الذيب الذيب
17-Jul-2010, 10:02 PM
قالوا تقاعد قلت واصلني الدور=
وقالوا وش أنت ليا تقاعدت ناوي
قلت التقاعد زين يا مبدي الشور=
ولا به لمن حاسب ضميره مساوي
لا قمت في وظيفتي بأكمل الدور=
ماني على راحة ضميري مراوي
أرتاح واقضي تالي العمر مسرور=
والسبت عندي والخميس متساوي
العامل النفسي يقولون له دور=
والأدمي مطلوب منه التداوي
أمشي على خد من الوسم ممطور=
نبته يخليني قصير الخطاوي
مثل الحدائق محتوي ورد وزهور=
لو كان ما رشو عليه الكيماوي
جوه صفى واصبح متاهات وقفور=
ما دوجت وسطه مطافيل شاوي
ولا شفت جرتها تقل كتب دكتور =
للعله اللي حار فيها المداوي
مدهل مجاهيم تريض بمقهور=
والا مغاتير تعدى الحراوي
وهواتي جلسة هل العلم وأزور=
ربعي وصدقاني وللشعر هاوي
أغوص بأفكاري محيطات وبحور=
وأجيب ما يبحث عنه كل راوي
كم شاعر موجود لو كان مقبور=
وكم شاعر ميت وحلقه يواوي
ويا الله عسى ذنبي من الرب مغفور=
لا قصت الأيام حبل الرجاوي
الشاعر:فهد هجاج البشري الحربي
وقالوا وش أنت ليا تقاعدت ناوي
قلت التقاعد زين يا مبدي الشور=
ولا به لمن حاسب ضميره مساوي
لا قمت في وظيفتي بأكمل الدور=
ماني على راحة ضميري مراوي
أرتاح واقضي تالي العمر مسرور=
والسبت عندي والخميس متساوي
العامل النفسي يقولون له دور=
والأدمي مطلوب منه التداوي
أمشي على خد من الوسم ممطور=
نبته يخليني قصير الخطاوي
مثل الحدائق محتوي ورد وزهور=
لو كان ما رشو عليه الكيماوي
جوه صفى واصبح متاهات وقفور=
ما دوجت وسطه مطافيل شاوي
ولا شفت جرتها تقل كتب دكتور =
للعله اللي حار فيها المداوي
مدهل مجاهيم تريض بمقهور=
والا مغاتير تعدى الحراوي
وهواتي جلسة هل العلم وأزور=
ربعي وصدقاني وللشعر هاوي
أغوص بأفكاري محيطات وبحور=
وأجيب ما يبحث عنه كل راوي
كم شاعر موجود لو كان مقبور=
وكم شاعر ميت وحلقه يواوي
ويا الله عسى ذنبي من الرب مغفور=
لا قصت الأيام حبل الرجاوي
الشاعر:فهد هجاج البشري الحربي