مكتبة تحتوي على مقتطفات من محاورات الشاعرالكبير/ مطلق بن حميّد الثبيتي يرحمه

[سعود العصيمي]

مكتبة تحتوي على مقتطفات من دكتور المحاورة الشاعرالكبير/ مطلق بن حميّد الثبيتي يرحمه الله .






مطلق الثبيتي =

سلام الله على من جابنا ذكره ومرسوله= عدد نو المزون اللي لها نوٍ ورعادي
شليويح المطيري يوم شفته غرني زوله= وأثره الشجرة اللي عرقها سابح مع الوادي








شليويح المطيري=

هلا يامرحبا ترحيب نبدي فيه ونقوله =نيابة عن مطير الحاظره و آلاد عبادي
شليويح المطيري ماشيٍ فالدرب بنعوله =ولا احط القدم حافي لعل الدرب ينقادي









مطلق الثبيتي =

الا يازينها لو تصبح البيبان مقفوله =وتمسي يالمطيري من ورا البصره وبغدادي
ياراعي الشله اللي عن عيال الخير معزوله =بعد سويتها فينا يبي لك حرب وجهادي








شليويح المطيري=

عرفت الغازكم والغازكم من عصر محلوله =كلامك فالمسجل لاتشغل موجة الرادي
انا لي شلةٍ في دربها ماهي بمشلوله =بعدها يالثبيتي لاتحرك كورة النادي










مطلق الثبيتي =

ابربي حراميٍ يشيل التمر بحثوله =نما من عادته مايسرق الا تمر الاجوادي
ابوكم ماتسنع وامكم قشرى ومهبوله =ليا ميزتها من قشرها ماعاد تزدادي










شليويح المطيري=

علام الحضرمي قدام جيرانه كفى فوله =يعقّب دلته ويجيب للضيفان برادي
انأ أمي صاحيه وأمك من الأيام مشغوله =ولاتسمع كلام أمك نهار تصيح وتنادي









مطلق الثبيتي =

زعل راعي الونيت وضاع له عشرين صاموله =يوم انه زعل واليا الفرامل سلكها غادي
حبال الخير بين الناس ممدوده وموصوله =ولاتقدر تغيرها ليا شفت القمر بادي









شليويح المطيري=

أقص الجره اللي من زمان العام مدهوله =واثر طبع الحرامي يختلف عن طبع الاجوادي
انا خابرك تثني كان نار الحرب مشعوله =لكن اليوم عان القوم لك في كل مرصادي










مطلق الثبيتي =

رموشك يالمطيري من دموع العام مبلوله =نبا نشبعك في شعبان ونجمدك في جمادي
ليا شفنا الغناوي كل يوم يقل محصوله =قطعنا عنه نسناس الهوى والشرب والزادي









شليويح المطيري=

ليا حمرت عينك عندنا بالكحل مكحوله =وانا بشب ناري كان شفت القدر ماجادي
انا ماني بشعره من عجينة خبل منسوله =انا دكتورها حتى نداوي كل الاكبادي









مطلق الثبيتي =

الا ياموترٍ حطوا له الشاصين مدبوله =لكنه لامشى في الدرب من ممشاه متحادي
انا اعرف القلوب اللي من الأوهام مدخوله=أجيب إلها الدواء مير الدواء والطب مافادي









شليويح المطيري=

انا بنشدك عن هاك الونيت أصحيح منهوله =بعد ماحوّل السواق ركبه غض الانهادي
وانا ماني بماشي غير مع سكه ومدهوله =لكنك قص دربك يالعتيبي وانصح الغادي









مطلق الثبيتي =

شليويح المطيري مدوخ العربان بطبوله= وياليته مع الغزي وجنب عزيز البادي
لكنه يطوف ويستعي فالشعب وجيادي =والا يازين زول الشيخ والذرعان مفتوله








شليويح المطيري=

تغيّر صاحبي يوم السواري وقعت حوله =سلامه يالثبيتي وابشر انك واصل المادي
ليا زعل الثبيتي من زمان العام قولوا له =نبا نكسيه من سوق الرجال ثيابٍ جدادي

[سعود العصيمي]

عبدالله المسعودي =

نهاية يوم ذى الحجه بداية ليل من عاشور=الا يامرحبـا والمملكـه باسعـد لياليهـا
انا ماهمني فالوقت لا مطلق ولا مستـور=اركبها على قمة جبـل وتهـز رجليهـا










مطلق الثبيتي =

انا اشوف المدافع فالمحاجي والفرود تثور=يدوم ابك البقا وانته جملها وانت راعيهـا
تقوله وانت محني في يديه حنية الباكـور=وانا اللي من زمان العام طابخها وشاويها







عبدالله المسعودي =

عينت الشايب اللي لقمته ما وصلت الحنجور=فضيحه لانتفلهـا وان بلعهـا سمهـا فيهـا
منول ياذهبنا كنت في صندوقنـا مصـرور=وذا الحينـه تشالتـك الحراميـه بياديـهـا









مطلق الثبيتي =

عينت الطرقي اللي شق قدره شعلت الدافور=ليا جاته ضيـوف الله يـزري لا يعشيهـا
ونا ماني بشايل لي عصاة راسها مشقـور=لكـن التاجـر اللـي جابهـا لازم يوديهـا







