العازمي (ابوطلال) متى مالله جابك .. مطلوب للمناقشه ؟!!

[مازن الشيباني]

مساك الله بالخير يابو طلال .. ودنا نتعلم منك طال عمرك
ومساء الخير للجميع,,,

وأستلم..
سلام يا اللي لهم فـــ ... القلب قدر اوقار=العزوه اللي يفوح الطيب من طيبها
يالعازمي لا زهمتك لاتعدا المسار= والكلمه الطيّبه ودك ووديبها

[ماجد السميري]

الله الله

بدايه توحي بشئ

صح لسااااااانك يامازن

وبأنتظار الاستاذ ابو طلال

وصح لسااااااااااااانه مقدما

[عيد العازمي]

مساك الله بالنور والسرور ومما يشرفني طلبك لي



طويل عمر وهلابك مع طوال العمار = ياذخر قومٍ على الطاله نماريبها!!


عطنا علوم الحيا من كل ديره ودار = ماعندنا الا ديارٍ عاويٍ ذيبها!!

[مازن الشيباني]

صح بدنك ابن عاقل
.................................ز

والشرف لي يابو طلال

[مازن الشيباني]

اليا متى يالعتيبي وانت حولك حصار=سجادتك في يدينك ماتصلي بها
اليا متى الشجب يارجال والانتظار= والغرب يثعي بها والشرق يدريبها

[مازن الشيباني]

ابو طلال المعذره نكملها غداً الوقت متأخر عندي والساعه ثلاث


تصبح على خير

[عيد العازمي]

الارض كوره تحتنا تكتسي بالغبار = لو نقف وقفاتنا اللي محد ياويبها!!


واد الرمه لو مشى سيله يعم الديار = خل الليالي تدور وينكشف غيبها!!

[عيد العازمي]

ابن عاقل شرفتنا


وصح بدنك


مازن


معذور وعلى خير نلتقي متى ماسمح وقتنا لاهنت