سفر الدغيلبي و تركي2000

[المثالي]

سفر الدغيلبي



سلام ردية ٍ معها شروط النجاح
الشعر والعقل والابداع والتجربه
جينا على الدعوى الكبرى بدعوة صلاح
البعد ما نحسبه والوقت ما نحسبه




تركي 2000



يا مرحبا عد ما هبت هبوب الرياح
وانته وانا يا وسيع العرف فالملعبه
يا طير يا طير ياللي فيك ريش وجناح
اعرف طريقك و حذراك الخطر تقربه




سفر الدغيلبي



لو ان رجلي يتعبها المجي والمراح
الراس والله ما اخبر حاجة ٍ تتعبه
قالوا سراب القوايل له لميع وضحاح
قلنا يراعونه اهل الحفر والدبدبه



تركي2000





يا ساري الليل يجلى نور الصباح
والناس كل ٍ على نهجه واله مذهبه
يا طيري اللي فقدته من طيور الفلاح
لو جبت الي طير ما بينه وبينه شبه




سفرالدغيلبي




انا اتكلم عن المقبل و ما راح راح
انظر لقدام واللي فات لا تطلبه
الله يعوضك بعلاج ٍ يداوي الجراح
يمكن ربي يداوي علتك بسببه




تركي2000




احاول ارفع عمود البيت لكن طاح
انشبني الوقت يا جعل الولي ينشبه
وش قلت الك يا سفر يوم القنا والرماح
ما كل من يارد البحر الحمر بشربه



سفر الدغيلبي




انته تكافح وحنا ما نشوف الكفاح
ما معك قطع رقبه ما معك عتق رقبه
انا ادري ان الوغا الحامي وضرب السلاح
دايم طلع نحاس الفارس من اذهبه


تركي2000






الوقت شابت رموشه والليالي لقاح
والقافله سايره والشيخ في منصبه
اللي ثارت الهيجاء يعط الصياح
اما نقص مرتبه والا طلع مرتبه





سفر الدغيلبي





اللي يدور حصيل من اليدين الشحاح
اما الغدا حبحبه والا العشاء حبحبه
ما نطاوع علوم خلق الله قعد فالمراح
الهرج يا مسهله والفعل يا مصعبه




تركي 2000



عزالله اني سقيتك من زلال ٍ قراح
لكن عييت اغير وضعك المشتبه
خل الخرز منتظم يا بن سعد فالسباح
ترا التجارب تزيد التجربه تجربه




سفر الدغيلبي



تراك مخطي هذاك الماء عطيته فلاح
لكن عيا وقدر لحيته وشنبه
يالفين مالك وراء بعض الوصايا صلاح
دور لها واحد ٍ غافل ولا ينتبه




تركي 2000






الشك ما هوب حول اهل القلوب الصحاح
يا مصدع الراس لف عمامتك واعصبه

[بدوي مطنوخ]

محاوره رائعه بكل المقاييس


ولكن بكل امااانه ارى سفر اقوى من تركي الفين


وتركي جاب كلمة تجربه وهي قد سررررت



( يا طير يا طير ياللي فيك ريش وجناح )


هل هناك طير بلا ريش وجناااح .. شطر ركيك مع احترامي لـ تركي 2000



( انشبني الوقت يا جعل الولي ينشبه )


كيف يبي الله ينشب الوقت .. مالها عندي تفسير



على العموم لاهنت على هالمحاوره

كل الوود ..

[منيرالروقي]

مافيه وجه مقارنه _ سفر أقوى من تركي كثيييير سوا فالمحاورة ذي أو غيرها _ لاهنت يالمثالي وكثر لنا من محاورات سفر

[ولد سجوان]

ابيات رائعه جدا وتستاهل النقل لكلا الشاعرين لا فظ فوهما

[ابو فايح]

طاروق رائع جدا


ارى من خلاله ان سفر غير مقنتع بشاعرية تركي 2000

وتركي يحاول إقناعه بذلك



لاهنت يالمثالي هل هذا الطاروق من محاورة الاردن

[محمد ابن رووق]

خل الخرز منتظم يا بن سعد فالسباح
ترا التجارب تزيد التجربه تجربه


من يفسر لي الشطر ذا واكون له ممتن

[منيرالروقي]

والله ماله تفسير يامحمد الا بعد الترجمة للعربية .... يمكن يكون اردو هههه

[فهد الشمال]

صح السان الشعار

ولاهنت يالذيب على النقل

محمد النفيعي انت 100%100 :)

[البشيري]

عندى ملاحضه على بيت تركى اللى يقول ==ياسارى الليل يجلى نور الصباح-

المعروف ان الليل يغشى الصباح 0والصباح يجلى الليل 0والله اعلم

[اسير الروح]

صح لسانك يابو سعد

كالعاده دائما متألق وابياتك من ذهب

مشكور على النقل

[رائد الكيرعاني القحطاني]

عزّ الله انها محاوره كلااام



وقد تكون من اجمل المحاوره اللي جمعت بينهم ولا فيها كلام



وبالسنبه لبعض الأعضاء اللي يتصيّدون الغلطات لشاعر المحاوره لا أملك الا الدّهشة



إذا كل واحد بيروح لحفله ومعه دفتر وقلم يدون الاخطاء اللفظية والله ان يسري ودفتره مليااان حتى لو انهم من كبار الشعراء لان الوقت يحكم الشاعر !!



وهذي المحاوره اتوقع انهم يتكلمون عن معنى خاص بينهم ولا دخل لموضوع الشّاعريّة



تحياتي يالمثالي

[تركي ابن مكه]

صدقت يابو فايح ومن مقتنع بشاعرية تركي الفين اصلا
غير


وسفر وين وتركي وين
وش جاب القليب عند البحر سفر