بن شايق يقع في لغم العضيله

[المثالي]

اليكم هذا الطاروق بين بن شايق وزيد ومعانيه واضحه جدا لكن حبيت اوضح
اللغم اللذي وضعه زيد ولم يكتشفه بن شايق .

زيد العظيله


سلامي سلام ٍ نقسمه قسم الاخوان
سلام ٍ يوزع بينكم بالنصيفه
على راس بن شايق من العام دخان
ولن كان شبت نار هاذي مخيفه



بن شايق



هلا مرحبا ترحيب ماني بغلطان
ترا الحفل نور يا ربيعه وصيفه
عليك الصبر ويجيك للعلم برهان
وراع الشداد يردها في رديفه



زيد



يا زلة قدم عسى ماهي زلة لسان
امانه ثقيله لاتعود خفيفه
انا ما بغيت اسمي فلان وفلان
لكن الرسن يبقى براس العسيفه



بن شايق


عطيتك علوم سمان وعلومك سمان
تجينا شريفه واستلمها شريفه
انا اللي بسميها ولاني بزعلان
يا عبداللطيف وجدك امه لطيفه



زيد



رساله عليها الاسم تحتاج عنوان
وهذا سر ما بين المعزب وضيفه
ليا عودت للتسميه علمنا بان
وحصل له الشيطان معنا وظيفه



بن شايق



انا لعطيت العهد ماني بخوان
هذا سر ما بين الحليف وحليفه
ترا الموتر اللي سايقه عبد سكران
طلع من طريقه وانقلب مع رصيفه




زيد




ما اذمك ما اذمك وانت من روس قحطان
ترا المبصره ماهي بمثل الكفيفه
هذا موتر ٍ سواقه العبد سودان
فراشه حصير وملتحف له قطيفه


بن شايق



والله ما عليكم زود والنعم مطران
ليا حول السياف يومي بسيفه
علوم المخضرم كلها شانها شان
وهرج نتباشر به وهرج ٍ نعيفه


زيد


ترا صاحبك ماهو من العز عريان
ليا حول السياف خله بكيفه
علوم الوفا ما تصبح اشكال والوان
ولاهو غريب الرجل نفسه عفيفه


بن شايق


نبيها مطامر حصن وحصان وحصان
من بلاد اخو نوره لدولة خليفه

[ابو فايح]

لاهنت يالمثالي

طاروق قوي


لا اتفق معك



كيف تبغاه ياتي بأسم اشاره (للنار)


هل يقول ( النار هذا )

[فهيد الايدا المورقي]

والله ما عليكم زود والنعم مطران
ليا حول السياف يومي بسيفه


ابن شايق حول يمرر على العضيله بس فهمها ونقض البيت


ترا صاحبك ماهو من العز عريان
ليا حول السياف خله بكيفه

-------------------------------------------------


اما تقول ان العضيله مرر على ابن شايق لا اتفق معك


هذا بيت عادي

على راس بن شايق من العام دخان
ولن كان شبت نار هاذي مخيفه

[المثالي]

لاهنت يالمثالي

طاروق قوي


لا اتفق معك



كيف تبغاه ياتي بأسم اشاره (للنار)


هل يقول ( النار هذا )


ابو فايح حياك انا بضرب لك مثل بالكلام العادي عسى ان تقتنع

مثل اذا كنت اتلكم مع شخص ((اذا هاذي بتعمل كذا مخصيبه )

بعدين اشاره للنار ليه الكلام جهة بن شايق

[حوت وسط البحور]

انا ارى ان العضيله حاول تمرير البيت الاول على بن شايق

ولكن ابن شايق رد عليه رد وفي

يقول العضيله
سلامي سلام ٍ نقسمه قسم الاخوان
سلام ٍ يوزع بينكم بالنصيفه

فرد عليه بن شايق


هلا مرحبا ترحيب ماني بغلطان
ترا الحفل نور يا ربيعه وصيفه

[ولدعساف]

بيت عادي .. و بن شايق شاعر كبير !!

,,

لآهنت ع انلقل !!

