سعود العبدلي و حبيب العازمي في حفلة الطايف >> ابدااااع

[عبد العزيز العبدلي]

نظراً لآراء شخصيه لبعض الاخوان الأعضاء أن الشاعر / سعود العبدلي ليس بمكانة شاعر كبير ولايمثل قبيلة مطير ولا نختلف انها وجهات نظر

لذا اليكم هذا الطاروق بين الشعراء الكبار

سعود العبدلي و حبيب العازمي

وانتم احكموا بأنفسكم

:

:

:

/

سعود العبدلي


سلام ياهل الديره اللي شوفها شوف الغناه=تاريخها ماوافقـه تاريـخ قبلـه وبعـده
انا لقيت حبيب اصبح سر غامض فالحياه=اول حلاوه في فمه واخر حلاوه في يـده






حبيب العازمي



يامرحبا بالطرقي اللي ساع ماسارت خطاه=واللي يجينا من بلـده نبـا نـرده لبلـده
وانا لقيت العبدلي يمشي بعكـس الاتجـاه=واليا زرع له مشكله بين العرب وصى ولده






سعود العبدلي



لاهنت ياللي لاتساوى ماتغيـر مستـواه=مير السعيد اللي لا شبت نار ماغاب سعده
انته هذا انته دايم علومك تثيـر الانتبـاه=تشبك يدينك في بعضها والحبـال معقـده






حبيب العازمي



ياهل البعير اللي هديره مايطلّع له لهـاه=ان كان فيكم واحدا عاقل يـروح يقيّـده
انا علومي واضحه ولا يجي فيها اشتبـاه=ماهي بحلم الراقد اللي ماصحى من مرقده





سعود العبدلي



قبل يزيزد الجرح ياحبيب وتبلش في دواه=اعرف مصير العبد لو يمسح شوارب سيده
انته علومك كلبوها بينـت بعـد {القنـاه}=واللي يسولف كل يوم الناس تعرف مقصده






حبيب العازمي


حنا ليا منا جرحنا الجرح ماتصبر علاه=لكن رد سعيّد اللـي يعتـزي بسعيّـده
ياللي تقولون الرواة محنكين امحق رواه=امشبرقه وامزبرقه ومعشعشه وملبـده






سعود العبدلي


اعرفك رجلا مامسكت العلم واصل منتهاه=لكن كلمتك الاخيره صدق ماهـي جيّـده
اهرج معي يانجم يانجماً تعلا في سمـاه=واليا بغيت الضحك ضحكناك قومه وبعده





حبيب العازمي


ياهلا السلاح اللي تمسونه تبين ماوراه=تبا تجيك مفلفله ياللي تباهـا مبـرده
الكل نجما منزله والكل عمرا مامعـاه=وقلوبكم فيها بـلا وكبودكـم متغـدده





سعود العبدلي


اللي صنع له قنبله مرهون في شره واذاه=اليا حذفها في بلد جـاره تفجـر فبلـده
العين فحبال العرب والقلب في حبل النجاه=تبا تبرق في وانـت امراضكـم متعـدده






حبيب العازمي


اللي صنع له قنبله فالشر ياكثر زملاه=اليوم ماتلقى حيا فالعالـم المتمـرده
اسباع ديرتنا هذا ولا هذا سمع عواه=واسباع ديرتكم ترى بالانقراض مهدده

[مرزوق حمدان العتيبي]

..
محاوره مميزه الله لايهينكــ

..
شاكرين ومقدرين ...

[حسن إبراهيم الدجيماء]

واليا زرع له مشكله بين العرب وصى ولده << مجرم ياحبيب الله يعزّك

,,

صحت السنتهم
,,
وعلى فكرة سعود العبدلي لاينكر شاعريته إلا جاهل
,,
أنا من أشدّ المعجبين فيه
,,
مشكور ياعزيّز
,,
وواصل طرحك المميّز ياذيبان
,,
لاعدمنااك
,,
إحترااامي

,,

[خصيم الاجناب]

بداية العبدلي قويه وجايز انه طابخها من قبل فردوده لم تكن بمستوى البدايه بالمره

حبيب
حنا ليا منا جرحنا الجرح ماتصبر علاه
لكن رد سعيّد اللـي يعتـزي بسعيّـده


العبدلي


اعرفك رجلا مامسكت العلم واصل منتهاه
لكن كلمتك الاخيره صدق ماهـي جيّـده


ماهـي جيّـده ماهوب رد شاعر قوي



بعدين رد الطاروق للسوالف << القناه


العبدلي شاعر محترم لكن قوي لا

[فهد علي العازمي]