عبدالله المسعودي =

ولا ياصاحب ما تشرب الا السكر المعصور=ديار مابها الا الشـوك لـو يسيـل واديهـا
تصيح لها من المغرب وتقهرها طلوع النور=شداد فوق غاربهـا وحبـل فـوق اذانيهـا








مطلق الثبيتي =

انا اشوف السمن سايل من القبه الى الزبزور=تصلح وجهها ميـر الكوايـا فـي علابيهـا

[سعود العصيمي]

عبدالله المسعودي =

ماني باجيب الفصاحه غيـر عنـد الفصيـح=امشـي مـع النـاس واعطيهـا قوانينـهـا
ام الصفا والصفيح اللـي مـن اول تصيـح=راحت على مـوت ابوهـا حنـت ايدينهـا









مطلق الثبيتي =

بعـض المعانـي تعنينـي وانـا مستريـح=وام المـوازيـن لاتصـغـي موازينـهـا
قلـب بنعمـه وقلـب مـن زمانـه جريـح=قبـل امـس تقسـي وهـذا اليـوم يالينهـا








عبدالله المسعودي =

انا علـى مرقـب عالـي بديـت استضيـح=وان ام عامـر تهـز انـصـاب سكينـهـا
الهجرة اللـي يامطلـق جـات تنقـح نقيـح=ايعيـش نمرودهـا ويـمـوت مسكينـهـا









مطلق الثبيتي =

يازنـد ياللـي علـى الايـام تقـدح قديـح=ليـالـك الـسـود ماتـرقـد شياطينـهـا
اشوف لي شيخ فـي نعسـه وكفـه شحيـح=حتـى الاوادم مشـارك فــي دكاكينـهـا






عبدالله المسعودي =

اشوف قربة عقيـد القـوم تنضـح نضيـح=والثـوب الابيـض تفـرق بينـه وبينـهـا
ابليس لـو جرهـا يمكـن عراهـا يطيـح=وابليس شريـان مـن ماهـا ومـن طينهـا







مطلق الثبيتي =

النار من تحـت قـدرك مـار عيـا يفيـح=خـلا العـرب للعشـا تدنـي مواعينـهـا
يقلون بـاب يجـي ياصاحبـي منـه ريـح=سـده وتسلـم مـن الدنيـا ومـن دينـهـا







عبدالله المسعودي =

ولـد الهـوى يـوم غنـى لام خـد مليـح=ما احد يلومـه وهـو مفتـون فـي زينهـا
الذيـب ماهـو عشـا لام اللبـن والتلـيـح=ان شافت الذيب الاشهـب دنهـرت عينهـا








مطلق الثبيتي =

ولد الهـو مبتلـش فـام الصفـا والصفيـح=الـلـي لياشافـتـه رفــت كراعينـهـا
ام الكباير علـى الاجـواد تضبـح ضبيـح=والسوس من ظهرهـا واصـل ضلاعينهـا





عبدالله المسعودي =

قمريـة الفـن الاخضـر ملحهـا مايميـح=الحـب فـي حلقهـا ماياصـل ابطينـهـا
ان كان ابا امدحك ماينفعـك كثـر المديـح=ان كـان ماجـبـت للقـصـه براهينـهـا

[سعود العصيمي]

مطلق الثبيتي =


ماتسير السفينه ليـن يركـز عمدهـا=علموا صاحبي صياف شيخ الجماعـه
البلاء الحامل اللي وش نسمي ولدها؟؟=بعد حملت ثمان أشهر وعشرين ساعه





صياف الحربي =

ترسي الباخرة وترسي اللـي بعدهـا=فوق غبة بحر ماله على الأرض قاعه
كان ماسمت المولود تقعـد وحدهـا=مالنا في حلال الناس ربع الطماعـة






مطلق الثبيتي =

خلها خلها فالدرب تنقـل جهدهـا=لا يضيع الوديع ولا تضيع الوداعة
لاتغرك حجور ولايغـرك وعدهـا=الحجوري لكيع ولايكب اللكاعـه






صياف الحربي =

أعلقت رجلها واخطت علانا بيدهـا=ثم قامت تدلع وازعلتنـا الدلاعـة
من غلط فالبيار ليا ظمي ماوردها=وأنت لاتشري ألا من خيار البضاعة







مطلق الثبيتي =

ماعليكم خلاف جنازةٍ فـي لحدهـا=مابه الا علوم وسالفـة فالإذاعـة
ابن عمك حدا القومان عنك وطردها=ذابحٍ لك مطير وذابحٍ لـك خزاعـة






صياف الحربي =

القصور اختلط تعميرها مع هددها=وانت رجلٍ غناوي ماتعرف القناعة
بن عمي ليا جات السوالف جحدها=كل ماقلت كيف الحال جرد ذراعه






مطلق الثبيتي =

من يعرف العرب يعرف مداخل بلدها=حدنا الوقت ياضلعٍ تعاوت سباعـه
ابن عمك عطاك فلوس واجد عددها=ليه ياراعي البابور تطوي شراعـه







صياف الحربي =

لو من يكحل عيونـه يـداوي رمدهـا=كل واحد كحل عينـه وجّبـر كراعـه
مااقدر أعطيك حاجة لين تكتب سندهـا=أنت مثل الحوار أليا ارتوى من رضاعه





