ليــت بقــعا ماتعـــدى القــريب للبعيـــد

[طلال ناشي]

مساء الخير ,,,

:)



ياسلام الله سلامٍ يفكبه الحديد = والحبال أم العقود الكبار إيحلها

ليت بقعا ماتعدى القريب للبعيد = ثم أوردها على روس برقا كلها

[عز الرفيق]

ابن ناشي اذا سمحت

استلم



مرحبا ترحيبتن تعطي دروس وتفيد=والعلوم تعدها والدروب تدلها
ليت ابن ناشي تعوذ من ابليس المريد=قبل لا يبلش بنقض البيوت وفتلها

[طلال ناشي]

البقا والموت يمشي مع حبل الوريد = أن بلشت أبعزبة الربع روح وخلها

الطيور اللي تغني على خظر الجريد = مابقي للبرق شجره تجي في ظلها

[عز الرفيق]

الله الله



صدق لكن يبن ناشي ترى مابه جديد=حملتك ون جار وقتك عليك وشلها
الزمان اللي مشيخ لك عيال العبيد=والعيون الناعسات الدموع تهلها

[طلال ناشي]

الجديد انك تبا تسري الليله سعيد = والتوانك لافضت ماكفاها فلها

يازبيده ويش الك عقب هارون الرشيد = ولا أنا لاجيت ابا كل دار أحتلها

[عز الرفيق]

مايفيد القول والشرح ياللقلب البليد=كلما حفظت كلمه هناك تفلها
كان ماتدري ترى صار عقب السيد سيد=والهنوف ام الخلاخل تعانق خلها

[مرزوق الصواط]

ياسلام ياسلام

طااااروق ناااااار

الشاعر / طلال بن ناشي

الشاعر / عز الرفيق

صح الله ألسنتكم متاااااااابع لكم ,,,

يمين يسار تكفون ... الوكااااااد متااااابع

[¨‾ تراتيل هاجس‾¨]

صح الله ألسنتكم متابع


:)

[عز الرفيق]

مرزوق -----تراتيل هاجس

بيض الله وجيهكم على المرور لاعدمناكم

[طلال ناشي]

كان قلبك يطعم العلم وحزامك جويد = أظهر ألنا دق معنى العلوم وجلها

لو تبون الفيد منتم ترى بوجيه فيد = بارك الله بالهنادي ومن يستلها

[عز الرفيق]

طلال ناشي

مشكور على اتاحة الفرصه

وعذرنا على القصور

الى لقاء قادم


تحياتي

[طلال ناشي]

عز القاف

صح الساااااااااانك


وافي طال عمرك ولا منك قصور لاهنت على كل حال


تحياتي وتقديري

[طلال ناشي]

مرزوق الصواط


ارحب ,, ارحب ,, ارحب شرفتنا طال عمرك


والدرب شام



تراتيل هاجس

صح بدنك وشكراً على مرورك الكريم

تحياتي

[ابن صنهوت]

الله صحة الالسن والقلوب
طلال مافيك حيله !!!!!! القنبله لازم تثورهااااا

[رعد الروقي]

الله الله


طلال ناشي // عز الرفيق


بيض الله وجيهكم

[طلال ناشي]

ابن صنهوت مرحبابك

وصح بدنك مرورك كريم ... لك كل التقدير