مساكم الله بالخير جميعاً

[ابراهيم الجـــــذع]

السلام عليكم ورحمة الله وبركاته







مساكم الله بالخير جميعاً





يا مرحبا يا هلا عدة نجومٍ ٍ فالمجرات=في منتدى ربعي أهل الطيب وأهل الطايلاتي


الليله الملعبه فيها مزوح اوقات واوقات=وفيها مثل رمح ابن غانم يوقع فالزناتي

[فهد الحصيني]

مساء النور والسرور يالجذع



دام البقايأهل التكميل في كل المهمات=ماينسي فعلكم فالحاضر وفاالاولاتي

ورمح ابن غانم تراك انته ماتسلم منه باالذات=والحرب خدعه تراها والمقدر دوم يأتي

[ابراهيم الجـــــذع]

قالوا لي الذيب لا منه سرا يقطع مسافات=لكن واصل على مسراك يا ذيب الفلاتي



صاحبك سالم وغانم ما يجيه الشك هيهات=مير البلا الذيب يجفل كل ماوميت ابعصاتي

[معجب العتيبي]

الجذع والنفيعي


صحة الالسن



ماتابعين

[فهد الحصيني]

سرحان معروف ماحدٍ جاهله كب الحركات=ياكم نعاجٍ فرسها فالليال المظلماتي

والشك ماله ترى مدخل على راع الصلوات=والذيب بعد عنه لايفرسك وسمع وصاتي

[ابراهيم الجـــــذع]

هلا وغلا أخوي معجب

شرفتنا بمتابعتك يا الغالي

[فهد الحصيني]

صح بدنك وقلبك يامعجب


وتشرفنا بمتابعتك يالغالي

[ابراهيم الجـــــذع]

الذيب ذيبه عوى له لين دك من الطويلات=لا والله الا غدا صوت الذياب العاوياتي


يا الشاعر اللي تبا تنطح كميت اكميت بمرات=لكن لا تعترض قدم السهوم المرسلاتي

[علاي الحافي]

طيب طيب

متابع

لاعدمناكم

[ابراهيم الجـــــذع]

هلا وغلا أخوي \\عابر سبيل\\


يشرفنا متابعتك يا الغالي

[فهد الحصيني]

الناس تذكر فعايل للذيايب أحيا والاموات=لجل أن مابينهم دايم يصير امناوشاتي

أصدها بالدروع وكنها راحت والاجات=والرمح ينهيك لن صابك وتبشر بالمماتي

[ابراهيم الجـــــذع]

المعرفه مع كثير من العرب كذب ودعايات=والا بعضهم تشوف الطايرات اموقعاتي


ياسر عرفات قفا والبلا صايب عريقات=لو أبو مازن مع اسرائيل يبغا معاهداتي

[جـفـن الهواجر]

ياسلام الذيب + ابراهيم الجذع= ابداع ابداع


الله دركم


الصف صف الجذع مافيه روح وتعال

[ابراهيم الجـــــذع]

هلا وغلا أخوي جـفـن الهواجر


أنتم هل الأبداع يا الغالي


يشرفنا متابعتك


لا خلا ولا عدم

[فهد الحصيني]

كلٍ نشوفه على كيفه يسوي له علاقات=وأهل الدعاوي تجدهم يالجذع في مناحلاتي


ومن مات سده مماته والبلا راع الصداقات=مع دولة الكفر صاير له علاقات وصلاتي

[فهد الحصيني]

جفن الهواجر


الله يسلمك ويغليك يالقرم

[ابراهيم الجـــــذع]

قدام لقرا عليك الفاتحه واقرا التحيات=وين انت ساري يا هذا الذيب فارقك السباتي


عز الله أني نصحت الذيب مراتٍ ومرات=لين أنها مرته ثم ضرته علمٍ ثباتي

[فهد الحصيني]

الفاتحه والتحيه في صلاتك ذكرها فات=والذيب يبغا العشاء ومن بعده يصير المباتي


ونصايحك ليتها تسرك وأنا مادور وصات=والله يضره هذا الشيطان راع المغرياتي

[فهد الحصيني]

ابراهيم الجذع



صح الله السانك وزن حالك يالغالي ،استمتعت بالعب معك وتبح على خير يالقرم

[ابراهيم الجـــــذع]

يا ذيب لو الجمل يهبدك تاخذ خمس لفات=لن هاج لو تعترض عنده مثل فرخ القطاتي


الحجه اللي تجي من يمتا بشهود واثبات=معدالكم يا النفيعي واستلم صك البراتي

[ابراهيم الجـــــذع]

صح بدنك يا الذيب

وأنا تشرفت واستمتعت باللعب معاك


وتصبح على خير يا الغالي

[الايداء1]

.
..
...

صحت السنتكم يالشعار

شعر يستحق المتابعه,,,