مطلق الثبيتي =

كل مااحل عقدة طير شلوى عقدهـا= ول ياسرع نزّلة سيفنـا وارتفاعـه
ما يقطع عروق قليبّـك ألا حسدهـا=مير أنا اللي معي مفتاح بنك الزراعه







صياف الحربي =

ابتلشنا مع الأصنام واللي عبدهـا=قلت ماقلت له طعني يعاف المطاعة
فوق راسك مزونٍ قام ينزل بردها=أعطنيها ثنيه وأستلمهـا رباعـه






مطلق الثبيتي =

أنت تعرف سباع الليل وتعرف أ سدها=مير عندك مرض ماطلعته الإشاعـة
ارقدوا ليلة الجمعة مع اللي رقدهـا=جا لكم مؤمنٍ يشفع نهار الشفاعـة





صياف الحربي =

اترك الزمل تهدر لين يطفي زبدها=واحدٍ فيه قطعه يقطعه من قطاعه
الشفاعة تكثر للسعيـدة سعدهـا=وأنت ياطير شلّع وابعد الانشلاعه








مطلق الثبيتي =


لاتضحك عريب ٍ سبتها مثل احدها=يامطوع بريده ياكثيـر الطواعـه

[سعود العصيمي]

صياف الحربي=

يـاسـلام الله ودار الـعـز مـرفــوع علـمـهـا=عقب شعشع نورها والظلم حال العدل دونه
الثبيتـي لـو اقـول اقسـم عيـونـك ماقسمـهـا=والتفـت فيـه بنظـرة حسـد ويطـيـر عيـونـه








مطلق الثبيتي=

يحفظ الله الجزيرة والشجـاع اللـي حكمهـا=مثل قصر ثابت السيسان واخوانه حصونه
صاحبـي صيـاف ينهبـهـا وياكلـهـا بدمـهـا=ليتها ماتاصل الحنجور تنشـب فـي سنونـه







صياف الحربي=


المطيـة ماتقـاود غيـر مــع رجــل خطمـهـا= لو يضيع خطامها من طردها كثرت غبونه
انت اشوفك تفرس الصيدة وتاكل من لحمها=والخـوي لاضيـع القانـون قـامـوا يشمتـونـه








مطلق الثبيتي=

المطـيـة خلـهـا فــي الــدرب لاتكـتـم نسمـهـا=واحترص من غضبة الجمال لايضربك شونه
كـل حـيـة سمـهـا فــي بطنـهـا سـديـت فمـهـا=وان لقيت الوعل ابو قرنين اطقـه فـي قرونـه








صياف الحربي=

اكـثـر العـربـان يلزمـهـا وكـنــه مالـزمـهـا=ثم راح من الزعل يمشي ويقطع من ردونه
انت مثل العقرب اللي تخلع الناس بوحمهـا=مار جاها قـاريُ شاطـر دهنهـا مـن دهونـه






مطلق الثبيتي=

ماعليـه مـن عجـوزك كـان ماضـوت غنمهـا=وان زعل صياف جعل اللي وراه يحول دونه
امس يبني عشتـه فـي الضلـع واليـوم يهدمهـا=والهـبـايـب ماتـهـبـه والـطـراقـي مـايـجـونـه







صياف الحربي=


الله انـه ينصـر السـنـة ويظـلـم مــن ظلمـهـا=والعـرب مايطحنـون الـحـب لـيـن يفتشـونـه
لو تشوف العشة اللي صاحب الخبرة حزمها=فوق ضلع كل ماطاح المطر تثمـر غصونـه








مطلق الثبيتي=

الآشارة فآخر الشارع بصدامه صدمها=الونيت اللي قديـم وكـل يـوم يوظبونـه
المنايا ياوسيع العرف مايخطي سهمها=مارخلك صالح النيـة وعمـك لاتخونـه






صياف الحربي=


القلوب العمي خل الذيب ياكل مـن شحمهـا=والونيـت اللـي يسوقـه صاحبـه لاتقربـونـه
ليت بقعاء تلمس الرمضاء وتاكل من قدمها=وانت يابو راس راسك ماتغيـر عـن متونـه







مطلق الثبيتي=

العيـون اللـي تهـل دموعهـا منهـو لطـمـهـا=لو عرفته كـان خليـت الجماعـة يحبسونـه
المطية يوم ريض مشيها محد( ن ) نهمهـا=لو نهمها كان تاصل مطرح (ن)ماتاصلونه

[سعود العصيمي]

عوض الله السلمي =

صاحبي مطلق من اول من خيار اصحابي=مير تال الوقت غنـا مـع بنـي عبـدالله
ما حسبت انه صديق(ن) يستثير اعصابي=وان لقي فرصه على بشتـي يبـا يشتلـه








مطلق الثبيتي =

والله اني ما اكتسي بثياب غيـر ثيابـي=وانت تعرفني ويعرفنـي زمانـك كلـه
لاتبيـن راس نابـك ياحديـد النـابـي=انت ضيف من الضيوف وعند راع الحله










عوض الله السلمي =

ياعتيبي مع عتابـه دور المشعابـي=وأحضره لن ما لقيته وان لقيته خله
في بلدكم ضاع لي شايب من الشيابي=والله اعلم من هو اللي ياثبيت احتلـه










