كحيلان موحد القبايل

[ناصر الهواوي]

الى اعضائ ومرتادي هذا الصرح الشامخ هذة الابيات التي تتكلم عن وحدة قبيلة عتيبه
وانهم يد واحدة واخوة متكاتفون على الحق لايقبلون بكائن من كان ان يسيء الى هذا التلاحم بكلمة واحدة ولكن تذكرت تجمعنا في السر وكتبتها
ومعذرة عن ما يقل عن المستوى












الاخوة الاعزاء قصيدة تعبر عن نفسها

هذا بعد السلام عليكم ورحمته وبركاته واسعد الله ايامكم ولياليكم

البارحة حين ارتفع صوت الاذان=وقال الصلاة افضل من النوم ويعيد

لها . تحرك داخل القلب الايمان=وفزيت اناجي مبدي الخلق وامعيد

يا طول ليل اللي من الهم سهران=يطالع الساعة امرار وتراديد

وانا بفضل الرب ما كنت وجعان=ولا اسهر لذكرى ناقضات العجاريد

ولا ادكر عليِّ لاحدٍ من الناس سلطان=له دين اماطل به بكثر المواعيد

لكنه اطربني من الشعر قيفان=تنقص عن العشرة ولا ظني اتزيد

من شاعرٍ وافي ولا فيه نقصان=وحبيت اوكد كل ما قال توكيد

ما خف احط بكفته زود رجحان=وما تم ابارك له بمعناه وازيد

وانا اعرف انه يمتلك فكر ولسان=ويلقف إلشرّدها مع الصبح ويصيد

وانا ما الومه فطرته فطرة انسان=لا عيدوا ربعه يشاركهم العيد

مثله يصير إلكلمة الحق ميزان=حكيم ما يرضى إلهالجمع تبديد

ويربا بها عن جاهلٍ مسه اجنان=تجي علومه حادرات ومسانيد

وابيه يخزي كل مارد وشيطان=وخطو الهذور اللي هروجه عرابيد

برقا وروق الجد واحد وعتبان=عزوتهم الهيلا عتاةٍ صناديد

وأقطابها ابن حميد وابن ربيعان=لا عن عمر جازت ولا ما اخر حميد

ان صاح ابن جهجاه جت روق سيفان=وبرقا تجي لو صاح عبد الله اتميد

مثل المحيط اليا ارتهج صار طوفان=يدني بعيد وما دنى صكه ابعيد

يفرح بهم ذودٍ تقفوه عدوان=لا شالت ايدهم طوال البواريد

بمركاظهم تشبع ضواري وعقبان=ويرتاع من رجفاتهم راضع الديد

واليوم في حكم السعود امن وامان=يقضى بحكم الله بسنة وتوحيد

من يوم وحد هالقبايل كحيلان=والخير راهي والرخا دايم ايزيد

وصارت قبايلها بدين الله اخوان=وتوحدوا عقب اختلاف المواريد

ومن راد للامة تفرق وخذلان=علباه ما تخطي اسهاف العباريد

وصلوا على المبعوث للانس والجان=اللي عطاه الله على الحق تاييد