انا عتيبي ولا مطيري ولا قحطاني و.. (( الادارة تعلم))

[وافي ضاوي]

السلام عليكم ورحمة الله وبركاته



اقتراح التسجيل في المنتدى :


سجل بأي معرف على كيفك اذا ماتبي تظهر بأسمك الحقيقي


ولكن بشرطين وهي :


الاسم الصريح كاملآ ورقم الجوال ولايشاهدة الى الادارة تحتفظ به


وذلك للاسباب التالية:

دخول بعض المخربين مثلآ يجي واحد ومعرفة ((عتيبي)) او ((المورقي)) او (( العصيمي)) الى اخره

وهو لا من ذولا ولا من ذولا واكيد له اهداف مدامه دخل بقبيلة ليست قبيلتة


انتبـــهو لاهـــــؤلا

والله انهم يبحثون عن اشياء قد تغفلون عنها

@ فكروا وركزوا من جميع النواحــي @




اذا وافقتو انا اول واحد يرسل رقمه واسمة الثالث والرابع ولو تبون السكن بعد ههههههههههه







وسلامتكم

[@ـايل]

وعليكم السلام ورحمة الله وبركاته

حياك الله ياعزيزي وشكرا لك على حرصك ومثلما تفضلت به ولاشك بأن هنالك بعض المتطفلين والمندسين خلف اسماء القبائل للضرب بوحدتهم وزرع الفتنه بينهم .. وهذا الاقتراح سيخفف من هذه المعضله الخطيره

نشكرك مره اخرى وثق ثقه تامه بأننا سندرس هذا الرأي الطيب شرواك وشروا الطيبين من عندي والمصلحه العامه فوق كل شي

..

[وافي ضاوي]

لاهنت على مرورك

وموافقتي في الاقتراح


واتمنى من الادارة النظر في الموضوع وابدا الرأي

[عمر بن مطلق الرويس]

اقتراح رائع وجميل اخي


واتمنى من الإدارة الموقرة تطبيق هذا القرار للمصلحة العامة مع زيادة في البيانات

مثال :

الأسم فلان بن فلان الفلاني
رقم الجوال 055555555555
رقم الثابت 0144444444444
العنوان الرياض حي العليا

ولا يكتمل تسجيل الشخص الى بعد اكماله البيانات

[مشاري الحبردي]

اقتراح طيب


والادارة عساها للقوة




لاهنت

[خالد مطلق الحبردي]

تطلب المستحيل


وكيف سيتم التحقق من صحة معلوماته

لاتقول يرسل صورة البطاقة بعد هههههههههه


منتدى الهيلا وصل مكانة تعدت حدود هذه العقبات

المتابعة موجودة والمشرفين كثر ماشاء الله ,,,

أما ماذكرته فهو ضريبة المنتديات الناجحة والمفتوحة للجميع ,,,,

[الدقيق]

ماتبون وثقية البيت ولا دفتر السياره بعد

اذكرو الله

السالفه منتدى واستفاده

والمخرب له مشعاب على خشمه وايقاف

[فهيد الايدا المورقي]

التخريب في جميع المنتديات واصبح شي متعاود عليه


والبركه في المشرفين


واللي يبغي يخرب حتي لو عطاك رقم جوال واسم يكون كذب


تحيتي

[@@بندر المغيري@@]

والله الفكره حلوه بس كيف راح تعرف أن المعلومات راح تكون صحيحه

لاهنت ياخوي الغالي

[ابن وني]

أوآفق أخوي الرأي

وإقتراح رائع بمعنى الكلمه

وأحب أرد على الطيب



تطلب المستحيل


وكيف سيتم التحقق من صحة معلوماته

لاتقول يرسل صورة البطاقة بعد هههههههههه


منتدى الهيلا وصل مكانة تعدت حدود هذه العقبات

المتابعة موجودة والمشرفين كثر ماشاء الله ,,,

أما ماذكرته فهو ضريبة المنتديات الناجحة والمفتوحة للجميع ,,,,




لآيآخوك موهب لآزم بطاقة الهويه

تقول كيف تتأكد أنا أعلمك : ..

