مكتبة تحتوي على مقتطفات من محاورات الشاعرالكبير/ رشيد بن زيد الزلامي العتيبي

[سعود العصيمي]

مكتبة تحتوي على مقتطفات لشاعرنا الكبير/ رشيد الزلامي وسوف اضع مااجده من محاوراته بهذه المكتبه


رشيد الزلامي وشليويح المطيري





رشيد الزلامي =

من على هـذا المكان اللي يشعشع نـوره=أسـسه عبد العزيـز وعمره سلماني
ياسلام الله على أهـل الديـره المعموره=يـامعـازيبـي وياربعي وياصدقاني







شليويح المطيري =

موقعٍ فيه الشرف والعـدل ياخـذ دوره=كـل ماغـلقـت قافـك جاك قافٍ ثاني
مرحبا باللي ليامنه رسـم له صـوره=صـورةٍ فيها الخطر بإسـم الله الرحماني






رشيد الزلامي =

إتجه للغرب وأحـوال العرب مستـوره=ماقـراه الغـامدي علم بـه الزهـراني
لقمة الهندي كبيـره وقطعت حنجـوره=لو أترجـم قصـة الهنـدي قطعت لساني







شليويح المطيري =

إتجه للغـرب وإقـر اللي على السبوره=ثـم دور للطبـيب مـداوي المرضـاني
وأقضب الخط المقابل ثـم أخذلك دوره=والله اللي يفـرق المسلم عـن النصـراني







رشيد الزلامي =

ياخـويانا لاتصير أفكاركم محصـوره=كل عـود يصيـر له شعلـه وله دخـاني
أنته الليله عوج وأعوج من الباكوره=وأنـت رأس غليس وأنت الصاحب القوماني








شليويح المطيري =

والله إنـا مانعصيك العصا المكسـوره=والمفـتـح مايعيش بديـرة العميـاني
يالزلامي لاتجيـب العملـه المقبـوره=عـوجتـي مانتـه معدلهـا ولاتبـلاني








رشيد الزلامي =

أنت ساكن في محـلٍ ماتطيـر طيوره=شـد عـن هـذا ودور لك محـلٍ ثـاني
لو خليـت الجمل يبـرك عليك بزوره=كان بـن شلاح يـذكـرنـي ولاينسـاني








شليويح المطيري =

قـاعـدٍ لي في مكانٍ ماتشـيـن زهوره=وأنـت خلصت العشـاء وأقـرعت بالقدحاني
لو لحقت الوقت الأول ماعرفت عصوره=جـدك اللي باعـهـا بالعـرف مـع جـداني

[سعود العصيمي]

رشيد الزلامي =

على خيرة الله جيت اعلـم واريـد علـوم=واخيّـل سحابـه يجهـر العيـن بارقهـا
وانا اشوف بالقمه تكاشف سبـور القـوم=خلـف يجمـع القـود ومطلـق يفرقهـا








مطلق الثبيتي =

عسى خير ياطيرٍ علينـا كسـرت الحـوم=نبا نعـرف الساعـه ونحسـب دقايقهـا
انا ما اعرف الظالم وانا ما اعرف المظلوم=ولا شفت نور الشمس مـن يـم مشرقهـا







رشيد الزلامي =

غزيت امس يامطلق وحنا غزينـا اليـوم=لكنـك تسابـق كـل غـزوه وتسبقـهـا
وانا لو ابيح بسر فـي خاطـري مكتـوم=أظنـك تشـب النـار والنـاس تحرقهـا








مطلق الثبيتي =

ليا مـات منكـم واحـدٍ قلـت يامرحـوم=ومـن يسـرق العربـان لابـد نسرقهـا
تراك البلا والشـر يالفيـل أبـو زلّـوم=تسـوق المطيـه ليـن ذابـت مطارقهـا







رشيد الزلامي =

انا لو اطيعك مابقي فـي سمـاك نجـوم=الـك نـيـتٍ فالـكـون ودك تحققـهـا
على الحر الاشقر دايـم عفشكـم محـزوم=ولك بنـدقٍ فـي راس كـورك معلقهـا







