أقرب ياابراهيم الجذع "

[فهد الحصيني]

سلام مني للرجال اللي تغلق فالزوم=في حزت الشده تبين فعلها من قدها


والسوق بيع مشترى وحدٍ شرى وحدٍ يسوم=والغاليه كلٍ يباها والفلوس اتحدها

[ابراهيم الجـــــذع]

يا مرحبا ترحيبةٍ تبدي مثل مبدا النجوم=الصاع يجزي صاعها والمد يجزي مدها


حنا نبيع ونشتري في كل ليل وكل يوم=ومن لا يوقف دونها خله يوقف سدها

[معجب العتيبي]

النفيعي


الجذع



صحة القلوب والالسن


متابع للابداع

[ابراهيم الجـــــذع]

صح بدنك أخوي معجب


يشرفنا متابعتك يا الغالي

[سلمان الحافي]

النفيعي

الجذع

ابداع واصلوا

[فهد الحصيني]

دام البقا باللي يرحب من قويين العزوم=يكرم ويمناه الكريمه مدها ويشدها

اتبيع في سوق الذهب والافي جده والجموم=عد العلوم وهاتها والا لغيري ودها

[فهد الحصيني]

معجب العتيبي


صح بدنك والابداع هو حضور المميز

[فهد الحصيني]

سلمان الحافي


الابداع هوحضورك الرائع

[ابراهيم الجـــــذع]

ياذيب تقنب مير ذيبك لو قنب دك الرجوم=لكن خلك والعوارف ما تبيح سدها


اللي عرف طبع الشلاوى عارفٍ طبع البقوم=وأن طب في سوق الغلا تجار تلقا ندها

[علي الشهراني]

الله الله


صحت السنتكم جميعا

[ابراهيم الجـــــذع]

صح بدنك يا الشهراني


تسلم على الحضور والمتابعه

[فهد الحصيني]

سرحان محدٍ منكره ياللي تحلم بالحلوم=والعارفه معروف عند الناس يعرف بالدها

ومن يحسب أنه منتصر ينغر ويصير مهزوم=لاتحسب أنك يالجذع فارس عجزت اتصدها

[فهد الحصيني]

صح بدنك وقلبك يالشهراني

[ابراهيم الجـــــذع]

القوم من فعلي تصير اصحاب والأصحاب قوم=وأنت مخير بين مزح القوم والا جدها


وأن كان حطيناه ما بين المغادر والقدوم=بنت الهوى ما اعدك إلا شامةٍ في خدها

[فهد الحصيني]

الظاهر أنك صرت أبو زيد الهلالي غير شوم=بعض السوالف ماتنومس من يجيك ايعدها


وبنت الهوى خير من اللي طاح وازرى لا يقوم=واللي عجز يبني عماره مستحيل يهدها

[ابراهيم الجـــــذع]

لا تحسب الدعوى عوافي والعوافي ما تدوم=وضعك طبيعي لا تشد اعصاب نفسك هدها


اقول يا ليتك تريح يا النفيعي ومخدوم=حنا نضد القوم والحنشل ونلعن جدها

[فهد الحصيني]

اللي مدح نفسه تراه يقول قرم (ا)من القروم=والله عليم بسر عبده يعلم اللي ردها


تحمد الله ياجـودي مادامت أمن ومحكوم=لا تتعب أنته نفسك القشرا استريح وغدها

[فهد الحصيني]

صح السانك ياابراهيم وبيض الله وجهك ،استمتعت باللعب معك وشاعر مافيك حيله والخاتمه عندك، وتصبح على خير

[ابراهيم الجـــــذع]

عود ودافع عقب ما حنا تولين الهجوم=هذي حقيقه قلتها لو العرب ما ودها


ان طالت الدعوى ترا فالناس معطى ومحروم=لابدها لو يختلف منطوقها لابدها

[ابراهيم الجـــــذع]

صح بدنك يا الذيب

و وجهك ابيض يا الغالي

تشرفت باللعب معاك