المساعد الشخصي الرقمي

مشاهدة النسخة كاملة : جات الربابه واسمع العلم كله


مطلق العصيمي
01-Feb-2005, 11:18 PM
السلام عليكم ورحمه الله
اليكم هذه المشاركه وارجو ان تنال على اعجابكم


جات الربابه واسمع العلم كله
اسمع كلامي يوم جات الربابه
يا شينها لاجت من القرم زله
والا الثعل لازل ما يندرابه
كلٍ له سلومه وكلٍ ودله
وبيت الكرم والطيب مفتوح بابه
وبيت الردى دونه دروبه ٍ مظله
من طب ظل ومن تردى مشابه
الطيب بين والمذله مذله
والطيب فعوله تزيده مهابه
بعض العرب لا هاش محدٍ فطن له
وبعض العرب لا هاش كلن حكابه
لا شك بعض الهوش ماهو بمحله
لا شك بعض الهوش كله خيابه
وبعض العرب ياخذ من البوم خله
ايضا وياخذ طبع سحم الذيابه
طبعه من البومه شرادٍ حصله
وعند الصحون الذيب لاحتد نابه
والبومه اللي فالخرابه وجد له
بومٍ تليم معه وسط الخرابه
والكلب ينبح مير محدٍ حسب له
حتى لو استنبح ونبح كلابه
واللي يشب النار في كل حله
لازم لهيب النار يحرق ثيابه
واللي يدواي مسلمٍٍ فيه عله
لازم يداوى لو تبين صوابه
ويالله ياخالق شفا كل عله
يا منزلٍ غيثٍ هما من سحابه
تشفي ضميرٍ في غرامه توله
زادت هجوسه واستزاد بعذابه
اليوم دمعه فوق خده يهله
من كثرت همومه يزيد انسكابه

وسلامتكم

نايف الطير
01-Feb-2005, 11:39 PM
....


وأنت سالم وغانم يالعصيمي....

وصح لسانك يالشاعر،،

ويشرفني أن أكون أول المعقبين..

إلى الأمام...

الــوآفــي
02-Feb-2005, 03:36 AM
رائعه رائعه رائعه

صح لسانك يامطلق

ابداااع وتميز

صح لساااااااااانك ملايين

ننتظر جديدك

اخوك ذيبان

ابن مشيب
02-Feb-2005, 01:53 PM
يا شينها لاجت من القرم زله=والا الثعل لازل ما يندرابه



صدقت يابن عاصم , ابيات جميلة وابداع في النظم , صح السانك يامطلق العصيمي , والله لايهينك.


تحياتي

كحيلان السريح
02-Feb-2005, 02:40 PM
صح لسانك يامطلق
ابيات جميلة وابداع

وصل العطياني؟؟؟
04-Feb-2005, 01:04 AM
صح لســانك ...

حكم هالقصيدة ..



تحياااااااااااتي

نياف العتيبي
04-Feb-2005, 04:34 PM
رائعه رائعه رائعه

صح لسانك يامطلق

ابداااع وتميز

صح لساااااااااانك ملايين

ننتظر جديدك

الناااااايف

خليل المطيري
04-Feb-2005, 10:02 PM
بسم الله الرحمن الرحيم

مطلق العصيمي

السلام عليكم ورحمة الله وبركاته

صح الله الساااااااااااااااااانك
وسلمت ودمت على هذه القصيده
تقديري واحترامي


اخوووك
خليل المطيري

مروي العطاشا
20-Feb-2005, 09:59 AM
صح لسانك يا مطلق