على منتدى الهيلا دفعني كثير الشوق

[عبد العزيز العبدلي]

مساكم خير

/

الطارف


على منتدى الهيلا دفعني كثير الشوق=با سلم وبا اغني مع عتيبه الهيلا!!
تزين الخواطر والمعاني عليها ذوق=يا لطامت العايل وذباحت الحيلا !!

[خوي السعد]

استلم استلم


بعد جيتنا مشتاق ياطيب المنطوق = هلا مرحبا مع ريحة البن والهيلا
علوم الرجال اتوسع الخاطر المخنوق = وبعض السوالف ماوراهن محاصيلا

[عبد العزيز العبدلي]

يا هلا يا خوي السعد



يدوم البقا يا ناس ياللّي نظركم فوق=نظركم على الجدي المثبت مع اسهيلا !!
لكن أنت لو انعدك امن العرب مسبوق=وش الدبره اللي تسبق الناس فالحيلا!!

[خوي السعد]

المهلي مايولي



عزيّز على دربك عسى مايعوقك عوق=وش اللي تسوي لحتما الحط والشيلا
انا في طريق المعرفه مركزي مرموق = وكل الصعايب قدم مثلي تساهيلا

[علي الثبيتي]

الله الله
ع الابداع

عزيزالعبدلي صح لساااااااااااااااانك


خوي السعد صح لسااااااااااانك

[معجب العتيبي]

العبدلي


وخوي السعد


صحة الالسن والقلوب





خوي السعد على اسمك

[عبد العزيز العبدلي]

تلد والنظر فوق السحابه وجاه ابروق=عسا تاليات انظاركم مابها عيلا !!
ليا صار كل السمن والمعسلي معلوق=تعد الليال وتنظر لمرجح الكيلا!!

[خوي السعد]

الشاعر الكبير النشمي صح بدنك

[عبد العزيز العبدلي]

معجب العتيبي

النشمي


صحت ابدانكم ولا هنتو على مروركم المشرف

[خوي السعد]

ماعليك زود يامشرفنا معجب وصح بدنك

[خوي السعد]

لمحت البروق وقلت خير(ن) لفا مسيوق = وزاد الطمع في طيبات التماثيلا
عسى الله يجازي معجب وصاحبه مرزوق = بعد فكوا البيبان قدم المهـابيلا

[عبد العزيز العبدلي]

لمحت البروق وشفت رعادها ملحوق=وحلّت علاك الممطره بالمخاييلا!!
أنا لو أبرّق حيد ثوبك لقيت اشقوق=ولكن عوّد عن دروب المشاكيلا!!


خوي السعد صح لسانك عز الله ان اللعب معك شرف ونوماس مير الظروف ما تسمح اني اكمل الطاروق
واعذرني يالغالي

والختم عندك

[علي الثبيتي]

عسى الله يجازي معجب وصاحبه مرزوق


بعـد فكـوا البيبـان قـدم المهابـيـلا

ههههههههههه لاتعليق

[خوي السعد]

مخيله لها براق (ن) وخيرها ممحوق = تمر البلد وتروح ماسيلت سيلا
مادام ان باب الشر فالمنتدى مغلوق = ابا اعطيك فرصه لليال المقابيلا

[خوي السعد]

ماعليك زود ياعزيز والشرف لنا وسمح لنا وان بدت زله
تصبح على خير

[خوي السعد]

النشمي انت نشمي على اسمك
مشكور على المتابعه :)

[علي الثبيتي]

الله يبيض وجيهكم مبدعين وجزلين

وصحت السنتكم

[خوي السعد]

شهاده نعتز فيها ياعميد اهل النخبه