المساعد الشخصي الرقمي

مشاهدة النسخة كاملة : درب الشكاله...

مرزوق حمدان العتيبي
30-Jan-2005, 06:50 PM
قبل مابدأ شي اسوي له دراسه = وانتبه لاجيت اسلم واستلم به
والطريق افتح عيوني لا مشيته= ما مشيت الا على درب الشكاله
**
احتزمت بمحزم ٍ من طيب ساسه = سعد منهو بالشدايد يحتزم به
فزعته تشفي غليلي لانخيته = والمراجل سلم ابوه وسلم خاله
**
ابو ماجد لو يشوف الموت داسه = لا ذكر طاريه قلنا والنعم به
صاحبٍ عالي مقامه واشتريته = لو يطول الوقت مانبغى بداله
**
وافي ٍّ كل الشجاعه وسط راسه = في ظلام الوقت كنّه نور لمبّه
كل ماجيته على الهقوه لقيته = شال حمله بالمراجل وارتكاله
**
يرتكي للكايده من قو باسه = والمروّه والشهامه والكرم به
لو ماهو قد هذي مانصيته = الردي محد ٍ من البعد ايعناله
**
الامور الكايده تبغي فراسه = والرجل لاقال قوله يلتزم به
يابو ماجد يوم جينا وسط بيته = ليه ماكمّل مواجيب الجماله
**
من لبس له ثوب ماهوب بمقاسه = مامعه عقل على الشي يحكم به
وانت ماقصرت في شي بديته = جعل مثلك بالحياه يطيب فاله
**
الشدايد حلها يبغى سياسه = والردي محد ٍ من الناس يحلم به
من تجاهلني جهلته وازدريته = والبخيل ابخيل لو يكثر حلاله
**
الله اكبر صار بالعقل انتكاسه = والمغيّب ماسوى الله يعلم به
والنصيب يجيك لوّك ماهقيته = ماكتبه الله ترى سهل ٍ مناله
**
الهدف يحتاج تخطيط وحماسه = تعرف الوقت المناسب وتهجم به
ابذل المجهود في درب ٍ نويته = بالعزيمه ماش حاجه مستحاله
**
والحظوظ ان كان جا فيها نحا سه = كل ماتدخل تحدي تنهزم به
اتجه للي يعزك لارجيته = مايضيع اللي على الله اتكاله

وسلامتكم..
النفاعي
31-Jan-2005, 01:34 AM
وانت سالم وغانم يالعتيبي
وصح لسانك على هالجزاله يامرزوق

النفاعي


وانت سالم وغانم يالنفاعي
قريت القصيده وشرفتها ..
صح بدنك ....
ودام تواصلك..
اخوك
نياف العتيبي
31-Jan-2005, 01:37 AM
وافي ٍّ كل الشجاعه وسط راسـه
في ظلام الوقت كنّه نـور لمبّـه
كل ماجيته على الهقـوه لقيتـه
شال حمله بالمراجـل وارتكالـه
**


صح لساااااااانك يامرزوق

جززززززززله من جزززززززل

عادتك ياطيب الجزلااااااااااااااااااات

اخوووووووك

النااااااااااااايف
الــوآفــي
31-Jan-2005, 03:00 AM
والحظوظ ان كان جا فيها نحا سه
كل ماتدخل تحـدي تنهـزم بـه
اتجـه للـي يعـزك لارجيـتـه
مايضيع اللـي علـى الله اتكالـه


صح لسانك يا مرزوق

ابداع كالعاده ومعودنا عليه :)

لك كل التحيه
((الدلبحي))
31-Jan-2005, 01:45 PM
مرزوق
اليا قريت القصيد وسمعته لابد وان اذكرك تسلم يامرزوق قصيده جزله ومن شاعر وافي

تحياااااااااااااتي
أبو الوليد
31-Jan-2005, 05:18 PM
صح لسانك على هذه المعاني والالفاظ الجزلة
ولك اجمل تحياتي واشواقي
مرزوق حمدان العتيبي
31-Jan-2005, 07:05 PM
الاخ العزيز النفاعي
مرحبا فيك للمره الثانيه
اعتذرك لك لني جيت ابي اقتبس من تعليقك
واظن اني دخلت تعديل... فالسمووحه يابن العم
صح بدنك والله لايهينك..
اخوك... :)
بعيـد المرامع
01-Feb-2005, 12:09 AM
صح لسانك ..
لاجديد ... فالابداع ..لازال مستمر