مطلق الثبيتي =


واحد(ن)توخذ عصاه اقفل عليه البابي=وان رفع راسه يبا يونس شباة السله
راح مشعابك ما بين الباب والمحرابي=يوم في ديرتك تخبط به غصون البله










عوض الله السلمي =

يعلم الله ما حسبنا فالعرب نهابـي=والسبابيب كلبوها منك مير ارسله
راح مشعابي مابين الباب والبوابي=من يسوي له عمل لابد ما يعملـه









مطلق الثبيتي =

افهقو عنا شـوي ونحضـر الغيابـي=يا عسى فيهم يجي رجال مالـه ملـه
عندنا عشرين شيباني وشيـخ ذيابـي=والطلب في قرصك اللي عند حيد المله








عوض الله السلمي =

وش يعديكم على اللي سد قفل وبابي=وش يعديكم عليه ايدينكم تدخل لـه
كلهم منكم وفيكم يا ابيض الاشنابي=والمكلف بالطلب يلزم عليه يحلـه









مطلق الثبيتي =

انت مشعابك بحكم الشرع مثل الدابي=يذبحه من هو لقيه وفوقها بسـم الله
واكثر الضنه مقطر فوقه المرزابـي=يوم لَقْيِتـه ثعـول المزنـه المنهلـه







عوض الله السلمي =

يا ثبيتـي لاتزيـد تكثـر الاسبابـي=ثم لن كثرتهـا تكبـر عليـك العلـه
دارها باحسن بصيره لايبين الغابـي=وان شبا فيها المرض تكرم ياراع الدله








مطلق الثبيتي =

انت ودك للحضور تغثرب المشرابي=ما غدا لك شي تبغاها قشر وتعلـه
انت تطعن لك بسكين بغير نصابـي=كيف اذر الكحل فوق رموشك المبتله

[سعود العصيمي]

مطلق الثبيتي =

مرحبا ترحيبـة ينشـط لهـا القلـب المعَنَـى=عدّ همال السحاب اللـي بروقـه مـا تباتـي
من يخاوينـا نبـا نرويـه مـن هيـل وبنّـا=واشهدي لي يالنجـوم اللـي علينـا مرقباتـي







صياف الحربي =

بارك الله فيـك ويجيـك الخبـر والعلـم منـا=مانسينـا فعـل سيفـك فالليـال الماضياتـي
في نهار الخوف لا تطـرح شـدادك ياجملنـا=لقمـةٍ مـره ,ولقمـة كنهـا سكـر نبـاتـي









مطلق الثبيتي =

لاتشيل العفش فـي موتـرك حنّـا ماوصلنـا=دونكـم حـرة عتيبـة والجبـال النايفـاتـي
لاتخامسنـي يابـو عـرام بالكـف المحـنـى=خامس اللي مايعرفون الصيـام ولا الصلاتـي









صياف الحربي =

الثبيتي قطـع سلـوك الـروادي يـوم غنـا=شاعـرٍ يكتـب ويقـرا والعلـوم مصلحاتـي
مانخامـس واحـدٍ لا شافنـا قــام يتمـنـى=وإن دخل في صف أهل ضلع الهدا راحو شتاتي











مطلق الثبيتي =

والله إنـا ماحفـرنـا بالقـبـور ولا دفـنـا=لين حصلنـا علـى الميـت طيـورٍ حايماتـي
يالطيف الروح لـو نخلـط لبنكـم مـع لبنـا=شرب الظميـان وتليـن العـروق اليابساتـي











صياف الحربي =

لو نابك يكسـر عظـام البشـر يمديـه أكلنـا=مار صابتـك المصيبـه فالسنـون الاولاتـي
الغصون اللي قطعـت عروقهـا قامـت تثنـى=ليت مطلق من قبيلة حرب ويسـوي سواتـي








مطلق الثبيتي =

لك سنه وكسور قلبك يالسحيمي مـا ارجهنـا=واحمد الله يوم راسك من تحت كـم العاباتـي
الحروب اللي على سيف البحـر ماهـم بمنـا=ربعنا اللي من ورا الحد القصيم اليـا مراتـي









صياف الحربي =

أنـت تخبرنـا نـزود فالدهـان اليـا دهـنـا=مار لاتجرح شعور الناس من كثـر الشماتـي

[سعود العصيمي]

مطلق الثبيتي =

مرحبا في مرحبا عد همال الربيع = من مزون ٍ يشعل البرق في طياتها.
يالعصيمي سرها لين تبدي كل ريع = والعلوم اللي تسلي عتيبه هاتها.





مستور العصيمي =

البقاء ياللي ترحب من البال الوسيع = كل ناس ٍ يالثبيتي على نياتها.
ودي انزل سوقها واشتري معكم وبيع = هاذي الحزات ياذيب من حزاتها.







مطلق الثبيتي =

من نزل في سوقها ذالسنه لازم يضيع = التجار الاوله غيرت عاداتها
والله انا كلنا مانبا الزبده تميع = اخلفت ظني وانا ماكشفت اغطاتها.






مستور العصيمي =

الحصان احصان والسيف فيمين الشجيع = والقبور الفانيه ماتعيش امواتها.
كان ماسبعت نفسك ندور لك سبيع = ماتكلم غير مع ناس اعرف إلغاتها.








