اقلع الهاجس .....

[عادل الأسعدي]

اقلع الهاجس من الهم في عصر الربوع=مثل طايرة" من ارض المــــــدرج مقلعه

من برزبن خطها لانـــــــزول ولاطلوع=مستوي والكابتن ارسل يطمن مرجعه

متجه لرياض الامجاد والسرعه تروع=خطـــــه امياله بالالاف يبغا يقطــــــعه

يسبح الهاجس وهمه كبر بين الضلوع=كاس سمه غصـــــب يصبر عليه ويجرعه

وقتنا من مايضوي يلوع الكبد لوع=والصدور من اشهب اللال مافيها سعه

كم صميدع ماشكا فقر حاله لو يجوع=أصوك" ماحـــــب من غــــير ربه منفعه

في زمان" فيه كثروا مفــــــرقة الجموع=والخوي خاوا خويه من اجل المطمعه

مايغثك في زمانك وخلق الله هجوع=غير لن مرو فبالك جميـــــع الأربعـــــه

المنــــافق والضعيف ليا جا له تبــــــوع=والكــــــذوب الهيلــــمي والرفيق الإمعه

شرهتي للعاقل اللي بالاشكال مخدوع=يدبل الكبد العليله ليـــــا ارخا مسمـــــعه

الصــــــلاه الوافيه بالتدبــــــر والخشوع=والمنافق لو سجـــد سجدتــــه ماتنفعه

اما انا مااخلف طريقي ولااحب الرجوع=والرجل لو يختلف ديدنه ماني معـــه

ولو ضرسي ملتهب فالزمن ماني جزوع=ابســـــط حلوله ليا طال سقـــــمه بااقلعه

ولا لقيت اطلق ولااطيب من الرجل النفوع=بالكــــــلام الزيـــــن والحـــــق كلـــــه منفــــعه

[الحميدي العتيبي]

كم صميدع ماشكا فقر حاله لـو يجـوع
أصوك" ماحب مـن غيـر ربـه منفعـه
في زمان" فيه كثـروا مفرقـة الجمـوع
والخوي خاوا خويه من اجـل المطمعـه
مايغثك في زمانـك وخلـق الله هجـوع
غير لـن مـرو فبالـك جميـع الأربعـه
المنافق والضعيف ليـا جـا لـه تبـوع
والكـذوب الهيلمـي والرفيـق الإمعـه
شرهتي للعاقل اللي بالاشكـال مخـدوع
يدبل الكبد العليلـه ليـا ارخـا مسمعـه


صح لسانك يا ابن العم ...قصيده رااائعه بالفعل

[أبونايف الروقي]

صح لسانك قصيدة

[بتاع]

لااله الا الله الله لايضرك
أخوي عادل وصح لسانك

[ابو عبد الإله]

بسم الله الرحمن الرحيم


صح لسانك اخوي عادل الاسعدي ماقصرت

[الـذيب]

صح لسااااااانك وبيض الله وجهك

[معلا إبراهيم الأسعدي]

شاعرنا القادم بقوه عادل ضيف الله الاسعدي
معنى جزل .بوح يرتقي الى سفوح الابداع
يتسحق صدر المكان
سلم لنا بوحك ودام نبضكـ الرائع
دمت بكل نقاءك وصح لسانك

ننتظر جديك

تحياااااتي