جديد سوار الذهب وابو تركي

[المثالي]

عبدالله الميزاني


ابى اطلع على سطح القمر عن بياض القاع
وابى اخذ معي مستور واكويه بلسانه
وانا نوب منك اضحك وانا نوب منك ارتاع
ومن طق باب الناس تنطق بيبانه


مستور العصيمي


على ما تقوله يا ابيض الوجه ما انت مطاع
وانا جيت من غرب الجزيره على شانه
ترا ما يصد الغاره الا طويل ذراع
وحالتك يا عبدالله اليوم تعبانه



عبدالله



ليا جيت هوشه ما يردك مية فراع
والاوضاع مقبوله والاخلاق خربانه
ابى العب على شانك بعد نصف عمري ضاع
على ما تبى يا رحمة الله وغفرانه


مستور



علومك سفينة بحر تبحر بدون شراع
تجي فاضيه فالبحر وتروح مليانه
والا يا مدور للطمع من وراء الطماع
كثير السوالف عندنا مالها خانه


عبدالله



علومي تهد روكن متوازي الاضلاع
لقينا ولد مستور في بيت جيرانه
يبى يقبس البارود داخل عيون وساع
نجازي كفوف ٍ بيض وبطون جيعانه


مستور




ليا صار ما جاء سيل وش يزرع الزراع
ترا مالنا في دبرة الله سبحانه
انا اخيّل اللي فالبحر برقها لماع
ولا تحسب اني حضرمي ٍ بدكانه



عبدالله



وانا ما نسيت ان المنايا تجي في ساع
تجي للقبور اموات والناس ولهانه
صراحه يا مستور العصيمي غريب اطباع
على شان ايش ليش يضيع ورده وريحانه



مستور


يا عبدالله اسر الليل وسباع ضد اسباع
اشوف العرب في تالي الوقت بلشانه

[ولدعساف]

الله الله ..


صح لسان ابو غازي ولسان ابو تركي ..


بيض الله وجهك يالمثالي انتقاء مميز وطرح رآئع لآهنت ..

,,,

[ابن المحايا]

لاهنت يالمثالي على النقل الرائع


وهذه المحاورة يوم الخميس الماضي ولعب سوار الذهب فيها مع مستور العصيمي وفهد العازمي فقط


ومن الشعراء المتواجدين في الحفل ايضا زيد العضيلة وتركي 2000



وهذا الطاروق فيديو


http://www.youtube.com/watch?v=80umdljIioI&feature=player_embedded#!

[ابو فايح]

سوار الذهب
وانا نوب منك اضحك وانا نوب منك ارتاع**ومن طق باب الناس تنطق بيبانه


مستور العصيمي
ترا ما يصد الغاره الا طويل ذراع **وحالتك يا عبدالله اليوم تعبانه


يلوموني في ابو تركي

مبدع الى ابعد الحدود


الميزاني يحاول وصف الاسلوب الشعري لابو تركي وانه احيانا قوي وأحيانا عكس ذلك

ورغم انه المعنى اساسا ليس بذلك المعنى الذي يتعب الشاعر على شانه ولكن هذا ماجاء به الميزاني

ولهذا قال ابو تركي

علومك سفينة بحر تبحر بدون شراع **تجي فاضيه فالبحر وتروح مليانه
والا يا مدور للطمع من وراء الطماع **كثير السوالف عندنا مالها خانه


بعدها اتجه سوار الذهب كعادته لتمجيد نفسه

علومي تهد ركون متوازي الاضلاع**لقينا ولد مستور في بيت جيرانه


ولكن مستور له رأي أخر

ليا صار ما جاء سيل وش يزرع الزراع **ترا مالنا في دبرة الله سبحانه
انا اخيّل اللي فالبحر برقها لماع **ولا تحسب اني حضرمي ٍ بدكانه


لاهنت يالمثالي على النقل

[ابوتيجان]

اجاد مستور في وصف شاعرية عبدالله الميزاني في بيتين وهي

مستور

علومك سفينة بحر تبحر بدون شراع =تجي فاضيه فالبحر وتروح مليانه


مستور

ليا صار ما جاء سيل وش يزرع الزراع =ترا مالنا في دبرة الله سبحانه


ولازلت اقول عبدالله الميزاني شاعر خصومة من الدرجة الاولى وليس شاعر معنى وفتل ونقض كما يطبل بعض الجهلة

[الواصلي العبدلي]

شكر على المحاوره ابو تركي استاذ والميزاني داهيه

[متعب المقاطي العتيبي]

علومك سفينة بحر تبحر بدون شراع =تجي فاضيه فالبحر وتروح مليانه
.
.
.