بعيد المرامع
مرزوق حمدان العتيبي
01-Feb-2005, 08:56 PM
صح لساااااااانك يامرزوق

جززززززززله من جزززززززل

عادتك ياطيب الجزلااااااااااااااااااات

اخوووووووك

النااااااااااااايف

والله ماعليك زود يابن العم
عاجز عن شكرك على حضورك القيّم
واطراءك الاخوي الجميل..
كل الود ياغالي.
مرزوق حمدان العتيبي
02-Feb-2005, 03:14 PM
...

صح بدنك ياذيبان
ولا عليك زود ياسنايدي
حضورك هو اهم المكتسبات لاعدمتك.
اخوك
كحيلان السريح
02-Feb-2005, 04:31 PM
صح لسانك على هذه القصيده
منصور بن فهيد
02-Feb-2005, 05:32 PM
صح لساااانك اخوي مرزوق العتيبي وقصيده رائعه واشكرك عليها وننتظر جديدك انشاء الله وتقبل تحياتي


اخوك
منصور الشيباني
مرزوق حمدان العتيبي
03-Feb-2005, 07:07 PM
..

ياشين الغشااااامه
...
الاخ الغالي الدلبحي
والله ما عليك زود وشهاده منك
افتخر بها بلا شك دمت وادام الله تواصلك..
دخلت ردك ابي اقتبس ومن الغشامه سويت تعديل
العذر والسموحه منك.
اخوك.
وصل العطياني؟؟؟
04-Feb-2005, 01:12 AM
مرزوق هنا ...

إذا هنا إبداع :)

صح لسانك مليارات ...



تحياااااااااتي
خليل المطيري
04-Feb-2005, 09:54 PM
بسم الله الرحمن الرحيم

مرزوق العتيبي

السلام عليكم ورحمة الله وبركاته

صح الله السااااااااااااانك على هذا الإبداع
وعلى هذه القصيده الجزله والقصيده المميزه

دائماً لك ومنك وعندك الابدااااااااااااااع

تقديري واحترامي

خليل المطيري
مرزوق حمدان العتيبي
05-Feb-2005, 06:58 PM
الاخ العزيز الشهاب
صح بدنك ولا عليك زود
شهاده منك اعتز فيها والله يحفظك..
اخوك
مرزوق حمدان العتيبي
05-Feb-2005, 07:00 PM
..
الاخ الغالي بعيد المرامع
الابداع وجودك ورؤية حروفك..
شكرا لك على حضورك العزيز..
اخوك.
مرزوق حمدان العتيبي
07-Feb-2005, 03:12 PM
...

كحيلان
صح بدنك ياغالي
تشرفنا
خالدالعصيمي
08-Feb-2005, 02:19 AM
سلمت يمينك

وصح اللسانك

وافي ياوافي
صـويب الرمـــش*
08-Feb-2005, 03:26 AM
صـــــــح لسانك يالعتيبي ,,, أوفيت وكفيت ,, سلمت يمينك .
مرزوق حمدان العتيبي
10-Feb-2005, 11:47 PM
...
الاخ العزيز النويري..
صح بدنك ويامرحبا فيك وفي حضورك..
اخوك.
مرزوق حمدان العتيبي
12-Feb-2005, 02:45 PM
...
صح بدنك ترليوون ياوصل العطياني..

والابداع عانه في حضورك..

