المطيري لالفا مخدوم في حلّة عتابه // مطيري بنكم حياكـ !!!

[حسن إبراهيم الدجيماء]

مطيري بينكم .. حياك الله في محلكـ
,,


المطيري لالفا مخدوم في حلّة عتابه = واجبه ياكلْهِ وفق الشّرع وسلوم الجدودي

وان عصا ماهوبكيفه وان رضا يامرحبابه = ياكله واللي يبا بعده ,, ترا حنّا نجودي

[ابن المحايا]

الله الله


مبدع دائما يالدجيماء


صح لسانك ولسان قبيلك مقدما


تحياتي

[زيادي سنافي]

يامرحبابه
وصح لسانك

[منصور الدرين]

||
\\
||


البقا من باب حد السيف مافارق نصابه .!!


أنت طيّب ماعليك قصور لو مامنك فودي .!!

المطيري في بنوك العز ماينقص حسابه.!!

ماعلى الطيّب ملام ولاعلى الآجواد زودي.!!

||
\\
||

[حسن إبراهيم الدجيماء]

الله الله :



سيف ماافتكك من الريجيل طشه وش تبا به ؟؟ = اخضع لواقعك وانطل " جعل يومه مايعودي " !!
ياسؤالٍ حايرٍ فيه الفكر وابغا الاجابه !! = ليش جدّك ماذخر لك غير طبعه والنقودي ؟؟

[طلال ناشي]

المطيري لالفا مخدوم في حلّـة عتابـه
واجبه ياكلْهِ وفق الشّرع وسلوم الجدودي
وان عصا ماهوبكيفه وان رضا يامرحبابه
ياكله واللي يبا بعده ,, ترا حنّا نجـودي


صح ألسااااااااااااانك يالدجيما


يعني الرجال الله ا لايعوق بشر ماكله ماكله


هههههههه


مطيري بينكم

مرحبابك ورد وااافي ابيض وجه

عزالله رديت يوم رديت


البقا من باب حد السيف مافارق نصابه .!!

أنت طيّب ماعليك قصور لو مامنك فودي .!!

المطيري في بنوك العز ماينقص حسابه.!!

ماعلى الطيّب ملام ولاعلى الآجواد زودي.!!

[حسن إبراهيم الدجيماء]

إبن المحايا ,, زياد سنافي ,, طلال ناشي
,,
صحت ابدانكم وبيض الله وجيهكم على المرور

,,
طلال : داهية ولايفوتك شئ !!!!
,,
إحترااامي !!!

[زياد المزرمي]

الله الله

صح اللسنتكم يامبدعين

والله يخارجنا من عيشتك اللي تتوكلناها ههههههه

مبدع يالدجيمااء

وصح اللسانك يابن عمي

ورد واافي وجزل

والصف صفك ارق سنوود

الليل الليل

[ولدعساف]

هذا والله اللّعب !!

,,

صح لسانك يالـدجيـمـآء و صح لســآن المطــآري !!

,,

واصلوا وصف صف الدجـيمـآء و لآيهون مطـيريــ بــيــنـكـم !!

,,

[حسن إبراهيم الدجيماء]

,,

زياد الشطيطي
,,
الابداع مرورك وتشريفك يالغالي
,,
ولا لك الا الشحم واللحم والعلم الغانم يالذيب
,,
صح بدنك
,,

ـــــــــــــــــــــــــــــــــــــــــــ

ولد عسآآف
,,
صح بدنك والصف يزهابك يالذيب
,,
شرفني مرورك

,,
إحترااامي

,,

[صلاح البريكي]

يا سلام عليكم

صحت السنتكم

[منصور الدرين]

||
\\
||

سيفي اللي مايخلي راس واحد من شبابه .!!

غير يرميبه ويومي به مثل روس الهنودي .!!



يالدجيما بارك الله فيك وش لك بالطلابه .!!

دام جدك ماقدر جدي ويكفيني وجودي .!!

||
\\
||

[منصور الدرين]

صحت أبدانكم جميع كل رجل باسمه .~

ولنا الشرف بمتابعتكم أنا وزميلي .~


والليل الليل .~

[حسن إبراهيم الدجيماء]

الهروج كثار مار العلم لاوصلت حرابه = قدم عمهوج انت مالك من جدا غير الوجودي
وارثٍ من جدي الله يرحمه عزّ ومهابه = وانت منته وارثٍ غير البكا ,, منت محسودي

[منصور الدرين]

الله الله .~

||
\\
||


والنعم ....... درب الوفا .. للطيبين .....ولاغرابه .!!

والوفا والعز .... طبع .. وفاز به حتى اليهودي .!!


يالعتيبي مانذمّك .... والفعايل ........ ماتشابه .!!


المطيري حامل البيرق على الجيش السعودي .!!


||
\\
||

[حسن إبراهيم الدجيماء]

تحسب عليك ياذيبان



انت كيف تقول مالا قاله الله في كتابه = اليهود أنذال ماهم قوم عزّ وقوم جودي!!
كلن يقول إلْي لابه فارقة عن كل لابه = مار تاريخ العرب ماهو بحاجة للشهودي !!

[منصور الدرين]

||
\\
||


أنت ماتسمع وتقرأ من على عهد الصحابة .!!

من ترك دينه وهو مسلم يعز إبه القرودي .!!


لو زهمتك يالدجيماء للجهاد وللخطابه .!!


مت قاعد في مكانك مثل أقاربْك القعودي .!!

||
\\
||

[حسن إبراهيم الدجيماء]

الليالي سقمها من طال به قالوا غدابه = وانت اشوفه فيك متمسّك ولاينقص ,, يزودي
يامطاري ريّح عتيبه تكفّيك المجابه = انت خلك في غريفتك ونكفّيك الحدودي

[ماجد العصيمي]

متابع من بعيد


المطيري شاعر جديد على المنتدى

[رعد الروقي]

يا سلااام



صحت قلوبكم الثنين ولا هنتوا

[شاعر القلطه]

صحت القلوب والالسن وبيض وجه الدجيماء

[أسير القوافي]

ياسلام عليكم جميعا ،،



صحَت ألسنكم ...}




وآفيـن ،، وآفيـن




وهذا اللعب اللَي يشرَف قبيلتكم ،،




شكرا لكم

[حسن إبراهيم الدجيماء]

,,

الشبل // العمده // شاعر القلطة // أسير القوافي
,,
صحت ابدانكم وبيض الله وجيهكم
,,
شرفني مروركم الله لايهينكم
,,
إحترااامي

,,

[منصور الدرين]

||
\\
||

يحلم الحالم على خصمه وحلمه ماسرابه .!!

كيف يحلم مخطي الدربين في صيد الأسودي .!!


يالعتيبي عام الآول يوم سم الداب نابه .!!


بالفعل تضحك بك المطران واردة العدودي .!!

||
\\
||

[منصور الدرين]

أشكر الجميع على التواجد


وصحت ألسنتكم وأبدانكم كل واحد باسمه


وكل الشكر لزميلي الشاعر الدجيما



تشرفت باللعب معه


ولنا لقاءات قادمه بحول الله وقوته