||-> مفاتيح باب النكبه العالمية <-|| (( الطارف ))

[حسن إبراهيم الدجيماء]

أشوف العرب راحوا تفاريق واحزاب = مفاتيح باب النكبه العالمية
سياسة (( مع الاصحاب في دكّ الاقراب )) = بدت ,, لو مواثيق القرابه قوية

[عبد العزيز العبدلي]

سياسة (( مع الاصحاب في دكّ الاقراب ))
بــــــدت ,, لــــــو مــواثــيــق الــقــرابــه قـــويـــة


الله الله يالدجيماء

صح لسانك على البدعه الطيبه

وسجل متابعتي لك يالغالي


,,

متابع

[حسن إبراهيم الدجيماء]

عزيّز العبدلي
,,
صح بدنك وابيض وجه
,,
شاكر مرورك وإطرائك
,,
وتشرفني متابعتك يالذيب
,,
إحترااامي !!

[عبدالله القحطاني]

الا يالدجيماء يوم تفتح لكم باب=فلسطين شفنا عن بدلها قضيه
تراني جعلتك من على الضرس والناب=زمان الرخاء ,, ولا من الجاهليه !

[حسن إبراهيم الدجيماء]

مرحبا بالحكم

,,


اكيد ان بن صهيون هو ساس الارهاب = يحاول يدلّس والحقايق جليّه
بدا الحق نوره بازغٍ والجهل غاب = بعد ماطغى جوّه وعمّ البرية

[حوت وسط البحور]

صحت لسنتكم

متابع

[ماجد السميري]

سياسة (( مع الاصحاب في دكّ الاقراب ))
بـدت ,, لـو مواثيـق القرابـه قويـة



ياسلام ياسلام

خل الناس تعبر عن اللي في خواطرها يالدجيماء ههههههه

تركيب معنى في محله

صح لسااااااانك وسلم بنانك


وصح لساااااااان قبيلك

[عبدالله القحطاني]

تراك انت ما تقدر طويلين لأشناب=يازينك تطق الزير والسمسميه
تقوله وانا صادق ولانيب كذاب=وانا حاكمك في وسط نجد العذيه

[حسن إبراهيم الدجيماء]

لاوالله خاب الظن فأصحابنا خاب = بعد مامشوا فالسّكة الجرهديه
تحاول تفنّن مثلي فثور الاعصاب = تتبطي ,, فغيّك ولّا انا ماعليّه

[حسن إبراهيم الدجيماء]

الحوت // ابن عاقل
,,
صحت ابدانكم وبيض الله وجيهكم
,,
شاكر مروركم الله يعافيكم
,,
إحترااامي !!

[عبدالله القحطاني]

كلامك ما ودى فاليالي ولا جاب=بعد ما نجعف فالوقت شد المطيه
ترى زبدكم في القيض ,, فوق الصفى ذاب=معزب وانا ضيف الرجال الوفيه

[حوت وسط البحور]

طيب طيب

ما تفوت على الدجيما

[عبدالله القحطاني]

طيب طيب

ما تفوت على الدجيما



الدجيماء شاعر ولا يحتاج توضيحك


والمحاوره لا تنظر من زاويه ضيقه جداااااً


مشكور

[حوت وسط البحور]

الله يعطيك العافيه يالحكم

انا ماقلت شي خطا الله يهديك

اقول ان الدجيما بيجيب رد وافي



على كل حال صحت السنتكم كلكم وواصلوا وياليت تكون مباشره

[ولدعساف]

يــآسلام .. هذا والله الطاروق الكــآيف !!

,,

صحة ألسنتكم وقلوبكم .. واصلوا والصف مره هنا ومره هنـآك :) !!

,,

[عبدالله القحطاني]

مررررحبا بالجميييييييييع


الدجيماء تاخر علينا مدري وينه

[حسن إبراهيم الدجيماء]

آسف يالحكم .. كنت أتغدّا



بعد مالفا الشر من صحيبٍ ونصاب = علي الحرام تطيع وتذوق زيه
حدٍ راح في يدها واحد جاك منصاب = وكلن على وجهه وسوم البليّه

[عبدالله القحطاني]

بالعافيه يالدجيماء




ابضرب مثل معروف في علم الأنساب=على الصاع ارده با1000 صاع اوهديه
تطاول بعصر الببس والجنز والكاب=ووقت(ن) مضى تصرف لعمك تحيه

[حسن إبراهيم الدجيماء]

سبحان الله .. خلك في مجالك أطيب لك ;)



في صاعك نرجعها وتهدى للاذناب = على شان يبقى الراس مابه حليّه
تحاول تحاسب وانت في حاجة حساب = انا اخاطب بنيّه وابا طيب نيّه

[عبدالله القحطاني]

لا تحاول تلفها خلك انت الي معي ;)


يا كيف الثعل ينظر على راس مرقاب=على كبدك امن العام مليون كيه
اعرفك بنية حر لو شكلك اغراب=ترى المملكه ماهي كما الفيصليه

[أسير القوافي]

الله الله ياشعَار :)





تحاول تحاسب وانت في حاجة حساب
انــا اخـاطـب بنـيّـه وابـــا طـيــب نـيّــه


كفوووو يالدجيماء ،، تركيب عجيـب وبسلاسة شاعر محنَك ..