مطلق الثبيتي =

يروح النميري مير مايتـرك الخرطـوم=ومن يعـرف الخرطـوم لابـد يعشقهـا
انا كيف ابا اصبر فوق ريح البصل والثوم=وابا اروح عن بعض المشاكل وافارقهـا







رشيد الزلامي =

انا خابـر قلبـك معلـق باخـوك التـوم=تطير الطيور وصبـح ترجـع وتلحقهـا
تحاول على صم الصفا تخلـق المعـدوم=واذاعتـك لـو جابـت نبـا ماتصدقهـا






مطلق الثبيتي =

ترى العود مايصبر على الفاس والقـدوم=لكـن الثيـاب الضافـيـه لا تشققـهـا
يميع اللحـام وينقطـع سلكـك الملحـوم=وتركب على ظهـر السفينـه وتخرقهـا






رشيد الزلامي =

ليا صحت ولا نحت مالك عـن المقسـوم=لعلـه سفـر وارد عـراوي وسايقـهـا
بعد جبت لك سمن وعسل جبت لي جرثوم=وسلعـه تجمركهـا وسلـعـه تفرقـهـا







مطلق الثبيتي =

انا لي هدف فيكم ولي دربـي المرسـوم=ابصبـر عليهـا ليـن تبـدي حقايقـهـا
زرعت النخل واسقيـه لكـن عـوّد دوم=بعـد ضايقتنـي ياعسـى الله يضايقهـا

[سعود العصيمي]

محمد السناني =

هل الطايف عرب منهم تسلسل يوسف الحاج=اجنشرله في بلاد الرافديـن ابيـات مشهـوره
رشيد الله يبـارك فيـه ماحصلهـا مخـراج=وصاحبنا دخيل مافـرق بالاصـل والصـوره








رشيد الزلامي =

طردنا يوسف الحجاج وانته تبغـي المنهـاج=بعد ساعه يبي يضحك عليك مشجع الكـوره
تعبنا يالسناني مـا لقينـا للمريـض عـلاج=اثر بعض المرض يتعب دمرجيـه ودكتـوره





محمد السناني =

ترى التاريخ فيه اثبات ماهو هرجة الهـراج=وأضنك ما دخلته غير بعد عيال اخـو نـوره
منول يالزلامي في يداك الوضع مـا يحتـاج=وهالحينه وراك تدور مستشفـى وشرشـوره







رشيد الزلامي =

ترى التاريخ واضح في زمان الفتح والمعراج=أخذنـا حقنـا وانتـم بعـد يبغالـكـم دوره
تهاوشتوا على مغراف فول وخبزتن في صاج=عجز يقنعكم الشيخ الكبير ومجلـس الشـوره





محمد السناني =

كفو ياصحابنا قـدام ذاك الخـط مـا ينعـاج=وهالحينه من البحر الحمـر ينبـل حنجـوره
حضرت الهوشه الكبرى وقمت تراقب الابراج=لكن شوري عليك تخلي الاوضـاع مستـوره






رشيد الزلامي =

عسى ربي يعز الشمعه اللي نورهـا وهـاج=ويعين اللي من البحر الحمر مدلك ماصـوره
مدام البر جاك من اليمـن والتمـر بالافـلاج=لا تطمع في هذيك الصره اللي عنك مصروره






محمد السناني =

نقول الله يديم اللي وجـوده فالليـال سـراج=يسدد عنك فاتـوره ويلغـي عنـك فاتـوره
تجمعتـوا ثـلاث ايـام فالطيـاره الميـراج=وكبتنها غشيـم ورحلتـه ماهـي بميسـوره







رشيد الزلامي =

على كلمتك هذي مستحقن نجمتيـن وتـاج=لكن تقص روس النـاس لواعطـوك دبـوره
انا والله مبيلك بين خلـق الله غثـا واحـراج=لكن انته حدى الركـاب والاحـوال مستـوره

[فهد رشيد الزلامي]

لا هنت
وبـــيـــض الله وجهك

تــحيــاتــي

[محمد العبيدي]

ماقصرت يالعصيمي ورشيد يستحق الكثير

شاعر عتيبه الأول ..

