المساعد الشخصي الرقمي

مشاهدة النسخة كاملة : انا يامحمد كيف اسافر واخلي نوف 000لــ شقير الجذع


فهيد الايدا المورقي
05-Jul-2010, 09:39 AM
أنا يا محمد كيف اسافر واخلـي نـوف=وأنا كيف أعيش بديـرة ٍ ماتعيـش بهـا

أكب السفر من شانها لو علي ظـروف=ولا لـي بـدربٍ خطوتـه مـا تقربهـا

ليا جيت اسافر عن بلدها يجيني خـوف=هواجيـس حـبٍ فالضمايـر تقالبـهـا

وأنا ساعة ٍ ماوحي بها الزين والا اشوف=أعد السنـه بحسـاب الايـام واحسبهـا

عشير ٍ طواني طي الأوراق بالمظروف=مراسيل حب ٍ شمـع الظـرف كاتبهـا

بعد زرفه سجل عليـه البريـد حـروف=واخذته مراسيـل السمـا فـي حقايبهـا

عليها نظر عيني وقلبـي لهـا مشعـوف=والاضلاع راحت في صوايـد مخالبهـا

طويل المعنق ضامره والحشـا ملهـوف=لالا ردفهـا كـان الهبايـب تهـب بهـا

معزل نحيل الوسط جسمه صدر وردوف=نسيم الهـوى لاهـب نـوده يليـن بهـا

تمايل بجسـم ٍ ينثنـي كنـه الغظـروف=تلاعب خفيـف النـود وهـوه يلاعبهـا

يتل العروق اللي تغذي صميـم الجـوف=بنظرة عيـون ٍ سحرهـا فـي مذانبهـا

نظرها عليها رمش والرمش يثر خـوف=تخوف قلـوب أهـل المحبـة وترهبهـا

ليا صد واغظى بالنظر كن فيه صفـوف=جنـود ٍ لخـط النـار ترسـل كتايبهـا

والا يا عيون مقرنس ٍ بالشبك مصـدوف=توايـق ومفتـول المسابيـق قاضبـهـا

ليا هدها الصقـار مضرابهـا معـروف=على مشبك الجنحـان تثبـت مظاربهـا

يلوف الضماير بالهوى والمحبـة لـوف=وأنا الروح غيره مـاش شـي ٍ يناسبهـا



الشاعر/ شقير الجذع

الجزل
05-Jul-2010, 09:45 AM
صح لسان الشاعر : شقير الجذع

ولاهنت

فهيد الايدا المورقي
06-Jul-2010, 10:40 AM
الجزل اشكر مرورك الكريم


تحيتي

ولد المزاحمة
06-Jul-2010, 10:55 AM
حروف جميلة من شاعر مبدع وانا من اشد المعجبين بشعر شقير الجذع ولاهنت بناخي الايدا على النقل

سلطان نايف العضياني
06-Jul-2010, 11:58 AM
شقير الجذع شاعر غزل من الطراز الأول ولا أحد يستطيع مجاراته فالقصايد الغزليه

شكراً يابناخي الأيداء

أبو مرحبا
07-Jul-2010, 08:27 AM
قصيده رائعه للشاعر / شقير الجذع





ولاهنت يابناخي الايداء على الاختيار الرائع

محمد العتيبي
08-Jul-2010, 12:01 PM
اختيار رائع للشاعر / شقير الجذع


لاهنت يابناخي الايداء على انتقائك الرائع ..


تحيتي
..

فهيد الايدا المورقي
09-Jul-2010, 10:48 PM
ولد المزاحمه اشكر مرورك


تحيتي

مشاري الحبردي
10-Jul-2010, 10:20 AM
صح لسان الشاعر شقير


لاهنت

خالد بن مورق
11-Jul-2010, 10:53 AM
صح الساااااان شاعر روووق

فهيد الايدا المورقي
18-Jul-2010, 05:46 PM
سلطان نايف العضياني اشكر مرورك الكريم



تحيتي