صراحة انا ما اعرف سعودالعبدلي
ولا عمري سمعت له شي
لكن أول الغيث قطرة وإذا كان هذا مستواه ,ابعد عن المهاترات
فبدون شك انه راح يسحب البساط ممن سبقوه


لاهنت يالمثالي

[عبد العزيز العبدلي]

مرزوق حمدان العتيبي و الدجيماء لاهنت معلى المرور يالنشاما

[عبد العزيز العبدلي]

مرحبابك يا خصيم الاجناب ولا هنت على وجهة نظرك ولك الاحترام

ومن الواضح انك تنظر الى الكلمات ولا تنظر الى المعنى والبيت بكامله

عندما قلت ان العبدلي طابخها من البدايه سأدلي بدلوي معك وسنرى اذا كلامك صحيح ولا لأ

عندما قال حبيب (لكن رد سعيد اللي يعتزي بسعيده)

رد عليه العبدلي وقال (لكن كلمتك الاخيره صدق ماهي جيده) يعني وش سعيد ويعتزي بسعيده يعني ما يصلح في مقامك كشاعر كبير وهذا مجرد تنبيه من العبدلي لحبيب وبالعكس خصم بيت حبيب ورد عليه ويعتبر البيت قوي من ناحية المعنى

وعندما قلت ان العبدلي رد الطاروق للسوالف للقناه العبدلي رد على بيت حبيب يوم يقول

انا علومي واضحه مايجي فيها اشتباه) فرد العبدلي وقال (انته علومك كلبوها بينت بعد القناه

وذلك ان دل دل على قوة ابيات العبدلي وبالعكس لم يتغير مستوا العبدلي لا في اول الطاروق ولا في اخره ولا قصورن في حبيب شاعر كبير وقوي وقد جارا العبدلي في الطاروق

اررجوا ان تكون وصلتك المعلومه وان تتقبلها بصدر رحب وبأخوه

تحياتي لك

[خصيم الاجناب]

العبدلي لعلمك الشك زايل بيننا ونقاشنا نقاش اخوان


نعم العبدلي طابخ البدعه من مده

والدليل لايوجد بيت للعبدلي اقوى من بدايته


ان كان فيه بيت اكتبه


قلتلك نقضه كان محترم ولكنه ليس بالرد القوي


ورد حبيب يدلك على ذلك


ياهلا السلاح اللي تمسونه تبين ماوراه
تبا تجيك مفلفله ياللي تباهـا مبـرده


العبدلي عندما قال ماهي جيده قصد التهديه والترفع نعرف ولكن بيت حبيب مافيه نزول


وحبيب رده للقوه هنا تبا تجيك مفلفله ياللي تباهـا مبـرده


وبالنسبه للمعنى اي معنى تتكلم عنه بعد قال القناه راحت سوالف



الظاهر كانو يسولفون على الفرشه وقامو وكملو الهرجه فالطاورق بس

[عبد العزيز العبدلي]

نعم نقاشنا نقاش عقلاني ولا يخرج عن ذلك

العبدلي ماعندك دليل يثبت انه طابخها من مده يالغالي ولا عشان قال ماهي جيده طلع طابخها من زمان

خلك عقلاني واقنعني واقنع الناس اللي يمرون على الموضوع ويستفيدون من نقاشاته

وعندما قلت ان حبيب رد على العبدلي في بيت حبيب اللي يقول

ياهل السلاح اللي تسمونه تبين ما وراه
تبا تجيم مفلفله ياللي تباهل امبرده

معك بيت ممتاز ورد محكم لكن اين بيت العبدلي يوم يقول

اللي صنع له قنبله مرهون في شره واذاه
اليا حذفها في بلد جاره تفجر فبلده

يعني تباها علي انا ياحبيب وجات عليك هذا مهوب رد طيب وين البيت هذا ما ذكرته ولا البيت هذا مافيه ماهي جيده انت الظاهر ادور الثغره بس لكي تطلع نفسك على حق وهذي ماتجوز اليا جيت تناقش نقاش عقلاني

وبالنسبه للقناه روح لردي الاول وتلقى اجابتك

وبالنسبه للفرشه لا تعليق لاني لو رديت عليك سندخل في متاهات معاً ولن نخرج منها الا بتفاهات

اذا كنت تريد ان تناقشني نقاش عقلاني وتاتيني بادله وبراهين مقنعه هنا استطيع ان ارد عليك

تحياتي

[خصيم الاجناب]