,,

[ماجد العصيمي]

اصلا الشطر هذا ركيييييييييييييييييييييييييييييييك ومعسوف عسف زيد اللي كل طاروق وهو يعسف

وياسلام ياشاعر مطير

[عبدالله القحطاني]

كلامك غير صحيح يا صاحب الموضوع وانت تبي تجبر المعنى بالقوه الله يهديك


لاكن المقلب الحقيقي مشى على العضيله الي هو


يقول ابن شايق :

عطيتك علوم سمان وعلومك سمان
تجينا شريفه واستلمها شريفه


شريفه اسم مؤنث ;)


وهو يقول ( تجينا ) << يعني يالعضيله تجينا شريفه

واستلمها شريفه

حركه خطييييرررره من ابو شنب ومقلب مخفي ومدفون صح


تحياتي وتقديري

[ولدعساف]

كلامك غير صحيح يا صاحب الموضوع وانت تبي تجبر المعنى بالقوه الله يهديك


لاكن المقلب الحقيقي مشى على العضيله الي هو


يقول ابن شايق :

عطيتك علوم سمان وعلومك سمان
تجينا شريفه واستلمها شريفه


شريفه اسم مؤنث ;)


وهو يقول ( تجينا ) << يعني يالعضيله تجينا شريفه

واستلمها شريفه

حركه خطييييرررره من ابو شنب ومقلب مخفي ومدفون صح


تحياتي وتقديري

يقول ابن شايق :

عطيتك علوم سمان .. وعلومك سمان !!

...... تجينا شريفه .. واستلمها شريفه !!
,,

أبك هذا أبو شنب ملك المحاوره .. يجيب البيوت كن مافيها شيء وهي الموت الحمر !!

,,

شاعر قحطان ونعم .. الله يطول بعمره على طاعته .. لآهنت يالحكم !!

,,

[هنيدي]

والله تبون الصراحه

البيوت اللي تمرر على ابوشنب كثيره مرررره


ويطول المجال لو بغينا نشرحها

واشكرك ياصاحب الموضوع وكلامك في محله

[عبدالله القحطاني]

والله تبون الصراحه

البيوت اللي تمرر على ابوشنب كثيره مرررره


ويطول المجال لو بغينا نشرحها

واشكرك ياصاحب الموضوع وكلامك في محله



نبي من الكثيره الي تقول مقلب واحد فقط مشى على ابو شنب

بس يكون مقلب صحيح 100% مثل المقلب الي انا ذكرت قبلك الي مشى على العضيله ( ويكون مشروح شرح وافي )


تقديري

[عبدالله القحطاني]

مدري ليش التعديل على ردي من قبل لأداره ؟؟؟؟؟؟
... عبر عن وجهة نظرك ولكن في حدود الادب والاحترام وعدم التهميش والتقليل من اراء الاخرين
المشرف

[ابن المحايا]

كلامك غير صحيح يا صاحب الموضوع وانت تبي تجبر المعنى بالقوه الله يهديك


لاكن المقلب الحقيقي مشى على العضيله الي هو


يقول ابن شايق :

عطيتك علوم سمان وعلومك سمان
تجينا شريفه واستلمها شريفه


شريفه اسم مؤنث ;)


وهو يقول ( تجينا ) << يعني يالعضيله تجينا شريفه

واستلمها شريفه

حركه خطييييرررره من ابو شنب ومقلب مخفي ومدفون صح


تحياتي وتقديري



(تجينا شريفة) هنا قد يكون فيه احتمال انه يقصد مؤنث


لكن في (واستملها شريفة) يخاطب مذكر يعني اذا كان فيه مقلب ما اكتملت الصورة في البيت


الهاء في شريفة ترجع لكلمة (العلوم السمان) ولا يقصد فيها اسم مؤنث ولا يقصد فيها اي امر اخر


مشكلة البعض انه مصاب بهوس المقالب

وصار يجزء البيت الى اجزاء


ويمكن يجزؤن الكلمة الواحدة الى كم جزء


لاجل يكون فيه بس اسم (مقلب)ويجدون من لاشيء شيء


ولايشوفون تكملة البيت


تحياتي

[عبدالله القحطاني]

(تجينا شريفة) هنا قد يكون فيه احتمال انه يقصد مؤنث


لكن في (واستملها شريفة) يخاطب مذكر يعني اذا كان فيه مقلب ما اكتملت الصورة في البيت


الهاء في شريفة ترجع لكلمة (العلوم السمان) ولا يقصد فيها اسم مؤنث ولا يقصد فيها اي امر اخر


مشكلة البعض انه مصاب بهوس المقالب

وصار يجزء البيت الى اجزاء


ويمكن يجزؤن الكلمة الواحدة الى كم جزء


لاجل يكون فيه بس اسم (مقلب)ويجدون من لاشيء شيء


ولايشوفون تكملة البيت


تحياتي




اذا كان هذا فهمك في مقالب الشعر فتراك همشت جميع المقالب ولا تعرف فيها شي

ابن شايق شاعر ذكي قال ( تجينا شريفه ) المقصود بها العضيله وليس العلوم لكي ما يلفت انتباه العضيله ,, (واستلمها شريفه ) يغلف المعنى بالمقلب السم الي هو (تجينا ) هو يرمز للمخاطب والمخاطب في هذه الكلمه العضيله اشاره اليه ( شريفه ) اسم مؤنث يقصد به العضيله وقال ( واستلمها شريفه ) ربط كلمته هذي بالشطر لأول كانها على العلوم السمان ولاكن السم في وسط العسل اذا كان تعرف المعنى

تقديري

[ابن المحايا]

اذا كان هذا تفسيرك


بندقق في كل بيت يقوله اي شاعر


وبنطلع فيه مقالب مهوب مقلب واحد


مع التجزيء والتقطيع للبيت الواحد


بتطلع عجايب لنا

[مصر]

أرجو عدم ابتسار شعر ابن شايق وحصر محاوراته في المقالب اللفظية ، فأبياته مليئة بالجمال الفني ، ومعانيه عميقة ، وتراكيبه جزلة .

