ياحاكم ساعة مزوح واقرب لاتروح !!

[سحيم العصيمي]

صبحت بالخار :)



الليله الدعوى مقابس شيل ابوك وحط ابوك=والظاهر ان نهاية الدعوى يموتون اربعه

لكن حاكم وش بقى له من دراهم فالبنوك=من عقب أخذله بنز يمكنه يبيع الدردعه

[ورقان]

انتم علامكم يالعصمه على حاكم

مايسير الكلام هذا :)


وتراه ماهوب ازين لكم ههههههه

[سـعـد الـعـصـيـمـي]

هههههههه

حي ابو ظيف الله وليلن جابه
صح لسانك انت وحاكم
متابع

[سحيم العصيمي]

اررررحب ياورقان


ولاتخاف على ابو عيد يالله الخراج منه :)

[سحيم العصيمي]

ومن قال إيحيااااا يابو مطر


مرورك شرف ياريس :)

[حاكم الغنامي]

ارررررررررحب يابو ظيف الله







الليله الدعوة تراها جد مافيها ضحوك =متولمينٍ من عصير وكل رجل بموقعه
اما خذيت القوم ولامالوا القوم وخذوك =هذا ترى علم الحقيقه والحقيقه موجعه

[ناصر الجلاه]

..

سحيم العصيمي


..

صح لسانك يابن العم ولازم نحاكمك فالغياب :)

وصح لسان ابوعيد

وانا ابتنازل عن طاروووقي لسحيم

واصلوووا متابعين

دمتم

..

[فهيد الايدا المورقي]

هذا والله قبس الفتيل

سحيم العصيمي

حاكم الغنامي

صحت السنتكم


طاروق حامي وانا في صف خالي ولد غنام ولايهون العصيمي


تحيتي

[حاكم الغنامي]

ارررررحب اررررحب


ياورقان ياخي انت الوحيد اللي فاهمني هههه

[حاكم الغنامي]

اررررحب اررررررحب

يابو مطر


وصح بدنكـــ

[حاكم الغنامي]

اررررررحب اررررحب يابو محمد

نوررت المتصفح


لاهنت

[حاكم الغنامي]

ارررررحب يابناخي الايدا ارررحب



الصف يزهابك يالذيب


منورنا يالبناخي


لاهنت

[سحيم العصيمي]

الله الله

:)



يالطيب اللي شلت لك مشعاب والناس احشروك=عود على الحب المنقا في بلادك وزرعه
انته تعديت الحجاز ورحت تنشد عن تبوك=وليا نشدتك ليش قلت اسعى واحب اهل السعه

[سحيم العصيمي]

ارررررحب يابو محمد يالله حيه

ولاتواخذني شفت حاكم وجيت مدرعم ههههههه :)

[سحيم العصيمي]

اررررحب يابناخي الايداء حي هالاسم وراعيه


شرفتنا يالغالي :)

[حاكم الغنامي]

انته رمعت بوحده مع دربها الناس لزموك=اليا زرعت الزرع مابه شخص غيري يقلعه
اهم حاجه في حدود الدار وبلاد الملوك =ان سندت لم القرى وان حدرت للمجمعه

[سحيم العصيمي]

الله الله


:)



العلم واضح وانت لاترضى بتجريح السلوك=ياليت من وصلك التيار بكره يقطعه


العام ماحولك شكك واليوم من حولك شكوك=ماباقي الا تنطح المسلم بخشم امدرعه

[حاكم الغنامي]

الله الله



لاوالله الا ملكنا مثبوت بشهود وصكوك =لوكانت الدنيا على قولك تبادل منفعه
لاتفرح بشوفة جمال عقيل في المفلا بروك =ساعة زمان وتنهض بحمل الثقال وترفعه

[رعد الروقي]

موت اربعة وحقايق موجعة



والله يستر




صحت افكاركم يا كباتن



ابدااااااع من مصادره

[حاكم الغنامي]

حيالله رعد


منورنا ووصح بدنكـــــــ


لاهنت على المرور

[سحيم العصيمي]

الله الله


:)



راع الحجاج الطلق ماهمه لسانك يالنموك=سولف وعبر عن شعوراً في ضميرك تجمعه

حنا نعرف ان الجماعه كبروك وصغروك=واثرك مصيف و الجمال مصيفه ومربعه

[سحيم العصيمي]

اررحب يالعمده ارررررررحب


افرع افرع بيننا :)

[حاكم الغنامي]

لوجيت بالهرج الصحيح اقولك لافض فوك =لكن اظن السالفه من عام وهي منقعه
الله يبارك في رجالٍ بالسفينه ركبوك =خله يفيدك طيرك اللي ماتوطي برقعه؟