[محمد العتيبي11]

نعم ابو جميل يستحق الكثير





ولك الشكر

[سعود العصيمي]

رشيد الزلامي =

مرحبا في ملتقى الهيلا عزيزين المباني = عد مانشّى السحاب وهل وبله من خياله.
كل ماحاولت اغني صار عندي راي ثاني = والعصمي كل مايطري له الطاروق قاله.






مستور العصيمي =

مرحبا بك يالزلامي وانت رجال المعاني = ودي اخذ غترته ياربعنا والا عقاله.
لن بعدت اتقول وينه وان قربتك ماتداني = والعصيمي مايغشك وانت واحد من عياله.







رشيد الزلامي =


ياعتيبي قلت اخف الك المطر والا السواني = ماراظنك ماتشوف من السماء كبر البياله.
ربي انك لاتواخذني بكلمة من لساني = لو ابوي من العرب مستور خليته لحاله.






مستور العصيمي =

شد حيلك يالزلامي مانبا غير السماني = بيع والا مشترا كل ٍ يسده راس ماله.
انت مثل سهيل يطلع من زمان إليا زماني = باقي الايام وين يروح مدري وش جراله.







رشيد الزلامي =


تسبر القطب الشمالي تسبر القطب اليماني = بارك الله في شعيل اليابرك للحمل شاله.
مالكم من عندنا غير التحية والتهاني = اشهد ان الشايب اللي مات ماماتوا عياله.







مستور العصيمي =

تتهمني وانت اعوج من حنايا الخيزراني = والشكر لله وحده ثم لاصحاب الجلاله.
يالزلامي في مكانك لاتجيني في مكاني = والكلام اللي يدور اعرف حرامه من حلاله.

[سعود العصيمي]

محمد السناني =

ياسلامـي عليكـم بالتـظـام الجـديـد=والريـاجـيـل مايهتـزمـقـدارهـا
الحنتاتيـش لاغـاب الزلامـي رشيـد=يم قبـر العطـاوي تلفـت أنظارهـا





رشيد الزلامي =

مرحبا وأنت ضيفٍ جاينـا مـن بعيـد=عند ربعٍ تشـب النـار مـن نارهـا
إترك النـاس لوتـروح واحـد وحيـد=والقنـاوات لاتاخـذ مـن أخبـارهـا




محمد السناني =


البقايالزلامـي مـن هــو المستفـيـد=كان طاحت كبار القـوم واصغارهـا
وانت شيخٍ من الروقـه وباسـك شديـد=صافح شيوخ برقى طالـت اعمارهـا







رشيد الزلامي =

مايضد الحديـد الصلـب غيـر الحديـد=وانـت مالـك بمدخلهاومضهـارهـا
كان ودك تمادى فـي العـذاب وتزيـد=سوقها لين تبـرك بـك علـى زارهـا






محمد السناني =

رأس ابو زيـد يبكـى والفقيـد الفقيـد=علـم أصحابنـا لاتخـرب شعارهـا
عشت وانت وحيد وموت وانـت وحيـد=خطتـك شيلهـا لاتكشـف اسرارهـا








رشيد الزلامي =

انت وشلـون جبـت السالفـه ياعنيـد=جبتهـا مـن يميـن الدارويسـارهـا
يفعـل الله بخلقـه مايحـب ومايـريـد=فالعرب شر واجهينـه مـن اشرارهـا








محمد السناني =

الكتـاب الموثـق والـكـلام الأكـيـد=قالـو البورصـه مختلـه اسعـارهـا
انت اضنك تقـول فراقهـم يـوم عيـد=الله اكبـر علـى الحفـره وحفارهـا







رشيد الزلامي =

كـل ماقلـت شيطـان العروبـه يهيـد=جتك بنـت الحـرام تـدق مزمارهـا
وان رميت السهم مدري السهم وش يصيد=جعلهافـي بعيـر القـوم وحمـارهـا