طلال ناشي .

[زبن الجعفري العنزي]

مساء الخير يابن ناشي متى مافضيت نبي نستفيد منك





ياسلام الله برده من هجوس وايليه=تغسل اللي ذمته تال الليالي ماغسلها

الحمول الكايده تبغى لها جمال ٍ قويه= يوم حطوها على المفرود عيّا يحتملها

[طلال ناشي]

الفايده لي طال عمرك

والوعد القابله

[زبن الجعفري العنزي]

على خير ان شاء الله

[طلال ناشي]

مرحبا عقب السلام وعقب ردينا التحيه = كل كلمة تستحي منها ليا غنيت قلها

من زمان العام وأنته تدري أن النار حيه = أنشد اللي حافها يارع الجدعا وكلها

[سـعـد الـعـصـيـمـي]

الله
الله الله

بداية تنبئ بمعركة حامية
" صحت السنتكم "

[رفيع المنزل]

صحت الالسن وبصف راع الجدعا


ولايهون ابن ناشي

[زبن الجعفري العنزي]

البقا والله يبارك في زمان العنصريه=يكذب اللي قال بان الناس تجزى في عملها

منتج الافلام لولا غلطته مافيه زيه=الف القصه لكنه للاسف !! حطك بطلها

[زبن الجعفري العنزي]

سعد العصيمي


رفيع المنزل


صحت ابدانكم و شرفنا حضوركم

[طلال ناشي]

ذمتي من ذمتك ياراعي الذمه بريه = لو ديار القوم ماظمتك شفتك في بدلها

أنت وش محرق حصاتك ياوليد الوايليه = مخرجي ماحطك الناقه ولا حطك فحلها

[طلال ناشي]

سعد العصيمي ... صح بدنك طال عمرك / رفيع المنزل ... مرحبابك والصف يزهابك

[زبن الجعفري العنزي]

العسل عند النحل موجود في وسط الخليه= كم خليه يوم جيناها خذينا من عسلها

انت اظنك ماتميز فالرباعه والثنيه= لو تلد الشور للمخرج علومك ماقبلها

[أخو جوزا]

الله يعين المخرج


صح لسانك يالوايلى ويابوناشى

[زبن الجعفري العنزي]

اخو جوزاء


صح بدنك ولاهنت

[طلال ناشي]

لو تساويني على هذي مبي منك سويه = والعلوم اللي تحسك ماهيب ألك ولانت بلها

السوالف من طرفكم ياعنزي ماهي بليه = والعنوز اليا زعلت ماني بناشد عن زعلها

[طلال ناشي]

الله يعين المخرج


صح لسانك يالوايلى ويابوناشى


ههههه

الله يعين الجميع

صح بدنك ياخو جوزا وشكراً لمرورك المشرف

[زبن الجعفري العنزي]

حكمةٍ قد قالها كريم ولد عمي وهيّه=(الغشامه عند اهلها والمعرفه عند اهلها)

كيف نزعل منك وانته شخص مجهول الهويه=قسمت الله ذقت ليه لقمة ٍ كلٍ تفلها




صح لسانك

تشرفت باللعب معك والى اللقاء

[طلال ناشي]

صح بدنك يارع الجدعا

ولاهنت