سلام حدت سيوف وبندقن تنشرا !!

[عبد العزيز العبدلي]

مساكم هجاد :)





من شاعرن عزوته فمطير حمر العيون=سلام حدت سيوف وبندقن تنشرا
في ميقافن معتبر مافيه ضحكة سنون=تبا تبين فعول مطير بين البرا

[أسير القوافي]

في ميقافن معتبر مافيه ضحكة سنون
تـبـا تبـيـن فـعــول مـطـيـر بـيــن الـبــرا




ونعم ونعم ،، وكفـو ،، :)



مير قدمك هضاب نجد شعَار الهيلا :)



صح لسانك أخوي عزيَز،،



وننتظـر قبيلـك ،، وأنا في صفًه ،،




متآبع !!

[عبد العزيز العبدلي]

ارحب يا اسير القوافي

وصح بدنك و ماعليك زود والهضاب ابهدمها لك هالحين ههههههههههه

لا هنت على مرورك الراقي

تحياتي لك

[ابراهيم الجـــــذع]

من شاعرٍ عزوته في مخلفين الظنون=يا مرحبا ضرب شرفاً من رجال اخبرا


حنا عتيبه هلا الوقفات لو تعلمون=إن كان تبغا المواقف يا المطيري ترا

[منصور الدرين]

ياسلام عليكم < تحممممس ويباها تثور

هونوها يارياجيل أنتم وراكم تهاوشون

ترى المحكمه قريب :)

[طلق الحجاج]

ايييييييييه . ناريه بين مطير وعتيبه

في انتظارها تولع ..

لاهنتوا

[ولدعساف]

ايه هذا الكلام >> يبيها تخرب !!

,,

صحة الألسن والقلوب .. وانا بصف إبراهيم ولايهون المطيري !!

,,

ولي باك :) !!

[فايـز العتيبي]

الليل الصفوف تعبت هههههه

[عبد العزيز العبدلي]

لن كان عندك على الغزوات حب وجنون=ماتعرف الموت ماميّز غنا وفقرا
تخضع لنا روس قوم وترتجي للمتون=وتحب كتف الدويش وتنحني للثرا

[عبد العزيز العبدلي]

مطيري بينكم

امسك الصف يا مال الشحم لا تورطني الحالي:)

[عبد العزيز العبدلي]

ولد عساف

صح بدنك مير حضر الما للجذع لا يهلك هههههههه

[عبد العزيز العبدلي]

طلق الحجاج

شكلك متحمس مير انتبه لا يجيك من ثور البنادق شي هههههههههه

لا هنت على مرورك

[عبد العزيز العبدلي]

فايز العتيبي

لا هنت على مرورك

[معجب العتيبي]

المطيري


والجذع



صحة الالسن


متااابع

[ابراهيم الجـــــذع]

ما عندكم يا المطيري غير جر اللحون=والشك والريب ما جنب عن اهل القرا


يا كم نهينا العبادل مير ما ينتهون=الروس تخضع ليا شافت عزيز ادبرا

[عبدالله الفهد الاسعدي]

صحت الالسن

ومتابع مستمر

قواكم الله

[أخو جوزا]

مساكم هجاد


مساك لطم عايل:cool:


صح لسانك يالجذع وصح لسانك ياعزيز

[عبد العزيز العبدلي]

يالجذع أبنصحك قرّب لي وترخ الأذون=مطير فوق الثريا فالعلا منبرا
ما اقول غير أن سم مطير بين الضعون=صرتوا كما ضان بين البيع والمشترا

[عبد العزيز العبدلي]

معجب العتيبي

صح بدنك ولا هنت على مرورك المشرف

[عبد العزيز العبدلي]

عبدالله الاسعدي

صح بدنك ولا هنت على مرورك ومتابعتك

[عبد العزيز العبدلي]

اخو جوزا

اداري ما اقدر اقولك شي هههههه

صح بدنك

[ابراهيم الجـــــذع]

أنته من العصر قمت اتخمخم المكرفون=اسر بها يا عزيز بعد ليلك سرا


يا العبدلي من قديم الوقت سلعة زبون=ما يعترض لـ الذياب الحصني الأزهرا

[عبد العزيز العبدلي]

أول يجي من جهتكم ريح من كل لون=واليوم ذوقوا سمومن قيضها أغبرا
من قال لك مدحةٍ ماصانها لك مصون=يالجذع مالله عطاكم من جهتنا ذرا

[فايـز العتيبي]

يا العبدلي من قديم الوقت سلعة زبـون
ما يعترض لـالذيـاب الحصنـي الأزهـرا

صح السانك يالجذع ههههههه

اكلها يالعبدلي ههههههههههه

[عبد العزيز العبدلي]

اكلك مسررررررع ههههههههه

لا هنت على مرورك يا فايز

[سلطان الجـذع]

...

طيب طيب طيب ... عزيز وابراهيم ... واصلوا ونحن لكم متابعون :)

[ابراهيم الجـــــذع]

اليا ضغطناك يا عزيز علاكم نمون=ليتك تجزا العرب فحصانها الاصفرا


يا اللي تناطح عتيبه وأنت ما لك قرون=حنا ذرا لبن درويش وذراك أومرا

[عبد العزيز العبدلي]

نارن وطاها الجليد ونارنا ماتهون=والناس تنظر وترجف رجف مما جرا
ياللي بقيتوا تحت راياتنا وش تبون=في كل لحظه تقدّم بينكم بالسرا

[ابراهيم الجـــــذع]

ما كل من يرتجف من هيبتك يرجفون=اللي يلدون له بالعين لقا ورا


مالومكم يا العبادل يوم ما تمرحون=ومالوم عينك ليا عافت لذيذ الكرا

[عبد العزيز العبدلي]

يا سلام يا سلام

مبدع يالجذع كفيت ووفيت يالغالي

وصح السانك مليون
والقاف من الحماس اشتد وصار فيه مصامخ
لكن ماتنقص من قدر عتيبه عندي شي
والقلوب اصحاح وانظاف :)

لاهنت على المجاراه الطيبه وال اللقاء في الايام المقبله انشالله
تحياتي

[ابراهيم الجـــــذع]

أسير القوافي

مطيري بينكم

طلق الحجاج

ولدعساف

فايـز العتيبي

معجب العتيبي

عبدالله الفهد الاسعدي

أخو جوزا

سلطان الجـذع

صحة ابدانكم جميعاً

نورتوا الموضوع وشرفني حضوركم ومتابعتكم

والمعذره لو ما رديت على كل شخص لحاله

لأن مثل ما تعرفون اللي يلعب نشغل فالرد على الشاعر الثاني

تقبلوا تحيتي وتقديري

[ابراهيم الجـــــذع]

عزيّز العبدلي


صح بدنك يا الغالي

تشرفت باللعب معاك واستمتعت

واللي يحصل في جميع المحاورات ما ينقص قدر اي قبيله

كلها مزح ومتعه والمعاني والرموز ما تخفى على الشعراء

بالتوفيق يا الغالي