مطلق الثبيتي =

كيف طعت العوج وانا احسب إنك ماتطيع = فوق راسك من عصر رافعه راياتها.
تحسب اني يالعصيمي كما الطفل الرضيع = البحور الزرق سابح على موجاتها.





مستور العصيمي =

من يطيع العوج يقعد مع العالم وضيع = مانطيع الجن لو صوّتت باصواتها.
عقب علم ٍ صار ماعاد يشفع لك شفيع = وعذاب العين لو كثرت لداتها.







مطلق الثبيتي =

خاوني فالدرب واعطيبك الدرب الوسبيع = لاعقاربها تهمك ولاحياتها.
سدنا الله عن مقابل طعام من ضريع = تطبخه بنت ام ظرفين وبنياتها.





مستور العصيمي =

رح لحالك لاتنادي منيّع يامنيع = لادخلتك ام الكباير بيوت اخواتها.
والله انا ماخدعنا ولانصحب خديع = والجمال اللي تهادر تبين إلهاتها.





مطلق الثبيتي =

مايفيد الدهن في شنةٍ تقرع قريع = والعوارف ليش تمشي ورا عياتها.
لازم ٍ حدي وواقف على الساق المتيع = مارابا حاسب جهينه على سئياتها.






مستور العصيمي =

الذياب الشهب ماتسكن بيوت الضبيع = كل دعوى عندي اشهودها واقضاتها.

[سعود العصيمي]

مطلق الثبيتي =

يالعصيمي قـوم لا قامـت عليـك قيامـة=ياخـوي الجنـب لاخلفـي ولا قـدامـي
مرحبابك يالتهامـي بعـد جيـت تهامـة=واشرب الماء من شفاء عد يروي الضامي






مستور العصيمي =

مادخلني ذل من بحر طويل القامـة=وانت تعرفني رفيقك للبحر عوامـي
البقاء من هاجس ماينقص الخصامة=حقهم ووجوبهم لو طالـت الأيامـي








مطلق الثبيتي =

مالفيتك لين حتى جونـي العزامـة=ماتوخر بعد ماجاني ميـة عزامـي
بعد ماجاك الجمل قود الجمل بخطامه=واشعبه يم اليمن ولا اشعبه للشامي






مستور العصيمي =

منـت لا منـا ولا ترضابـك الغرامـة=مار نص الليل لا تسريبـك الأحلامـي
والجمل خايف تراقل في الطريق عظامه=مايبا يصبر على شمس النهار الحامي







مطلق الثبيتي =


والله انا مارجينا قرصكم ويدامه=والثبيتي ماتمنا ورثة الايتامي
جاك مسلم كل خلق الله تعرف اسلامه=لو ينام الذيب طرفه ساهراً مانامي





مستور العصيمي =

مالك الا ماش ياخشمً يطق اعرامه=قلت لاتغدي بك الضنات والاوهامي
ياعسى المسلم يكمل حجته وصيامه=مثل ماكملت قبله حجتي وصيامي






مطلق الثبيتي =


الحرامي لو سرقنا بندقه وحزامه=ان وقف ماعاد يجلس وان جلس ماقامي
بعضكم يومي براسه ماعليه عمامه=وانتم اللي تنقلون الصحف والاقلامي






مستور العصيمي =


الكذوب إلسانه ازين من لسان الشامه=سلعةً وسط الشرى والبيع ماتنسامي
البيوت انعزها وانتم لها هدامه=مار لاتومي بنبوتك يابو عرامي

[سعود العصيمي]

مطلق الثبيتي =

سلام ردية ٍ من هاجسي تنصى الرفيق الصدوق = اللي لياواعد العراف يحضر في مواعيدها.
بيني وبينك مشاكل حلها قدام لزم الحلوق = اخاف نجهل مع الجهال يامستور نزيدها.





مستور العصيمي =

يامرحبا ياهلا حييت ياراع الحصان السبوق = أنا مع اللي كماك اصدق ووردها مواريدها.
ماني براعي مشاكل مارلاتزهق ولاني زهوق = اللي مضت وان قضت يابن حميد ليش ترديدها.




مطلق الثبيتي =

ماني حريص ٍ على شقر العصا مابين برقا وروق = اتجوع شهب الذياب ولاتعشا من عجاريدها.
خلك سوات الذهب صافي وانا اشجعك في كل سوق = والناس مايحمل الضدات عنها غير اجاويدها.





مستور العصيمي =

شقر العصا مانباها خل عنك مخيلين البروق = والقاله الوافيه ياجب على الرجال تمجيدها.
لاتقطعون الحبال الوارده وإنّا عليكم حقوق = ماقول غيرالعلوم اللي علي اليوم توكيدها.







مطلق الثبيتي =

لاتستمع في مهندسة السوالف وارفع الراس فوق = محد ٍ يلوم الرجال الا لياطاعت مقاريدها.
جعل المطر يسقي الشجره ويبتل الورق والعروق = اللي علينا تمد اظلالها وإن نام في حيدها.





مستور العصيمي =

وليابغيت الصراحه ودنا نقطع يمين السروق = حتى نربي بها اللي تلتفت بالعين في سيدها.
ولياصفت نية الرجال مابيني وبينه فروق = اثني له الروح بالطيّب واحط الرجل في قيدها.