[سحيم العصيمي]

الله الله


:)




دام النوايا طيبه واعطيك وانت تقول دوك=نترك دروب الشر ولا الخير دربه نتبعه


اللي وصلني عنك مجرم فالبلد زراع شوك=ترمي رصاصً مايصيب الذيب لكن يفجعه

[حاكم الغنامي]

اهل الحفاوه ماتخالف والضيوف ليا لفوك =لاتغلط بماجوبها وتقول غلطة مطبعه
الا على طاري الرماه اللي قبل مده رموك =اما ارمهم ولا سلاحك يالعصيمي رح بعه

[سحيم العصيمي]

هههههههههههههه



مافيك حيله يابو عيد :)

مُبدع

وصح السااااااااااااااانك وبيض الله وجهك شرفتني باللعب معك


وان شاء الله نتقابل على خير


والشكر موصول لجميع من شاركونا

[حاكم الغنامي]

بيض الله وجهكــ يابو ضيف الله


الشرف لنا باللعب معك
والاستفاده لناااااااا

وصح لساااااااااااانكـــــ



ولابد من يومٍ يقربك منا

ههههههههههههههههه

[سـعـد الـعـصـيـمـي]

سحيم العصيمي



الليله الدعوى مقابس شيل ابوك وحط ابوك=والظاهر ان نهاية الدعوى يموتون اربعـه
لكن حاكم وش بقى له من دراهم فالبنوك=من عقب أخذله بنز يمكنه يبيع الدردعـه


حاكم الغنامي



الليله الدعوة تراها جد مافيها ضحوك=متولمينٍ من عصير وكل رجل بموقعه
اما خذيت القوم ولامالوا القوم وخذوك=هذا ترى علم الحقيقه والحقيقه موجعه


سحيم العصيمي



يالطيب اللي شلت لك مشعاب والناس احشروك=عود على الحب المنقا فـي بـلادك وزرعـه
انته تعديت الحجاز ورحت تنشـد عـن تبـوك=وليا نشدتك ليش قلت اسعى واحب اهل السعه


حاكم الغنامي



انته رمعت بوحده مع دربها الناس لزموك=اليا زرعت الزرع مابه شخص غيري يقلعه
اهم حاجه في حدود الدار وبـلاد الملـوك=ان سندت لم القرى وان حدرت للمجمعـه


سحيم العصيمي



العلم واضح وانت لاترضى بتجريح السلوك=ياليت من وصلـك التيـار بكـره يقطعـه
العام ماحولك شكك واليوم من حولك شكوك=ماباقي الا تنطح المسلـم بخشـم امدرعـه


حاكم الغنامي



لاوالله الا ملكنا مثبوت بشهود وصكـوك=لوكانت الدنيا على قولـك تبـادل منفعـه
لاتفرح بشوفة جمال عقيل في المفلا بروك=ساعة زمان وتنهض بحمل الثقال وترفعه


سحيم العصيمي



راع الحجاج الطلق ماهمه لسانك يالنمـوك=سولف وعبر عن شعوراً في ضميرك تجمعه
حنا نعرف ان الجماعه كبـروك وصغـروك=واثرك مصيف و الجمال مصيفـه ومربعـه


حاكم الغنامي



لوجيت بالهرج الصحيح اقولك لافض فوك=لكن اظن السالفه من عام وهـي منقعـه
الله يبارك في رجـالٍ بالسفينـه ركبـوك=خله يفيدك طيرك اللي ماتوطـي برقعـه؟


سحيم العصيمي


دام النوايا طيبه واعطيك وانت تقـول دوك=نترك دروب الشر ولا الخير دربه نتبعـه
اللي وصلني عنك مجرم فالبلد زراع شوك=ترمي رصاصً مايصيب الذيب لكن يفجعه


حاكم الغنامي



اهل الحفاوه ماتخالف والضيوف ليا لفوك=لاتغلط بماجوبها وتقول غلطـة مطبعـه
الا على طاري الرماه اللي قبل مده رموك=اما ارمهم ولا سلاحك يالعصيمي رح بعه



نيابة عن ابو طايل


وصحت السنتكم يا أساتذة


:)

[سحيم العصيمي]

:)


ماعليك زود يابو مطر ولاخلا ولاعدم يالامير


الف شكر

[عيد العازمي]

الله الله


ياسحيم وحاكم ديربي الكبار


صحت السنتكم

متأخر لكن لغرض الاستفاده اتيت هنا

[سحيم العصيمي]

ارررحب يابو طلال ارررررحب ومرورك هو الفائده يالامير


سجل إعجابي بالتوقيع والتنويه :)