عبدالله بن طلال
22-Jun-2010, 06:28 PM
تواصليه
عزّي لرجالن ليا قيل رجال = ليته رقد ماقال ابا اكتب قصيده
قصيدته حياّ الله وكيف الاحوال = تصويرها مسبوق ماهي جديده
ويقول انا شاعر واغنّي بموال = وسط المجلّه صورتي والجريده
حتيش يارجّال قدامك إرجال = يدرون والمكتوب واصل بريده
لكن على ماقيل في بعض الامثال = مافيه اخير من الوطن والعقيده
وانته شعورك متجّه يمّ الازوال = اليوم(مي ) وعقب بكره ( فريده)
ياهيه .. لاتشكي على العالم الحال = حالتك معروفه وعلّتك اكيده
ان كنت شاعر طيّب الصّيت والفال = خلّك مثل عنتر شجاع و وليده
في ساعة الكربه يقول الف حلاّل = يولّع الدنيا وتصبح وقيده
وفي ساعة الهدنه يجي له على البال = حاجه لكن عن غايته ماتحيده
والرّجل مايحدّ نفسه على الجال = مادام له عمّ وخوال وبديده
خلك مثل شيهان صقرٍ ليا مال = بجناحه الايمن يحطّم ضديده
ومافيك قاصر غير ترديد الاقوال = ولا ردّد الاقوال غير البليده
عزّي لرجالن ليا قيل رجال = ليته رقد ماقال ابا اكتب قصيده
قصيدته حياّ الله وكيف الاحوال = تصويرها مسبوق ماهي جديده
ويقول انا شاعر واغنّي بموال = وسط المجلّه صورتي والجريده
حتيش يارجّال قدامك إرجال = يدرون والمكتوب واصل بريده
لكن على ماقيل في بعض الامثال = مافيه اخير من الوطن والعقيده
وانته شعورك متجّه يمّ الازوال = اليوم(مي ) وعقب بكره ( فريده)
ياهيه .. لاتشكي على العالم الحال = حالتك معروفه وعلّتك اكيده
ان كنت شاعر طيّب الصّيت والفال = خلّك مثل عنتر شجاع و وليده
في ساعة الكربه يقول الف حلاّل = يولّع الدنيا وتصبح وقيده
وفي ساعة الهدنه يجي له على البال = حاجه لكن عن غايته ماتحيده
والرّجل مايحدّ نفسه على الجال = مادام له عمّ وخوال وبديده
خلك مثل شيهان صقرٍ ليا مال = بجناحه الايمن يحطّم ضديده
ومافيك قاصر غير ترديد الاقوال = ولا ردّد الاقوال غير البليده