[سعود العصيمي]

مطلق الثبيتي=

ياقصر المرسلات اليوم صك الباب=قبل يدخل لنا عشريـن شيطانـي
ياعبدالله عليك الهينـات صعـاب=لكـن اتبـع طريقـي لاتعدانـي







عبدالله الميزاني=

ياقصر المرسلات الحق له طلاّب=عسى هذا يـروح يعلـم الثانـي
عسى ربي يكافينا من الاسبـاب=وعبدلـه عليـك تعلـق العانـي








مطلق الثبيتي=

سمعت الهرجه اللي جابها النقاب=سواليفن تفرق بيـن الاخوانـي
انا ماجيتكم سـارق ولا نهـاب=وانا ماجيتكم جايـع وضميانـي









عبدالله الميزاني=

انا مااقول الك صادق ولا كـذاب=على عد الروى تشرب ياعطشاني
مادام العلم حده مثل سيف ذيـاب=تجيك الوافيه من غيـر نقصانـي









مطلق الثبيتي=

انا ودي تشـب النـار ياشبـاب=وتطلع كل عـوداً فيـه دخانـي
انا كيف آمن الحيه واخوها الداب=لها عشرين ضرس وعشر نيباني








عبدالله الميزاني=

انا خابر وداري والسعد ماغاب=وصلتـك يالثبيتـي لاتباطانـي
ترى العاقل يحسّب للعلوم حساب=هذا راس الخبر والعلم قرحانـي








مطلق الثبيتي=

ليا ضريتني من يمحش المشهاب=ابا اسامحـك فـالأول وفالثانـي
ليا دسيت خصمي تونس المشعاب=ولو تزعل معك غامد وزهرانـي







عبدالله الميزاني=

ليا شبيت نار الحرب يالحـراب=طلع لك فالبلد مسلـم ونصرانـي
ترى بعض العلوم يجي لها مجناب=يبا يقنع ويرضى كـل زعلانـي

[سعود العصيمي]

مطلق الثبيتي=

وين العصيمي عقب عود بالسلامه = ابانشده عقب البطى والانقطاعه
الناس قالولي مربع في تهامه = يشرب لبن والسمن سايل مع ذراعه






مستور العصيمي=

يافكرتي يانكرتي مطلق علامه = انا ماغبت الا حوالي ربع ساعه
قام ايتلبس فالعقال وفالعمامه = وان ضاعت الثنتين مافيها شفاعه







مطلق الثبيتي=

بعد نحرت شعيل عطنا من سنامه = وانا ولد عمك واخوك من الرضاعه
الخير شايفله على وجهك علامه = علامة يفخربها شيخ الجماعه







مستور العصيمي=

ماعاد باقي من شعيل الا عظامه = عندك خبر لكن ماعندك قناعه
ماجاتنا الدعوى بضحكة وابتسامه = ماجاتنا الا يالثبيتي بالشجاعه







مطلق الثبيتي=

سبحان من ركبك في ظهر النعامه = وانته منول صايبك فجعه وراعه
الاوله جاتك وصفرك في حزامه = والثانيه ماعاد الك فيها طماعه





مستور العصيمي=

احسن من اللي لاشداد ولا مسامه = واليالقى له بشت والا ثوب باعه
الاوله لاعاد تلحقني ملامه =والثانيه عندك يابوفيصل وداعه

[فهد علي العازمي]

الله يرحمه بس ياليت تجمعون جميع محاوراته على اليوتيوب وتنزل هنا

[رجا بن فهيد الهاجري]

من افضل المحاوره بين صياف الحربي ومطلق الثبيتي

وموجوده في اليوتيوب ايضاً




صياف الحربي =
ياسـلام الله عليكـم عــد بــراق المخيـلـه=مثل بـراق المخيلـه يـوم تاتـي مـن بحرهـا
يـا عساكـم للمعـزه والسعـد فـي كـل ليلـه=يا هل الدار الشريفـه بالشـرف نسمـع خبرهـا



مطلق الثبيتي =
مرحبا بالشاعر اللـي يـوم اجيـه يلـز خيلـه=والعيون اللي تهود ان جيتها يطـول سهرهـا
والله انك شيخ يـا صيـاف تحكـم لـك قبيلـه=وانت تحما وجههـا لكـن مـا تحمـا ظهرهـا



صياف الحربي =
ما نجنب عنك لو السيـل جنـب عـن مسيلـه=مير طالع فـي سمـاك اضنهـا ينـزل مطرهـا
لو حكمت اربـع قبايـل وحـده جتنـي بحيلـه=وان بغيت احما قفاها صبـح تعطينـي نحرها



مطلق الثبيتي =
العمـا ولا العـور ولا العـرج مـا ينغزيـلـه=والحروب اللي ورا الحـره قنعنـا مـن ديرهـا
انت مـا دينـت ليـن أروحـت دخـان الفتيلـه=صكة الظلما عليـك وكيـف يطلـع لـك قمرهـا



صياف الحربي =
اكثـر العربـان يرميلـه بكلـمـه مستحيـلـه=ويتلمس لحيـة المسلـم وينتـف مـن شعرهـا
فالحجـاز ازهمـك واشرلـك بيمنـاي الطويلـه=وان وصلنا نجد تنزل وسط حفـره مـن حفرهـا



