزيميُ]

ابشر باللي طلبت وانا ابي افيدك باللي اعررف

وان شاء الله الاخوان هنا مايقصرون معك بالمعلومات



بتواصل معك على الايميل وابي افيدك



تحيه لك اخوٍي سـعـوٍد

[سعود الخبر]

بيض الله وجهك دنيا وآخره ..

جزاك الله الف خير يالغالي ..

بانتظار بقية الأخوان سواء يفيدوني

هنا او بالايميل كلها واحد ..

[راعي الشوشلية]

العتبان وأجد

والطيب في قبيلة عتيبة وفي غيرها

وأنا ولله ماعرف لاني ماني من منطقة الشرقيـة

بس الي عنده عرف في مطلوبك أن شاء الله موب مقصر

تحيـــــــــــــــــــــــــــــــاتي لك 000

[عبدالله الفهد الاسعدي]

العتبان في المنطقة الشرقه كثر ومعظمهم في مناصب طيبه

ولكن في الدوائر الحكوميه


الله يساعدنا واياك لكل خير

[العــــــــابر]

عندك رقم واحد الفالح

رئيس ارامكوا.



وببحث لك باذن الله

[فهد العازمي العتيبي]

امين مدينة الدمام

الاستاذ / ضيف الله بن عايش الدلبحي العتيبي

وهو من المناصب الكبرى بالشرقيه ،،،

[سعود الخبر]

بيض الله وجيهكم يالربع ..

ودنا نشوف ونعرف معلومات أكثر

برضوهـ غيره ضيف الله والفالح رئيس

ارامكوا ..

الله لايهينكم وجزاكم الله خير ..

[سعود الخبر]

وين بقية الأخوان !

[عشير نشاما]

ممكن نعرف انت عتيبي ياسعود ... وليه ربعك مايعلمونك اذا انت عتيبي صحيح ...

وبعدين وش مؤهلك عشان نساعدك ..

انت تسأل عن اشخاص ومناصبهم ولايعرف حقيقة أمرك ...

ولا شخصيتك الحقيقيه ..


موضوعك يثير علامات أستفهام ....؟؟؟؟

[سعود الخبر]

عشير نشاما .. اللي يثير علامات استفهام

هو ردك وانا اخوك !

ماضن لك علاقه بشخصيتي الحقيقه واسمي

ومؤهلي !!

هذا شئ خاص فيني !

تبي تفزع وتعطينا علمك اهلا وسهلا ..

ماتبي .. وتبي ترد برد غريب مثل ردك باقولك

هذي خصوصيات مالك علاقه فيها لامن بعيد ولا من قريب !

انا عتيبي والله العظيم ..

بس اسالتك وردك غريب ..