محاورات ابن شايق جديرة بقراءة أسلوبية متفردة ليست من السهولة بمكان .

[ابن المحايا]

المقالب يكون

فيها معاني متصلة وبعضها يكون لها وجهين

مهيب تقليب هروج وتجزيء

المقلب يكون واضح مهوب يخاطبه مرة مؤنث ومرة مذكر في شطر واحد

تحياتي لك يالحكم ولصاحب الموضوع وشاكر لك على رحابت صدرك واتوقع ان الحديث طال بنا وخرجنا عن صلب الموضوع

[فهد الزهراني]

صراحة مضحك بعض الكلام هنا

كلام عادي وبيت عادي ويقولون مقلب....

احيانا اشك ان الكلام موجه لغير العرب؟!!!

[الجوراسي]

هلا اخوي فهد ردك العقلاني اجبرني على المرور

فالمشكله هنا عويصة

بين طرفين

الطرف الاول اختزل بيوت ابن شائق في البحث عن اللغم او المقلب ولكأني اسمع مايدور في خواطرهم وهم يقرأون البيت ويحاولون أن يجدوا لابتسامة ان شائق في نهاية القاءة للبيت تفسيراً ويقولون ابن شائق لا يضحك عبثاً فيبدأون يوصلون المفصول ويفصلون الموصول حتى يكتشفون هذا المقلب أخيراً


الطرف الثاني: يرى أن الشعر له أسس معينة لا يستطيع أيا كان أن يتجاوزها ولا يحملون البيت أكثر مما هو عليه ولعل هذا الطرف أغلبهم من أهل الحجاز صاحب الأرث الشعري القائم على أسس صحيحة.

أنا أقول حتى أكون منصف أن ابن شائق شاعر أعطاه الله من الكاريزما (( الشخصية )) ما أوصله لما هو عليه وشعرة لا يخلو من المقالب التي أحيانا تتجاوز الأدب الشعري ولكن أن نقول أن كل بيت يقوله ابن شائق فيه مقلب شعري فهذا مالا يصدقه الا من لايفقه في الشعر شيئاً.

[رائد الكيرعاني القحطاني]

ابن المحايا



أشووووفك حريص جدّا جدّااا على المواضيع اللي فيها عبدالله بن شايق وترد بخمسه ردود ستّه !!



:rolleyes: :rolleyes:



ولا أفدتنا بجديد .. نقطة وتدور عليها



أنت وضّحت وجهة نظرك ما هو بلازم تجبرنا (بحفظها) !!




رسالة محب

[رائد الكيرعاني القحطاني]

مصر كلامك جزل




الجوارسي ومن قال لك أن أي بيت لبن شايق نعتبره مقلب !!



أتوقع ان بعض المبالغة لا تجدي نفع في هذا الموضوع !!



((( كان بودّي ان أعضاءنا الكرام اللي ما همهم الاّ مواضيع التدقيق في مقالب عبدالله بن شايق انهم يدقّقون في معانيه وقوّة تراكيبه للبيت ودفن المعنى في قالب فكاهي )))



إلا أن كان لهم مقاصد أخرى



فلهم تحياتي

[ابن المحايا]

ابن المحايا



أشووووفك حريص جدّا جدّااا على المواضيع اللي فيها عبدالله بن شايق وترد بخمسه ردود ستّه !!



:rolleyes: :rolleyes:



ولا أفدتنا بجديد .. نقطة وتدور عليها



أنت وضّحت وجهة نظرك ما هو بلازم تجبرنا (بحفظها) !!




رسالة محب


اتوقع ان المنتدى للجميع


وكل شخص يبدي وجهة نظره


افدتك ما افدتك مايعنني هالامر


وبعدين الردود اللي في هالموضوع خاصة


كلها مناقشة في (احد ابيات ابن شايق) ولم اتطرق لابن شايق بشكل عام (اتمنى منك التركيز)


(يمكن البعض يحصل عنده حساسية عند مناقشة ابيات ابن شايق)


هذا شيء راجع له


ان بغى يرد الباب مفتوح ما احد براده عن المناقشة


الا اذا لم يستطع الرد تأكد انه سيذهب لاشياء جانبية(كما هو الان)


اتوقع ان المنتدى فتح لابداء الاراء والمناقشه بين الاعضاء والتواصل فيما بينهم


وانا ماخرجت عن هذا النطاق ولله الحمد


أتمنى ان تكون نصيحتك للي يؤلفون مقالب من لاشيء


تحياتي

[الجوراسي]

مصر كلامك جزل




الجوارسي ومن قال لك أن أي بيت لبن شايق نعتبره مقلب !!