مطلق الثبيتي =
اجتمعتـو يالهنـود وكـل هنـدي جـا بفيلـه=الجبـال النايفـه مـاحـدن يطـلـع عسـرهـا
النميمه مـا تبـا تفـرق خليلـن عـن خليلـه=والعيـون الدعـج نكحلهـا ولا نلطـم نظرهـا



صياف الحربي =
اجتمعنـا ليلـة الجمعـه وليلتـهـا فضيـلـه=ثـم عمرنـا قصـورٍ قبلنـا محـد(ن) عمرهـا
انت عقب الهيل الاخضر ذوق طعـم الزنجبيلـه=لو تنوش الارض بالرجلين مـا ينشـاف اثرهـا



مطلق الثبيتي =
صاحبي صياف لا يزمر وانـا عـارف حصيلـه=نص قرش وربع قرش وعملتٍ مافتش صررها
والبعيـر اللـي يقـود القافلـه ماهـو دليـلـه=كل ما شاف الحواجـز تعتـرض قدمـه طمرهـا




صياف الحربي =
الثبيتـي يعـرف اللـي فالمعـانـد يرتكيـلـه=ميـر قولـوه يـدل ثبيـت لا يعمـي بصـرهـا
اترك المكيـال لا تقلـط علـى الحـب وتكيلـه=طير فـي طيـارت(ن) تقلـع ولا ينـزل كفرهـا




مطلق الثبيتي =
اعرف الشيطان من وجهه قبـل يومـي شليلـه=يوشـي الفتنـه ولكن غـاب عنهـا مـا حضرهـا
واليتيـم اللـي كسبنـا تركته منتـه وكيلـه=انت راع الحره اللي حرهـا يشـوي شجرهـا




صياف الحربي =
كل واحد له زميـل ولـو يجنـب عـن زميلـه=والجنـازه قبـل يحفـر قبرهـا محـدن قبرهـا
انـت تعرفنـا ليـا قمنـا مواطيـنـا ثقيـلـه=والحروب اهل الجمايل كل مـن جاهـا شكرهـا




مطلق الثبيتي =
اجتمعتـو وافترقتـو عقـب ماصـارت ذبيـلـه=الصبيه مـا تبـا الا واحـد(ن) يدفـع مهرهـا
عارفيـن الثـور يلـي تمدحـه بنتـه حسيلـه=والزيود اللـي ورا بيسـان مـا نشـري بقرهـا




صياف الحربي =
خلنا نعـرف حـروف اكتابنـا بهـون وسيلـه=وانت روح اقرا بكتبن كـل مـن جاهـا نشرهـا
ياكريم(ن) مـا تمـد الا علـى النـاس بخيلـه=والبخيـل اليـا لـزم يمنـاك فضـل ماكسرهـا




مطلق الثبيتي =
انـت ياصيـاف بالله روح عـن ناقـة كليـلـه=كل ما نجبـر عصانـا حضـك الاقشـر شقرهـا
يشرب الضامي من البحر الاحمر ما أروا غليلـه=وان عطوه الناس ليمونه على جرحـه عصرهـا


صياف الحربي =
لو خليتك واكلت الذيـب اخـاف أمـن الفشيلـه=يقطع الله زملـت اللـي عـودة تنبـش وبرهـا
لـو اسويبـك جمالـه منـت داري بالجميـلـه=وجه شر وكل ديره قمت تقلـب مـن حجرهـا




مطلق الثبيتي =
مقشر اللي يعترض له واحـد(ن) عابـر سبيلـه=لين جاته حذفت(ن) ما ضن يسلم مـن خطرهـا
لو تزيل اجبال حضن اطويق مـا تقـدر تزيلـه=كم واحد غيركم بعـض المكاسـب قـد خسرهـا

[عيدالعتيبي]

بيض الله جهك ياسعود

[أبو راكان]

صياف الحربي رحمه الله
الثبيتي كما شاف البحر يومي براسه...... والبحر لو شاف مطلق في الجبل مايلتفت له

مطلق رحمه
الثبيتي كل ماشاف الحنش بالرجل داسه.... وأن سمع له واحدا يهرج ويغلط ماسكت له

[فهااد]

زعل راعي الونيت وضاع له عشرين صاموله = يوم انه زعل واليا الفرامـل سلكهـا غـادي


= ================= = ويوم انه رضي واليا الفرامل سلكها غادي

[..أبوريناد..]