يامرحبا بالطرقي اللي ساع ماسارت خطـاه
واللي يجينا من بلـده نبـا نـرده لبلـده


اللي صنع له قنبله مرهون في شره واذاه
اليا حذفها في بلد جاره تفجر فبلده


صدقت البيت هذا ممتاز لو سلم من تكرار الماقف بلده


الشاعر مايطا جرة زميله الا لياطال الطاروق احيانا بعد


العبدلي شاعر محترم غصب عن الزعلان ماقلنا شئ


بس مكشوف شوي ويمكن مع غير حبيب مبدع


الفرشه ماغار مزحه لاتزعل هههههه

[طلال ناشي]

العبدلي لاهنت


صح اللسان سعود العبدلي وحبيب العازمي


سعود شاعر محترم أنا شخصياً حضرت ملعبه كان فيها سعود وسفر

وقد أحرج العبدلي سفر في كذا بيت

سعود شاعر جزل ولاكن ليس بأجزل من العازمي

جيزه جيز غيره


تحياتي

[الرحاال]

صحت السنتهم
,,
و سعود العبدلي لاينكر شاعريته إلا جاهل
,,
أنا من أشدّ المعجبين فيه ولاهوشرط ان يكون الشاعر مشهور بالاعلام لكي يمثل قبيلته من يدافع عن القبيله ويحفظ حقوقها دون هضم حقوق الاخرين هوشاعر القبيله
,,


,,

[مصر]

إبدااااااع .

[خالد السويداني القحطاني]

سعود شاعر لاكن حبيب بحر
سعود مبدع فالمحاورة هذي ولاينكر شاعرية سعود الاجاهل
والي يقابل حبيب بهذي القوة شاعر قوي
وانا مـــن اشد المعجبين بسعود العبدلي

[شباب العوني]

لاحوووول الا سعود يطلع ماهو شاعر :)

ولا يقارن بكبار الشعار :)

يعني أمتنع عن اللعب معه حبيب على ضعف شعره في حفلة الفغم:)

يوم قال سعود

حبيب العازمي بالعرض والطول
لقيت ثوبً على عرضه وطوله:)


يااالله على قولتك وجهة نظر

[محمد ابن رووق]

لاحوووول الا سعود يطلع ماهو شاعر :)

ولا يقارن بكبار الشعار :)

يعني أمتنع عن اللعب معه حبيب على ضعف شعره في حفلة الفغم:)

يوم قال سعود

حبيب العازمي بالعرض والطول
لقيت ثوبً على عرضه وطوله:)


يااالله على قولتك وجهة نظر


حبيب شاعر ضعيف ويخاف من سعود العبدلي ولاتزعل اهم شي تمبسط

بالطول بالعرض الاتي يهز الارض

المعنى عن حبيب

[فوازالعتيبي]

لاحوووول الا سعود يطلع ماهو شاعر :)

ولا يقارن بكبار الشعار :)

يعني أمتنع عن اللعب معه حبيب على ضعف شعره في حفلة الفغم:)

يوم قال سعود

حبيب العازمي بالعرض والطول
لقيت ثوبً على عرضه وطوله:)


يااالله على قولتك وجهة نظر


صدقت سعودالعبدلي وتركي الميزاني

كل ذولا يخاف منهم حبيب العازمي ولايقابلهم ويلغي الحفلات خوفآ منهم!







(
يالربع عطوه على جوه لاحديناقشة )

[بدر منور المطيري]

العبدلي أنا طالبك تجوز من هالسوالف


يعني واذا اثبت ان سعود شاعر القبيله وش استفاد سعود ووش استفدت انت


انا تارك الشعر كله لي فتره بسبب الانشغال لكن موضوعك حمسني اجي وارد

على شان اقول لك تترك عنك هالكلام .. الشعراء مادرو عنا لو نشرح عنهم سنين

اذا انعزم اخذ دراهم ومشى واذا ما انعزم سير على خويه اللي تحسبهم متقاطعين السهوم وتقهوى معه وفلة حجاج وعلوم رجال.... وكلن يبخص هالعلوم زين .

وافرض انك اقنعت اللي بالمنتديات كلها والنهايه ؟؟

يبي يدخل سعود موسوعة جينيس ولا ويش ؟؟


اتمنى تقبلها بصدر رحب


ومساكم الله بالخير كلكم

[عاشق الطاروق]

لاهنت ياعبد العزيز على النقل تقبلوا مروري تحياتي

[محمد الذيابـــي]

,,

صحت السنتهم
,,
وعلى فكرة سعود العبدلي لاينكر شاعريته إلا جاهل
,,
أنا من أشدّ المعجبين فيه
,,
مشكور ياعزيّز
,,
وواصل طرحك المميّز ياذيبان
,,
لاعدمنااك
,,
إحترااامي

,,