أتوقع ان بعض المبالغة لا تجدي نفع في هذا الموضوع !!



((( كان بودّي ان أعضاءنا الكرام اللي ما همهم الاّ مواضيع التدقيق في مقالب عبدالله بن شايق انهم يدقّقون في معانيه وقوّة تراكيبه للبيت ودفن المعنى في قالب فكاهي )))



إلا أن كان لهم مقاصد أخرى



فلهم تحياتي


يارايد مواضيع ربعك عن ابن شائق عن كل محاورة ينزلونها عندنا فيها ماهوا اكثر مما قلت وليتك اكتفيت من ردك بماقوست

[فهد الزهراني]

هلا اخوي فهد ردك العقلاني اجبرني على المرور

فالمشكله هنا عويصة

بين طرفين

الطرف الاول اختزل بيوت ابن شائق في البحث عن اللغم او المقلب ولكأني اسمع مايدور في خواطرهم وهم يقرأون البيت ويحاولون أن يجدوا لابتسامة ان شائق في نهاية القاءة للبيت تفسيراً ويقولون ابن شائق لا يضحك عبثاً فيبدأون يوصلون المفصول ويفصلون الموصول حتى يكتشفون هذا المقلب أخيراً


الطرف الثاني: يرى أن الشعر له أسس معينة لا يستطيع أيا كان أن يتجاوزها ولا يحملون البيت أكثر مما هو عليه ولعل هذا الطرف أغلبهم من أهل الحجاز صاحب الأرث الشعري القائم على أسس صحيحة.

أنا أقول حتى أكون منصف أن ابن شائق شاعر أعطاه الله من الكاريزما (( الشخصية )) ما أوصله لما هو عليه وشعرة لا يخلو من المقالب التي أحيانا تتجاوز الأدب الشعري ولكن أن نقول أن كل بيت يقوله ابن شائق فيه مقلب شعري فهذا مالا يصدقه الا من لايفقه في الشعر شيئاً.


حياك الله يالغالي

شرحك وافي واتفق معك بنسبة 100%

انا احب الشعر بشكل عام وشعر المحاورة بشكل خاص واتابع الشعراء وانبسط على محاوراتهم لكن لايمكن لي ان اعطيهم فوق حجمهم بما فيهم شعراء قبيلتي .

الشعراء ليسوا ملائكة وليسوا معصومين عندهم موهبة الشعر تقل وتضعف من شخص الى شخص ولكن مشكلة البعض يظن ان الشاعر من أول كلمة الى اخر كلمة مايقول الا كلام مرصوص وله فيه هدف وغاية والبعض مثلما ذكرت يفصل ويوصل عشان يطلع معه مقالب لوفرضنا انها صحيحة فالاغلب منها تافهه ولاتليق حتى بالشاعر نفسه وهنا اتكلم بشكل عام وليس عن هذه المحاورة.

لنكون عقلانيين شوي بعض المحاورات باعتراف شعرا كبار تبدأ وتنتهي وكل شاعر في وادي
بعض المحاورات مالها معنى تأدية واجب وتقطيع وقت
الرد على المعنى احيانا يكون بكلمة او كلمتين من البيت والباقي حشو

يجب على الجمهور ان يكون اكثر وعيا في النقاش حول هذه الامور ويجب ان لايعطي الشعراء فوق حجمهم ويسلم انه يخطأون ويصيبون ومن حقنا مناقشة كل كلمة تطلع منهم لأنها اصبحت ملك الجميع.

[خالد السويداني القحطاني]

متــــــــــــــــــــــــــــــــــــــــــــــــ ــــــــــــــــــــــــــــــابع
مســــــــــــــــــــــــــــــــــــــــــــــــ ــــــتـــــــــــــــــــغرب
المقلب هو مقلب صياف الي كاد ان يمشي على حبيب لــولا مستور
البيت لم يحضرني لاكن اذكر المقلب يقول وانت في منزلن عالي
ومقلبه الثاني انت مــــــــــــــــــنت ولد رخمه هذي المقالب الي
عليها العلم ابن شايق شاعر كبير وقدير بس لو انه يترك المقالب
ويتجه للمعنى كان اشواله المقالب ماهيب شعر لمقالب مامنها فايده
تحياتي