وهذه المحاورة جرت بين الشاعر مطلق الثبيتي رحمه الله وبين حبيب العازمي


حبيب


ياليل ياللي تجمع الأصحاب زاد النور نور= واللي سرى فالنور غير اللي معطل ماسرى

الليلة الملعبة رحىً تركب على الحق وتدور= أحد درى واحد يبي يدري لو انه مادرى


مطلق



ياليل ساعاتك فرح ياليل ساعاتك سرور= عز الله انه ليل صافي من ليالي ام القرى

الليلة المعنى كما اللولو تحت موج البحور= ماهو بحبة خردلة مدفونة تحت الثرى


حبيب



هبت هبوب الريح دار الوقت طيرلاي ياطيور= ماعاد باقي في غصون الراك ظل ولا ذرى

الله يبارك فيك يامطلق على الدنيا صبور= والمعرفة لأصحابها والسوق بيع ومشترى


مطلق



لا والله الاّ ياحبيب صرت حفار قبور = نبي نقدم سومها وانته ترجعها ورى

لا تشعل النيران حتى كل مدفاع يثور= ياشينها لو طحت في نعمان من عالي كرى


حبيب


ماهي غريبه منك لو ترقص على دق النجور = لكن فيما فات يامطلق هذه حد البرى

والله لاولعها عليكم لو يضيقين الصدور= مير الوعد في اليلة الاثنين وعيونك ترى


مطلق



انتم جماعتنا ولا فيكم خلاف ولا قصور= لكن قمتوا تشحذون الغرب والغرب انفرى

الفتق عندي ميسمه والعين جبت لها الذرور= والميسم احمر ياطويل العمر والكحا أحمرا


حبيب



حنا جماعتكم لكن انتم دخل فيكم غرور= تبي تسقُّون المزارع من حليب الفطرا

ياللي تشيل الكحل والميسم ترى سد النحور= عندي لياشفتك خلطت الابيضا وبالاسمرا


مطلق



حنا صبرنا ياحبيب من قديمات العصور= ياللي تبيعون البصل والثوم في شارع حرا

يالحمةٍ قامت من البارح تفيح ابها القدور= ان جيت اباكل منك والله ماطعمك ضرا

[محمد الذيابـــي]

موضوع يستحق الاشادة


مشكور ياسعود

[لافيزي]

بيض الله وجهك ولا هنــــت

[ابراهيم الحيسوني الحربي]

تسلم ايمانكم

موضوع يخنق العبره

واعنقد والله اعلم ان المحاوره سلاطينها وحكامها


مــــــــــــــــــــــــــــــــــطــــــــــــــ ـــــــــــــــــــــلــــــــــــــــــــــــق الـــــثـــــبــــــــيـــــــتـــــــــــــــتـــ ــي


صــــــــــــــــــــــــــــــــــيــــــــــــــ ــــــــــــــــــــــــــــــــــــــــــــــاف الحـــــــــربــــــــــــــــــــــــــــــــــــ ـي

[مهجرس]

هذه المحاورة من افضل المحاورات و هي للشاعرين القديرين/ صياف الحربي و مطلق الثبيتي


مطلق الثبيتي

ياسلام الله على اللـي مايخونـون الأمانـه
يسهرون الليل والعالم من الراحـه رقـودي

يعدلـون ويصدقـون ولايعرفـون الخيانـه
حاكمن شعب الكويت وحاكم الشعب السعودي



صياف الحربي

مرحبا بالمسلم اللي لـه قوانيـن وديانـه
وأنت جندي لخو مريم والفهد ذخر الفهودي

ياطويل العمر مايصلح شجيع بـلا ذهانـه
واحدن ماله ذهانـه لايسـوق ولايقـودي


مطلق الثبيتي

الحريبي لو لقاله واحـدن يقطـع لسانـه
ماتغزل في بنات الهند سمحات الخـدودي

مادرى راشد محارب يوم يسرج في حصانه
كنه الفارس يبا يغزا النصارى واليهـودي


صياف الحربي

ياعتيبه قولوا لمطلق يمرح فـي مكانـه
مايدافع عن بنات الهند ياغير الهنـودي

خل بن سرحان يقضي حاجته بأول زمانه
الشباب اليا أنهزم ماعاد للمسلم يعـودي


مطلق الثبيتي

أعجبك صوت المغني يوم دق الاسطوانـه
مار لاترقص عليها وأنت قرد من القرودي

أنت لو أنك صغير ذقت مـس الخيزرانـه
مار شفتك عود مابك فود جعلك ماتعـودي


صياف الحربي

والله اني لمسك احلوق العرب كيـد ولعانـه
والرصاصه من حزامي والشراره من زنودي

وأنت عينك يالثبيتي مثـل لـون البرتقانـه
مثلها هاك السنه صفرا ماتنقص ماتـزودي


مطلق الثبيتي

لايغرك واحدن خداع لـو أبـدى ثمانـه
الرماح أطول رموشه والصواريخ النفودي

وأنت حربي من رجالن مايعرفون الرطانه
مار لاترطن ولو حطوك من تحت اللحودي


صياف الحربي

أنت ذيب ولك سنون ولك تحت بطنك بطانه
ماتعشا من كبار الروس يالذيب الرقـودي

الحروب أخذوا فلان وسلموه أمـه فلانـه
اسمع الكلمه ولاتجحد ترى عندي شهودي


مطلق الثبيتي

واحدن قلبك يحبه ماتفق شاني وشانـه
والغنيمه دسها تحت العباه أم اللبـودي

الثبيتي في مكانه ماتحرك عـن مكانـه
وأنت نارن طالعن دخانها من كل عودي


صياف الحربي

يصبح الصبح وتبين الشمس وتطير السمانه
وانت طيرن مانبتلك ريش والوقت محدودي

[(مہودع دنہيأهہ)]

الله يرحمهم ويغفر لمن مات ويطول بعمر الحي.




والله يعطيك العاافيه ياسعود على الطرح الراائع عن هرم المحاوره مطلق الثبيتي ويعوضنا فيه ولاهنت.



تقبل مروري :وننتضر جديدك


اخوووووووك