هو طبعاً اللي يبي يسجل لآزم يكتب رقم جواله

كيف نتأكد أن هذا رقم جواله ونعرف أسمه ..؟! أنا اقولك ..

الرقم اللي يحطه , إذا كان الرقم ( عام ) يعني ( بأسم ) الإدارة يدقون على شركة الرقم مثل ( موبايلي )

ويقولون الإدارة لهم ( الرقم بأسم من ؟ ) .. هذي الطريقه الأولى ..

الثانيه : ..

إذا كان الرقم ( بدون اسم )

الإدارة ترسل للرقم رساله محتواها ( وش الاسم اللي سجَّلت فيه في منتدى الهيلا ..؟!

وعطنا الاسم الحقيقي اللي كتبته في البيانات ..؟! )

أتمنى اني أكون وضحت .

[حمدان صالح العصابين]

اعجبني احد المنتديات القبلية عنوانهم

((لالدعوى الجاهلية لاللعصبية القبلية))


الشي الاخر لايسمحون بالتعرض للقبائل اواي شعاعر من اي قبيلة


لانه اذا سمح بسب شاعر اي قبيلة فان المشكلة سوف تبداء


الشي الاخر الغزوات والجهل في الزمن الماضي لايسمح بالتحدث عنه

[ألعتيبي فالح]

فكره ممتازه .المنتدى القبلي غير عن المنتديات الاخرى والمفروض يكونون حريصين ويعرفون الاعضاء المسجلين ....مؤيد وبقوه

[معتلي الهامه]

اقتراح ممتاز ولاكن يحد من تواجد الاعضاء ويصبح المنتدى اداره حكوميه واذا هي على التجوزات ليه حاطين مراقبين يحذف الرد او العضويه وكفى الله المؤمنون القتال

[ولدالكويت]

شكرا على الموضوع

[صقرالروقي]

شكرررا على الموضوع

[سامر فهد]

هم المشرفين واعين لمثل ذي الأمور
لاكن اللي بيسوي شي حظر على طول
وفي بكل مكان الشيء ذا موجود
وف النهاية الله يهديهم
والهيلا مايضرهم شيء القافلة تسير
و..... تنبح اكرمكم الله...

[مرزوق الجعيد]

اقتراح طيب ولكن يحتاج الى جهد وعمل قاعدة بيانات وتحديث للاعضاء

وفيه طريقه تفعيل الاشتراك بارسال رقم سري لرقم الجوال الذي يتم التسجيل فيه وهذه الضاهره قد تحد من المتطفلين

والطريقه :عند التسجيل يتم المطالبه بادخال رقم جوال ولا يتم تفعيل الاشتراك الا برقم سري يرسل على جوال العضو الذي قام بالتسجيل وعند مخالفته للانظمه يتم ايقاف المعرف برقم الجوال يعني يلزمه رقم جوال جديد للتسجيل وبكذا يفقد فرصته في التسجيل اكثر من مره

ولكن مثل هذه الامور فيها تجاوز على خصوصية الاعضاء وقد لا يراها بعض الاشخاص مناسبه مما يتسبب في عزوفهم عن المنتدى وبذلك قد يفقد المنتدى اعضاء لهم دور فاعل في المنتدى

الاقتراحات كثيره والسلبيات كثيره في المنتديات
ولكن كما قال الاخ منتدى الهيلا تجاوز مثل هذه الامور ومراقبينه ومشرفينه على درايه تامه وسرعة تعامل مع المواضيع

والحمد لله يوجد من الاعضاء من هم حريصين ومتكاتفين مع الاداره في الرقي بالمنتدى

ومنتدى الهيلا الغالبيه العضمى رجال واعين ومثقفين وعقلاء وهذا له دور كبير في التاثير على الاشخاص الذين يبحثون عن المهاترات والتدليس

وفق الله الجميع لما يحبه ويرضا

ومن تقدم الى تقدم لمنتدانا الغالي

تحيتي

وشكرا على الاقتراح

[عبدالعزيز الشيباني]

اقتراح جميل اخي وافـــي....

واتمنى من الادارة النظر في الموضوع...