لاهنت يالمثالي على النقل
والشكر موصول للجميع

[رائد الكيرعاني القحطاني]

لاهنت يالمثالي


لكن متى تاريخها الله لا يهينك اذا كان عندك او الاخوان خبر ؟


تحياتي

[الجوراسي]

الله يطول عمر ابو تركي

ماقصر ابو فايح وابو تيجان والاخوان في التحليل والتعليق


شكرا من الاعماق يالمثالي

[برق شمالي]

سوار الذهب
وانا نوب منك اضحك وانا نوب منك ارتاع**ومن طق باب الناس تنطق بيبانه


مستور العصيمي
ترا ما يصد الغاره الا طويل ذراع **وحالتك يا عبدالله اليوم تعبانه


يلوموني في ابو تركي

مبدع الى ابعد الحدود


الميزاني يحاول وصف الاسلوب الشعري لابو تركي وانه احيانا قوي وأحيانا عكس ذلك

ورغم انه المعنى اساسا ليس بذلك المعنى الذي يتعب الشاعر على شانه ولكن هذا ماجاء به الميزاني

ولهذا قال ابو تركي

علومك سفينة بحر تبحر بدون شراع **تجي فاضيه فالبحر وتروح مليانه
والا يا مدور للطمع من وراء الطماع **كثير السوالف عندنا مالها خانه


بعدها اتجه سوار الذهب كعادته لتمجيد نفسه

علومي تهد ركون متوازي الاضلاع**لقينا ولد مستور في بيت جيرانه


ولكن مستور له رأي أخر

ليا صار ما جاء سيل وش يزرع الزراع **ترا مالنا في دبرة الله سبحانه
انا اخيّل اللي فالبحر برقها لماع **ولا تحسب اني حضرمي ٍ بدكانه


لاهنت يالمثالي على النقل

يعطيك العافية و نقدر وجهة نظرك

لكن يبدو أنك تتحامل على سوار الذهب وليتك أدركت المعنى الحقيقي تحلل على كيفك بعيد عن الرمز الذي وضعه الميزاني من البداية ولي عودة إن شاء الله

[برق شمالي]

ابى اطلع على سطح القمر عن بياض القاع
وابى اخذ معي مستور واكويه بلسانه
وانا نوب منك اضحك وانا نوب منك ارتاع
ومن طق باب الناس تنطق بيبانه


هذا البيت الأول في المحاورة ... والمفترض أن يكون رسم المعنى وتحديد مساره هنا
وهذا ما فعله المبدع سوار الذهب

أبي أطلع على سطح القمر ( أبي أرفع نفسي عن بعض العلوم )

وأخذ معي مستور وأكويه بلسانه ؟؟؟ لماذا ؟؟ عتب من الميزاني لأن العصيمي سيئ لسوار الذهب في غيابه ( يحش فيه )

دل على ذلك الرمزيات القمر والقاع ( الرفعه والضعة )

أكويه بلسانه

وفي البيت الثاني

أكد على المعنى بقوله ( من طق باب الناس )


وأما بيت العصيمي ( علومك بدون شراع ) نفي لكلام سوار الذهب وأنه إشاعة ولم يصدر منه هذا التصرف

نقلت هذا التحليل شفويا وبشكل سريع من أخوي وزير وفقير

شكرا لكم وشكرا له

[ابوتيجان]

ابى اطلع على سطح القمر عن بياض القاع
وابى اخذ معي مستور واكويه بلسانه
وانا نوب منك اضحك وانا نوب منك ارتاع
ومن طق باب الناس تنطق بيبانه


هذا البيت الأول في المحاورة ... والمفترض أن يكون رسم المعنى وتحديد مساره هنا
وهذا ما فعله المبدع سوار الذهب

أبي أطلع على سطح القمر ( أبي أرفع نفسي عن بعض العلوم )

وأخذ معي مستور وأكويه بلسانه ؟؟؟ لماذا ؟؟ عتب من الميزاني لأن العصيمي سيئ لسوار الذهب في غيابه ( يحش فيه )

دل على ذلك الرمزيات القمر والقاع ( الرفعه والضعة )

أكويه بلسانه

وفي البيت الثاني

أكد على المعنى بقوله ( من طق باب الناس )


وأما بيت العصيمي ( علومك بدون شراع ) نفي لكلام سوار الذهب وأنه إشاعة ولم يصدر منه هذا التصرف

نقلت هذا التحليل شفويا وبشكل سريع من أخوي وزير وفقير

شكرا لكم وشكرا له

واخونا وزير وفقير اللي حلل المعنى على منهج مع الخيل ياشقراء وين جلس مع مستور وسمعه يحش في سوار الذهب؟

[برق شمالي]

أبو تيجان

أنت تكابر
وتحليل الرجال صحيح ومنطقي

هذا هو المفهوم من كلام الميزاني


وشوف بيت الميزاني الثالث :

ليا جات هوشة ما يفكك مية فراع = والاوضاع خربانه والاخلاق خربانه

وفكر فيه ياذيب