اقــرب شاعر

[صلاح البريكي]

السلام عليكم ورحمة الله وركاته

هاذي اول مصافحه في منداكم الشامخ واتشرف وبوجودي بين اصدقائي في هاذي القبيله العزيزه على قلبي





سلام الله عليكم والعلوم اكثار يا العتبان = على عز ومعزه والنشاما ما جهلناها
ليامني لقيت الشاعر اللي يحضر الميدان = ابا علمه في علم الرجال اللي عرفناها

[فهد علي العازمي]

هلابك واستلم يالغااالي


هلا بك يالبريكي مرحبا بك داخل الأوطان=ولاجونا ضيوف العز لازم نكرم لحاها
علومك طيبة وابضاعتك في داخل الدكان=ومن قدّم علوم الطيب قدم الناس يلقاها

[مرزوق حمدان العتيبي]

...
ليامني لقيت الشاعر اللي يحضر الميدان
ابا علمه في علم الرجال اللي عرفناهـا




مرجبابك تراحيب المطر يالبريكي

..
علومك طيبة وابضاعتك في داخل الدكان
ومن قدّم علوم الطيب قدم النـاس يلقاهـا
الله عليـــك يافهد ... وافي .. وصح لسانكـــ

..

[صلاح البريكي]

هلابك واستلم يالغااالي


هلا بك يالبريكي مرحبا بك داخل الأوطان=ولاجونا ضيوف العز لازم نكرم لحاها
علومك طيبة وابضاعتك في داخل الدكان=ومن قدّم علوم الطيب قدم الناس يلقاها




يدوم ابك البقى يا الشاعر الطيب رفيع الشان =رجالٍ مثلكم نفرح ليامنا لقيناها
الا يا العازمي اعرف عتيبه واعرف العطوان = اميزها من اولها واميزها من اتلاها

[فهد علي العازمي]

صح بدنك يامرزوق ونورت الصفحة يالغالي

[صلاح البريكي]

والبقى يا المشرف مرزوق حمدان العتيبي

ولا هنت يا الغالي على المرور الطيب

[ربح السبيعي]

مرحبابك يالبريكي



وصح لسانك على هالمبداء المتميز



وصح لسان فهد العازمي على الرد الوافي

[صلاح البريكي]

والبقى يا ربح السبيعي


صح ابدنك يا الغالي

ونورت الصفحه بوجودك يا الغالي

[فهد علي العازمي]

تراكم ما عليكم زود وايضا مالحق نقصان=وهذي كلمتن ياطيبها ياطيب مبداها
والا يا اهل الشمال انتم بعد طقيتوا البيبان=لزوم إن الدلال تفوح والضيف يتقهواها

[فهد علي العازمي]

مرحبابك يالبريكي



وصح لسانك على هالمبداء المتميز



وصح لسان فهد العازمي على الرد الوافي

صح بدنك وحياك الله ياربح

[صلاح البريكي]

تراكم ما عليكم زود وايضا مالحق نقصان=وهذي كلمتن ياطيبها ياطيب مبداها
والا يا اهل الشمال انتم بعد طقيتوا البيبان=لزوم إن الدلال تفوح والضيف يتقهواها




حكايت ليله وليله بعدها كان يا ماكان = سمعنا عنها واليوم يا الطيب قريناها
نعز الضيف ونزبن الدخيل ونقعم العدوان = واضنك تعرف علوم العرب واللي بعد جاها

[فهد علي العازمي]

حكاية ليلية وليلة تسولفها مع الورعان=أنا ما أعرف سوالفها ولا ادري وشهو اقصاها
أنا ماقلت فيك قصور والوزنة على الميزان=ولا كل آدمي لا شمّر ذراعة تهقواها

[صلاح البريكي]

ثقافه مثل ما نسمع ونعرف خاتم سليمان=ولا هو عيب والدنيا على الفطره حضرناها
انا ما قلت غير الحق والدعوى لها برهان = على حسب العوايد والسلوم اللي عرفناها

[فهد علي العازمي]

ثقافتنا على صم الرمك ومقابل الفرسان=علوم المرجلة والعز فالماقف ورثناها
صلاح انته تدل الدرب والا لاحقك نسيان= سوات اللي يبي يكْحَل عيونه لينه اعماها

[ܓܨ عبدالله البرقاويܓܨ]

ياسلام عليكم صح الالسن
<متابع

[خلف الروقي]

الله الله


صحت ألسنتكم مبدعين ووافين ما شاء الله عليكم


متابع لكم وماسك صف ابن عاصي


طالت اعماركم

[فهد علي العازمي]

عبدالله البرقاوي
سفير الدوادمي


مرحبا فيكم ونوتو الصفحة

السفير يزهى بك الصف

[فهد علي العازمي]

استودكم الله ابي اصلي ولنا لقاء

ولي الشرف بالعب معك يالبريكي

[صلاح البريكي]

اعرف يا طويل العمر لا رابح ولا خسران = تحد النفس لا كنك معودها على اقصاها
تركد لا تطير وجعبتك ما دونها جنحان = على هونك مدام ان الحقايق ما كشفناها

[صلاح البريكي]

ما تشوف شر يافهد

وتشرف باللعب وياك

ولنا لقاء ان شاء الله