ورد جميل من الحكم ،،




في صفَك يالدجيماء ،، وإرق سنووووود ،، يالكينق :)

[حسن إبراهيم الدجيماء]

تقوله واشوفك كل لحظه فهنداب = تسوي شنب وانته بليّا لحيّه
على سرعة الميتين جاك الشبح طاب = وسبّب ضرر لستك كفره المنيه

[حوت وسط البحور]

الله الله مبدع

[أسير القوافي]

على سرعة الميتين جاك الشبح طاب
وسـبّـب ضــرر لسـتـك كـفـره المنـيـه




مجرم في قمة الإحتراف ههه .. :)




وننتـظر ،، الحكم ولا يهون ،،

[حسن إبراهيم الدجيماء]

الحوت : على هونك .. هذالا ذرّ ابن شايق لهم تقدير خاص عندي !!

اسير القوافي : مرحبا مليون ياذيبان .. شاكر مرورك واطرائك ووقفتك .. الله لايهينك !!

,,
إحترااامي !!!

[ماجد العصيمي]

متابعين لهالسياسه الجديده


مع ان القسم كله سياسات



(ذر ابن شايق) ؟ ؟ ؟ ؟ ؟ ؟ ؟ ؟ ؟ ؟ ؟ ؟

[ولدعساف]

على سرعة الميتين .. جاك الشبح طاب=وسبّب ضرر لستـك كفـره المنيـه !!
,,

هـذا البيت .. وضعه ماهو بطيب !!

,,

واصلووووووووووا !!

[حسن إبراهيم الدجيماء]

ولد عسآآف
,,
حياك الله .. وابشرك الاوضاع طيبة
,,
لاتروعون الرجال اكثر من اللازم
,,
إحترااامي ..!!!

[أسير القوافي]

يقول الشاعر : بداح السبيعي


صحيح بعض السوالف مالها داعي=ياليت من قال له كلمه يثمنها



تدري وش أسباب ضيقي وأغلب أوجاعي=وجيه ماتستحي وأنا أستحي منها





وعزَ الله ماكذب ،، واصلو ياشعَارنا ،،




وأرق سنود يالدجيما ،،




مير الله لا يبلانا

[حسن إبراهيم الدجيماء]

اسير القوافي
,,
الله لايحرمنيك ياذيبان
,,
علي الحرام انك صتيمه
,,
بيض الله وجهك .. ويبقون اخوان ونقدرهم
,,
إحترااامي الخاص لك !!!

[سهم الليل]

الدجيما صح لسانك

وافي القرم ودبلماسي بعد

لكن مدري وش بلا الاعضاء عليك انت مسوي شيء قبل ههههههههه


تقديري

[حسن إبراهيم الدجيماء]

اسمح لي يالذيب
,,
الاحترام وارثه من ساسي للضيف ولا لغيره
,,
واذا طلع الحكم وقال انها شينه في حقه
,,
يبشر باللي يرضيه واعتذر قدام الملأ
,,
لكن مااظن انها تجرح رجال عاقل وفاهم !!
,,
شاكر لك شفافيتك بس لوانك تفهّمت الوضع مضبوط كان اطيب !!
,,
إحتراامي !!

[علي خيران العتيبي]

الدجيماء

بيض الله وجهك يالذيب
صح لسانك ملايين
و عزالله انك وافي
و تشرف دايم
و جميع اعضاء المنتدى عارفينك و عارفين اخلاقك العاليه
و لانت بحاجه للاشاده من احد
و لكن هذا تذكير فقط
و يا ليت مره ثانيه ان محد يتدخل فالي ما يعنيه
اما تحضر و تقول صح لسانك و تنتقد باسلوب مهذب
و اذا شفت احد تعدى الخط الاحمر
عندك تحت ايقونه ( التقرير بمشاركه سيئه )
هذا الي يحق لك بس
اما تقعد اتجرح و تذم فهذي تحسب عليك
و كلامي هذا اوجهه للجميع

و قولو لاااا اله الا الله
و يا ليت الاداره تحذف المشاركات الي ما لها لزمه

الحكم

صح لسانك و بيض الله وجهك يالذيب

[عبدالمجيد النفيعي]

ما أقول الا بيّض الله وجه كل من يحترم ضيوف قبيلته ويقدرهم ويحشمهم وأخلاقهم عاليه وهذا الكلام ينطبق على الدجيما وشبل وسهم وإذا جا بينهم نوع من الحساسيه أكيد بتصلح بيوم أو مع يومين أكيد هم عيال عم

وقحطان خوال الكثير من قبيلتنا والعكس صحيح أيضاً مستحيل إن أحد أبناء قبيلتنا يحوال يجرح فيهم مثل شاعرنا الدجيما وغيره

[حسن إبراهيم الدجيماء]

علي خيران
,,
وجهك ابيض يالذيب .. وصح بدنك .. الله يرفع قدرك
,,
كلامك سليم 100% تشكر عليه يالقرم
,,
إحترامي لك ولما كتبت !!

-------------
عبدالمجيد النفيعي
,,
مافيه شك فاللي قلته كله
,,
بيض الله وجهك .. وشاكر مرورك
,,
إحترامي !!

------------

والشكر موصول للإدارة والمشرفين الراقين بفكرهم وإدارتهم !!

[ابن المحايا]

سياسة مع الاصحاب في دكّ الاقراب *** بـدت لـو مواثيـق القرابـه قويـة


صح لسانك يالدجيماء مبدع دائما


متابع لمحاوراتك يالغالي باستمرار


واصل يالعضياني على هالتميز والابداع


تحياتي لك

[حسن إبراهيم الدجيماء]

ابن المحايا
//
صح بدنك والابداع مرورك
,,
ومتابعتك بحد ذاتها شرف يالذيب
,,
شاكر مرورك وإطرائك
,,
إحتراامي !!