ما الطفك ياالله .... صوره وتعليق

[مرزوق حمدان العتيبي]

بعد افتتاح هذا القسم

اقدم لكم صوره تدمي القلب
وافضل مايعبر عن هذه الصوره المؤثره هو الشعر .
..
تخيلوا :(
طفله وبملابس المدرسه
وامام قبر يبدو انه حديث .... العهد
وفي مكان شبه مهجور
اتوقع ان الحقيقه اكبر من
مانتصوّره ... ونتخيله
هذا ما اشعر به...

http://www.up.dlu3at.com/files/p7ilu89r7phd93labvf6.jpg
لسان حالها يقول....


صــوره تكـفّـي عــن جمـيـع التعـابـيـر=يــحــزن لــهــا قـلـبــي وتـنـهــل دمــعــه

هـــــذي يـتـيــمــه لوعتها الـمـقــاديــر= غياب ابـوهــا صــــار مـافـيــه رجــعــه

جــت لـــه حـزيـنـه منهكتها التفـاكـيـر= ضيّق عليها الكـون مـن بعـد وسعـه

تـقـول لــه يـابـوي مانـيـب فــي خـيــر = من بعد موتك شوفني صـرت وجعـه

وش لون تتركني وانا عمري صغير =وحـيـدة ٍ مـالـي مــن الـنــاس فـزعــه


اتمنى ان ارى مداخلاتكم حول هذا الموقف سواء بالشعر او بالنثر ... او بالكلمه

مودتي وفائق احترامي لمن شارك او حتى مر وقرأ :)

[محمد بن غازي]

صح لسانك يابو حمدان ... فعلاً صوره تغني عن الف كلمه ...

اللهم الطف بحالها ولاتكلها على غيرك ياسميع ...

[مرزوق حمدان العتيبي]

..
.
باركــ الله فيك يابو غازي
..
هلا بطلتكـــ مليون ...

[بعيـد المرامع]

ماتركت لنا هالصوره..من الكلام ..مانقوله..


ودي اسئل عن الابيات يابومحمد..هل هي من نظمك!!

[مرزوق حمدان العتيبي]

ماتركت لنا هالصوره..من الكلام ..مانقوله..


ودي اسئل عن الابيات يابومحمد..هل هي من نظمك!!

..

كان بودي ان ارى لك مداخله معبره
بحجم ماتقدمه من تميز ...

اما الابيات فنعم مجرد محاوله من محاولاتي المتواضعه ...وهي قديمه شوي
في موضوع سابق عبرت به عن هذه الصوره التي اهتزت لها الكثير من القلوب..
مودتي

...

[@ـايل]

يالله ..

منظر يدمي القلب

ولعل صاحب هذا القبر لأحد ابويه كما ذكرت في القصيده يابو محمد

واصبح بعدها فاقدا لحنان أحدهما وربما كلاهما والحسره والالم ان كان قد فقدهما كلاهما

يقول الشاعر :

وشلون تتركني وانا عمري صغير

وليس بالعجيب هذا التساءل البرئ من طفل لا يعرف معنا الاقدار وسنة الحياة

وحيـدة ٍ مالـي مـن النـاس فزعـه

وهنا فقدت الامل بعد رحيل والدها لانه كان سندها وفزعتها


صح لسانك يابو محمد صوره وقصيده معبره عيّشتنا جو معاناة هذا الطفل فاقد ابويه

..

[حسن إبراهيم الدجيماء]

فعلاً ورب الكعبة .. منظرٌ مؤثر .. وصورة تعبّر .. وماخفي كان أعبر !!
,,
أبومحمد .. ليس غريباً عليك المشاعر النبيلة .. التي صغتها في الابيات الجزيلة .. فلله درّك يافخر القبيلة !!
,,
إسمح لي بمجاراتك .. يأبيات متواضعه بالنسبة لأبياتك .. ولشخصك وقدراتك !!
,,
وأسأل الله العلي العظيم أن يجبر بخواطر اليتامي .. وان يبدلهم خيراً في آبائهم وأمهاتهم !!
,,الابيات :



يابومحمد ويش بقّيت تصوير = تصوير طيّب طيّبه طيب نبعه
يتيمةٍ تبكي وبكّت مناعير = الدمع فوق لحاهم تشوف لَمْعِه
منظر يهزّ طويق ويزعزع النّير = حتى ولو إنّ الاراضين سبعه
تبكي عليه وتبتهل صبح وعصير = ترجي رجوعه كلّ سجدة وركعه
تشكي بعد فرقاه همّين تكدير = همّ الفراق وهمّ تقصير ربعه

,,
أقف إحتراماً لك ولما خطته أناملك !!
,,
موضوع رائع .. زاد روعته كاتبه !!
,,
إحترااامي !!!

[ألعتيبي فالح]

مؤثررررررره هذا اللي أقدر أقوله بس

لاهنت وسلمت يمينك

[ابورازن فالمريخ]

الله يرحمه وصح لسانك

صوره عاديه.

[بعيـد المرامع]

..

كان بودي ان ارى لك مداخله معبره
بحجم ماتقدمه من تميز ...