سلمت ودمت ياغالي..
مرزوق حمدان العتيبي
13-Feb-2005, 06:18 PM
...
الاخ العزيز
والشاعر الرائع خليل المطيري
صح بدانك يا احمر العين ..
شكرا لك على حضورك .. وجمال حروفك.
اخوك.
مرزوق حمدان العتيبي
15-Feb-2005, 09:59 PM
..
الاخ خالد العصيمي
صح بدنك

شرفت واسعدني حضورك.
اخوك.
مرزوق حمدان العتيبي
17-Feb-2005, 05:38 PM
..
صويب الرمش

صح بدنك يالغالي.
كلماتك تاج على راسي لاعدمتك.
اخوك
مهنا الدلبحي
17-Feb-2005, 06:03 PM
احتزمت بمحزم ٍ من طيب ساسه
سعد منهو بالشدايد يحتـزم بـه
فزعته تشفـي غليلـي لانخيتـه
والمراجل سلم ابوه وسلم خالـه

كفوووو ـــــ وتسلم يمينك وصح السااااااااانك كتبت ووفيت وأبدعت
لله درك على هذا الطارووق
لك تقديري واحترامي
أخوك ـــــــــــ مهنا الدلبحي
مرزوق حمدان العتيبي
20-Feb-2005, 10:09 AM
...الاخ والشاعر مهنا الدلبحي..
صح بدنك..
ماعليك زود ياعصابة راسي..
بكل الفرح والسرور ان احضى بتشريفك صفحتي
وتزدان بحروفك قصيدتي.
اخوك
تركي بن اهنيدس
21-Feb-2005, 11:35 PM
صح السانك


ولا هنت


يالقرم
مرزوق حمدان العتيبي
25-Feb-2005, 05:46 PM
..
الاخ تركي
صح بدنك
والف شكر لك
على الحضور والتعليق..
لك في قلب اخيك كل الود والتقدير..
دريد ابن الصمة
27-Feb-2005, 12:09 AM
الطريق افتح عيوني لا مشيتة = ما مشيت الا على درب الشكالة

الله اكبر على الابداع يا مرزوق ....

جزالة ... روعه .... ابداع .... تميز

صح السانك يا مرزوق ..

وتقبل خاالص تحياتي
مرزوق حمدان العتيبي
22-Apr-2005, 04:06 PM
الطريق افتح عيوني لا مشيتة = ما مشيت الا على درب الشكالة

الله اكبر على الابداع يا مرزوق ....

جزالة ... روعه .... ابداع .... تميز

صح السانك يا مرزوق ..

وتقبل خاالص تحياتي


صح بدنك ياغالي

ولي الشرف انا ارى حروفك التي انارت
هذه الصفحه.
ابن مشيب
26-Apr-2005, 06:17 PM
قبل مابدأ شي اسوي له دراسـه=-وانتبه لاجيت اسلم واستلـم بـه
والطريق افتح عيوني لا مشيتـه=ما مشيت الا على درب الشكالـه



كفو والله يامرزوق , شاعر متمرس , نظم حكيم وجزل , كعادتك يامرزوق , صح السانك على هذه الابيات الاكثر من رائعة



تقبل تحياتي
مرزوق حمدان العتيبي
30-Apr-2005, 01:13 PM
...

اخي الغالي بن مشيب,,
شهاده منك محل فخري واعتزازي,,
وابروزها بالذهب ... الف شكر لك على الخضور والتعليق ..
تحياتي
خلف بن مرزوق
04-May-2005, 08:17 PM
من لبس له ثوب ماهوب بمقاسه
مامعه عقل على الشي يحكم بـه
وانت ماقصرت في شـي بديتـه
جعل مثلك بالحياه يطيـب فالـه


وش نقول في قصيدة شاعرها
مرزوق

غير ابداع جديد

سلمت يمينك

وبيض الله وجهك

وتقبل

تحيااااتي
الازوري
04-May-2005, 08:49 PM
جزله

وصح السانك

ولا هنت
mohmmedot
04-May-2005, 09:00 PM
صح لسانك وبيض الله وجهك على القصيدة الجزله والقافية الرائعه .. فأنت أهلاً لها
مرزوق حمدان العتيبي
06-May-2005, 10:31 AM
...
الاخ العزيز خلف
يسعدني ان ارى تواجدك على هذه الصفحه ..
الف شكر لك ..
ولاعليك زود ..
كل الود
مرزوق حمدان العتيبي
06-May-2005, 10:32 AM
...
الازوري
صح بدنك...
وياهلا بك ... نورت..
مرزوق حمدان العتيبي
06-May-2005, 10:33 AM
...
الاخ محمد
صح بدنك ... شهاده تسعدني
من شاعر بحجمك ...
كل الود ..
اخوك .