لين احطه على جنبه واقص المذكى(الجذع)

[ورقان]

مساءالخير يالجذع وان كنت حاضر اقرب نبي تعلم منك




ياسلامي سلامٍ من سما الله سهومه =لوينوش الجبل دكه على الارض دكا
الجذع بعد جيته لايغير علومه=لين احطه على جنبه واقص المذكى

[حاكم الغنامي]

ههههه


طيب طيب


ياورقان والله منت سهل


صح لسانك وصح لسان شاعر بني عساف


متابع

[سلطان الجـذع]

,,
,


عافيه مار ليت الجو تصفي غيومه = بعد ابو زيد شرّف فالمنصه وتكا!!
كان ورقان يحلم لاتغره حلومه = لو يوقع على راسه يروح يتشكى!!

[راع البيرق]

طيب طيب ... صحت الالسن

مبدعين لاهنتم

[ورقان]

بالرشاوي كسر قرشك قرار الحكومه=وابو زيد الغني يحرم ولو معه صكا
يوم ادق الصفا بالسيف بانت ثلومه=والجذع في الخلا على عصاه يتوكى

[ورقان]

ههههههه

طيب ياحاكم

ايه مانيب سهل

وهذا من فضل ربي

[ورقان]

راع البيرق


صح بدنك

[سلطان الجـذع]

,,
,

:)



مايجي في مواكير القرانيس بومه = كلمة تغني عن الحكي واللي يتحكى!!
كنت ليلٍ يعيش مدور الخير يومه = وصرت بابٍ ورى بيت العرب مايصكى!!

[ورقان]

هههههههه بدون زعل خذ وتراني مالعنت ماغير اقول نعنبوهههههههه




فيه يامشبرق الجنحان يلحقك لومه=نعبو من غذاك ونعنبو من شبكا
كنت ليلٍ على راسك تهاوى نجومه=والصحيح ان راع السايمه ماتزكى

[ناصر الجلاه]

..

ورقان .. سلطان الجذع

..

ياسلام طارووق فايف ستار من البدايه

صحت السنتكم

واصلوووا

متابعين

..

[ورقان]

حضورك يالجلاه يكمل النجمه السادسه:)

[ناصر الجلاه]

حضورك يالجلاه يكمل النجمه السادسه:)


هههههههههههه << ماقريت شي :)

[سلطان الجـذع]

..
.

الله الله


أخذها وانت ساري بالختوم مختومه = حملتك ياجمل من ريبٍ وشكا!!
يوم سويت للحكام عندي عزومه = كنت اوصيهم بتطهير حيفا وعكا!!

[ورقان]

ههههههه


لوتعذل على قلبك تطارد همومه=كل ما اخفيتها تكت من الحلق تكا
مالك الله يجيك اللي يشرف قدومه=مارقلط على سفرتك حكام دكا

[ورقان]

هههههههههههه << ماقريت شي :)


هههههههه

نيتي زينه والا لو انها شينه قلت 53

[سلطان الجـذع]

..

ليا منا تمادانا ترانا كلنا مخطين :) ...

صح لسانك يالذيب وبيض الله وجهك ...

[ورقان]

هههههههه

صح لسانك يابوعبدالله

ووالله لو مانت بشاعر ماطلبتك ولامزحت معك

وحنا في مجال لعب

وماننطق به مهما كانت حدته لايخرج عن دائرةاللعب والمزح

تصبح على خير والف شكر على قبول الدعوه:) يابعدي