احدن ليا ضاقت عليه يعوم في غبة بحر@واحدن ليا ضاقت يعنزها على سلمى واجا // الطارف سديد

[ماجد العصيمي]

الطارف سديد ولايجي الا الصامل




الليل ياشعار والمسرى على نور القمر=مار القمر تال الشهر نوره يضيع امع الدجا
احدن ليا ضاقت عليه يعوم في غبة بحر=واحدن ليا ضاقت يعنزها على سلمى واجا

[ولدعساف]

الله الله ..

واصبر برد عليك ..

أنت تبأ العلم هونت أبعطي الفرصه لشباب المبتديء :) ..

صح لسانك ياشبل ولآهنت ..

,,,

[ماجد العصيمي]

انت تبا العلم بيض الله وجهك فكيتني منك ههههههه

صح بدنك وبانتظار شباب المنتدى

[فايز بن سرحان الثبيتي]

احدن ليا ضاقت عليه يعوم في غبة بحـر
واحدن ليا ضاقت يعنزها على سلمى واجا



عنزها على الله ياشبل "


صح لسانك وصح لسان قبيلك "


اما انا ابقعد هناااااك جنب ولد عساف "

[ماجد العصيمي]

مرحبا يابن سرحان وصح بدنك

كل شي على الله سبحانه

وبيض الله وجهك مع ولد عساف

[ربح السبيعي]

صح السانك يا شبل واستلم لا هنت



الليل توه مبتدئ والشعر طاب إله السمر= والشاعر إللي يصخر القيفان عانه تو جاء


احدن ليا ضاقت ذبحه الهم مع طول السهر= واحدن ليا ضاقت توجه يم ربه وألتجاء

[ماجد العصيمي]

اشوف في تال الزمن ماعاد لجهينه خبر=ولا منول علمهم في كل دار مروجا
يقضي علاك الخرص كانك ماتتبعت الاثر=وتصير ياربح السبيعي مثل فلم مدبلجا

[علي الشهراني]

الله الله


وش العلم يا بو جزااا


سلمى و اجا مره وحده


صح لسااانك و الصف صفك


و صح لساان اخونا و شااعرنا القدير ربح السبيعي


متااابع الله لا يعووق بشر

[ماجد العصيمي]

مرحبا ياعلي مرورك انتظرته حتى انار متصفحي

صح بدنك والصف يزهابك يابعدي

[ربح السبيعي]

أجهينه أهل العلم ياشبل و يعود لها الأمر=والشي ذا مايجهله من يعرف حروف الهجاء



وانا ما دامي من جدودي وارث(ن) جزل الشعر=بظهرك بالجره لونك تتقي خلف محجا

[ربح السبيعي]

مرحبابك ياشهراني وصح بدنك ولاهنت

[ماجد العصيمي]

افياض صايبها الدهر واقوام صايبها الفقر=شين طبيعي وقتهم كله ياربح معجعجا
ياقوم ياللي وامنين القوم من سبر السبر=اقولها واسبوركم ياقوم مافيها رجا

[ربح السبيعي]

هذي من ذنوب البشر ياصاحبي منع القطر=يقول فهد اذنب سعد يقول سعد اذنب رجاء


حنا على الظالم وظلمه عندنا قوة صبر=لاكن ترانا لا زعلنا من خطرنا ما نجاء

[ربح السبيعي]

هذي من ذنوب البشر ياصاحبي منع القطر=يقول فهد اذنب سعد يقول سعد اذنب رجاء


حنا على الظالم وظلمه عندنا قوة صبر=لاكن ترانا لا زعلنا من خطرنا ما نجاء


الشطر الثاني كان فيه خطاء املائي ارجو من المشرفين تعديله

[سعود العصيمي]

شبل مرجحين الموازين


صح لساااااانك مليووون




ربح السبيعي


صح لسااااااانك مليووون






وتم تعديل الخطأ الاملائي.




محاورة رااائعه

[ربح السبيعي]

شبل مرجحين الموازين


صح لساااااانك مليووون




ربح السبيعي


صح لسااااااانك مليووون






وتم تعديل الخطأ الاملائي.




محاورة رااائعه



صح بدنك يابو طايل


ولاهنت يالقرم