اما الابيات فنعم مجرد محاوله من محاولاتي المتواضعه ...وهي قديمه شوي
في موضوع سابق عبرت به عن هذه الصوره التي اهتزت لها الكثير من القلوب..
مودتي

...



اولا ..صح لسانك على الابيات الجزله والرائعه ..

ثانيا .. الصوره..كما ذكرنا في ردنا السابق ..لم تترك لي ..مجال للتعبير..

واظنك..توافقني..وتؤيدني..في هذا.. في رائعتك..عندما ذكرت

صوره تكفّي عن جميـع التعابيـر


ودام الصوره..تكفي عن جميع التعابير..بشهادتك ..

فلويش..التعجيز..والملامه :)

فلا تلومنا ..في عجزنا ..ولا تحملنا مالاطاقة لنا به..

تحياتي لك..

[مرزوق حمدان العتيبي]

..

حيّا الله هايل ...
شكراً لك على حضوركــ.. الرائع
وتعليقكــ الاروع.

صادق الود ...

[مرزوق حمدان العتيبي]

..
.
الشاعر الماهر ((( الدجيما)))
دائم وانت كالغيث لك الاثر الحسن اينما كنت..
مجاراه وافيه وحضور مميز..
غير مستغرب ابد...

الف صح لسانكـــ .. واعتلا شانك..


اخوكـــ

...

[مرزوق حمدان العتيبي]

..
.

مرحبا يافالح فقد شرفتنا

...

[فهيد الايدا المورقي]

عندما اري هذا الموقف تدمع عيني ولكن عندما اتذكر ان الله سبحانه وتعالي الطف على هذه

الطفل من ابيها الذي فقدته ابتسم



ابو محمد لاهنت على الصوره المعبره والابيات الجميله


تحيتي

[خلف الروقي]

صح لسانك بالبداية


معبرة ومؤثرة :)


والصورة تتكلم عن حالها افضل من لغة التعبير!


اشكرك يابوحمدان

وتقبل ودي قبل ردي

[مرزوق حمدان العتيبي]

.


....

طير حوران صح بدنك
ويكفينا من هالموضوع حضورك ياغالي

[مرزوق حمدان العتيبي]

..

.


ودام الصوره..تكفي عن جميع التعابير..بشهادتك ..

فلويش..التعجيز..والملامه

فلا تلومنا ..في عجزنا ..ولا تحملنا مالاطاقة لنا به..

تحياتي لك..

اما تعجيز كثر منها ... على غير ابو رمعه ممكن ..

يكفيني شرف حضورك يابعد راسي

....

[ماجد السميري]

ابت مشاعري الا ان تعبر عن هذه الصوره المحزنه






يابنت ياللي دموعك فوق خدك تسيح=ما كنّها غير من صادق خفوقي تهل
تشكين حر الفراق ومنه قلبك جريح=ولسان حالك يقول اليتم عيشة ملل
مع صغر سنك زمانك يابنيه شحيح=والوقت قاسي وفعل الخير صابه خلل
واللي يخلي ضميرك ساليٍ مستريح=ماضاع نفسٍ خلقها الله مهما حصل
اللي له الخلق دايم بالسراير تبيح=من رحمته يستجيب لعبده ليا سئل

[الـذيب]

قسم بالله شي يقطع القلب



يعجر الانسان يعبر في مواقف زي كذا

[مرزوق حمدان العتيبي]

..

بارك الله فيك يابناخي الايداء
انما يرحم الله من عباده الرحماء
ورحمة الله وسعت كل شي ... وهو اللطيف الخبير...

مودتي

[مرزوق حمدان العتيبي]

..
.


خلف الروقي .. شاكر ومقدر حضورك الباذخ ....

[مرزوق حمدان العتيبي]

..

صح لسانك يالسميري

ابيات في منتهى الجمال ...

زدت الصفحة نور..
لاهنت

[ܓܨ عبدالله البرقاويܓܨ]

صوره مؤثره فعلا
يالله رحمتك يارب
صح السانك ومشكور الف على الطروحات الراائعه والتي تعم بالفائده

[عبدالله هادي ناشي الفليت.]

مشكور يبو حمدان على الموضوع المؤثر ..

والله يعين اليتامى ..

[مرزوق حمدان العتيبي]

..

.


الذيب نورت ..
ولااحد يلومك على هالمشاعر ....
.
مودتي

..

[مرزوق حمدان العتيبي]

..
.
صح بدنكــ ياعبد الله
صادق الود ...

[مطرح البعارين]

قصيد معبره عن الجميع

صح لسانك يامرزوق

لاهنت

[مقاطى الغربية]

مشكور على الصور المعبره والقصيده الجميلة يابو حمدان

[بو محمد الحمراني]

صح لسانك
وفعلا الصورة مؤثرة

[..alroqy..]

فعلاً هذه الصورة محزنة ومعبرة

ويعلم الله اني عند مشاهدتي لهذه الصورة لأول مرة أني نزلت دمعتي رحمةً لها ورأفةً بحالها

ومن لم تحرك هذه الصورة مشاعره فليس بقلبه رحمة


رحم الله أمواتنا وعوضها الله خيراً مما فقدت

اللهم آآآآآآآآمين